|
فى امل فى تغيير شروط التقديم للضيافه
بسم الله الرحمن الرحيم انا رحت اقدم فى مصر للطيران لاقيت الشروط اللى فى الاعلان اتغيرت من ثانويه عامه لغات ومؤهل عالى عادى الى ثانويه عامه لغات ومؤهل عالى لغات ايضا:d3oh: نفسى اوى اشتغل مضيفه طيب لو رحت واخذت كورسات فى الضيافه ممكن يقبلوا ورقى ولا هيقولوا الشروط انا معايا ليسانس اداب اررررررررررررررررررررجوكم حد يفدنى خلاص تعبت من كتر الانتظار |
رد: فى امل فى تغيير شروط التقديم للضيافه
احنا فى مصر غاويين التعقيد دايما , انا انصحك قبل اى حاجة تستفسرى منهم هما اقصد من شركة مصر للطيران اذا كان ردهم بالرفض عندك شركات خليجية كتير بينزلوا مصر ممكن تقدمى فيهم
|
رد: فى امل فى تغيير شروط التقديم للضيافه
اقتباس:
طيب ازى اوصل للشركات الخليجيه ده ممكن تفدينى اكتر لو سمحتى |
رد: فى امل فى تغيير شروط التقديم للضيافه
انا برضه شايفة ان الشركات بره مصر احسن, يعني انا وبنات كتير هنا في المنتدى قدمنا في الخطوط السعودية والانترفيو خلاص في شهر يوليو,, والله كان نفسي تقدمي معانا بس تقريبا مينفعش لان احنا دخلنا امتحان انجلش وطلعت نتيجته والانترفيو قرب :( حاولي تقدمي كده في مصر للطيران ممكن عادي يقبلو الورق, انا قدمت فيها امبارح على فكرة بس انا معايا مؤهل عالي لغات لاني مخلصة تجارة انجلش :)
|
رد: فى امل فى تغيير شروط التقديم للضيافه
اقتباس:
طيب ممكن ربنا يخليكى ا قمر تسالى فى الخطوط السعوديه التقديم لسه فاتح ولاقفل او لو معاكى رقم الليفون ادهولى وربنا يوفقك يا جميل ان شاء الله |
رد: فى امل فى تغيير شروط التقديم للضيافه
يعني لو الخطوط السعوديه ينفع نقدم فيها حد يرد والخطوط المصريه اعمل ايه بليز دي
|
رد: فى امل فى تغيير شروط التقديم للضيافه
اه يارريت حد يرد ويفدنا
|
رد: فى امل فى تغيير شروط التقديم للضيافه
او اي حد يقولنا نعمل ايه عشان نوصل لمصر للطيران بليز حد يرد
|
رد: فى امل فى تغيير شروط التقديم للضيافه
بصوا يابنات هو التقديم في الخطوط السعودية صعب أوي لان تقريبا معدش ينفع لان احنا خلاص عندنا انترفيو قريب ومفيش حد هيدخل الانترفيو غير لما يكون جايب الليفل اللي مطلوب في الانجلش , اصل احنا كان عندنا امتحان اسمه BULATS وكان في British Council وخلاص جيبنا نتيجته وهندخل بالشهادة دي الانترفيو.
اما بقى مصر للطيران هو التقديم للبنات تقريبا مفتوح على طول وانا روحت قدمت صورة شهادة التخرج وشهادة الميلاد والبطاقة و2 صورة شخصية واخدت وصل وعندي امتحان يوم 17 يوليو بس لو انتي كلية عربي يبقى لازم تكوني ثانوي لغات, ولو ثانوي عربي يبقى لازم كلية لغات,, والله انا مصر للطيران مقدمة فيها كدة عادي عشان لاقدر الله لو معدتش في السعودية يبقى اكمل في مصر للطيران :) |
رد: فى امل فى تغيير شروط التقديم للضيافه
امل الايميل اللى فى عضوه كتابه للشركه السعوديه ده ايه يب ممككن رقم التليفون ربنا يكرمك |
المفروض تتقدم شكوى لمشؤل فى مصر للطيران عشان دا شرط غبى وظالم
|
|
| الساعة الآن 10:35 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
