اختيار المقاعد مناسب؟! ارجو الرد عاجلا
 

السلام عليكم
استفسار يا اخواني للأهمية
مسافر بالعائلة بإذن الله والرحلة 10 ساعات واخترت المقاعد رقم 56 JKL الطيارة بوينج 777-300

طبعا وانتم بكرامة دورة المياه خلفنا لأن معنا 3 اطفال قلت قريبه إذا احتاجوها ..

لكن اللي خايف منه إن ممكن نتأذى من الريحه وكذلك كثرة الرايح والجاي الله يعين..

والشئ الثاني هل الكراسي ترجع للوراء مثل الكراسي الاخرى ولا الحيز بيكون صغير

لأن اللي خلاني اختار هذي المقاعد هو عدم وجود احد خلفنا يعني نرجع المقاعد ونحرك براحتنا لأن بعض الناس غجر هداهم الله بس تعديل بسيط بالكرسي تلقاه يتكلم
وهذي صارة لي برحلة لوحدي وشكله الراجل موفايق ويبغى الكل على مزاجه قام يتكلم واعطيته الوجه الاقشر اللي يستاهله لأن مصيبه واحد يجي ينكد عليك رحلتك لأنها مهي عاجبته الرحلة بس خله يطير

65 مشاهدة ولا رد وينكم ياجماعة ؟! اخل التخصص والسفر ..

اتمنى احد يفدني طرحت هالسؤال بهالمنتدى لانه ماشاءالله متخصص بالطيران والكل كباتنه ان شاءالله :)

بخصوص المقعد الي خلفه الحمامات نفس انحناء اي مقعد سياحي اخر بنفس المستوى ماتفرق

وان شاءالله فدتك

يعطيك العافية اخوي ما قصرت على بالي لوحدي بالمنتدى ^_^
لأن انا قرأت بهذي الصفحة
SeatGuru Seat Map Saudia Boeing 777-300 (773) Two Class

إنه الانحناء يختلف عن المقاعد الاخرى..
بس ممتاز إذا كان مثل المقاعد الاخرى

الاستفسار الثاني هل مناسب لعائلة مكونة من طفلين خاصة ممكن تكون مزدحمة او رايحين جايين بسبب دورت المياه اكرمكم الله .....( كذلك الروائح والاصوات ) لأن ما عمري جلست حولها ابد وابحث عن المناسب

لأن إذا مومناسب اقدم للمقاعد الاخرى

شاكر لمن يفيدني مقدما
واكرر شكري وجزاك الله خير اخي على الافادة

العفووو ياخوي وهذا وجبنا

بخصوص الروائح ما اتوقع راح تشم شي

اما الركاب الي يمرون صوبكم ممكن يكون مزعج لاكن بالنسبه لي مو دايم تكون الحركة كثيره وحسب مدة الرحلة

الله يثيبك اخوي على الرد والاجابة
الرحلة 10 ساعات فمدري اخوي من رأيك مناسب ولا اقدم بالمقاعد الامامية افضل
شاكر ومقدر اهتمامك