أسئلة بخصوص كلية الملك فيصل الجوية .!
السلام عليكم ورحمة من الله وبركاته .
أنا الحمدلله خلصت الثانوية وداخل على التحصيلي عن قريب وعندي كم استفسار عن الكلية . أنا نسبتي 94.5% والقياس 81% والتحصيلي :qust:% طولي 176 ووزني 61 والنظر كويس الحمد لله . كيف اسجل للكية ووين موقعها ؟ ( الكلية ) والي سجل ودي يقول الأسئلة الي في المقابلة الشخصية والفحص الطبي ؟ هل زي ما يقولون تدقيق و مدري ايش وهل الدراسة صعبة مررة ولا الي يشد حيله يمشي ؟ وكيف ال45 يوم هذي وينها فيه ؟ وكيف نظامها بالظبط ؟ وهل تنصحوني فيها وهل لها مستقبل ؟ وكم قلت ( هل ) من مرة خخخخ . وسلامتكم أرجو الرد السريع لا هنتوا و الرد الوافي .:shamrock: |
رد: أسئلة بخصوص كلية الملك فيصل الجوية .!
اخوي اولا مبروك على النسبة الممتازماشاء الله تبارك الله اما بالنسبة لكلية الملك فيصل الجوية بالرياض اخبرني احد الزملاء بالمعلومات التالية عسى ان تفيدك :
1. التقديم لايتم عن طريق الكلية بل عن طريق لجنة القبول والتسجيل للكليات العسكرية 2.يتم تعبئة الاستمارة للقبول واسيفاء الشروط كاملة يمكن الحصول عليها من اللجنة 3. يتم تقديم الاستمارة بعد تعبئتها الى اللجنة وتعطى موعد للكشف الطبي والمقابلة الشخصية 4.يتم نشر ارقام المقبولين بالصحف المحلية 5.بعد القبول تعطى موعد لاستكمال بعض اوراق القبول ام بالنسبة للفحص الطبي شامل وخاصة النظر مهم جدا الوزن اعتقد يبي لك 3ك زيادة الدراسة ماهي صعبة واللي يشد حيله مافيه مشكلة 45 يوم داخل الكلية ماتطلع يتم فيها تدريبات عسكرية ورياضية كي تتاقلم بحياة العسكرية اشوف المستقبل فيها ممتاز بعد التخرج تصبح ضابط طيار .والله يوفقك اخوي واعمل استخارة |
رد: أسئلة بخصوص كلية الملك فيصل الجوية .!
panther
الله يعطيك العافية على ردك الجميل :) 1. التقديم لايتم عن طريق الكلية بل عن طريق لجنة القبول والتسجيل للكليات العسكرية متى تكون ووين وكيف ؟ ومعليش تعبناك معنا . وممكن اي واحد في الكلية يرد علينا ممكن نستفيد منه . :) |
رد: أسئلة بخصوص كلية الملك فيصل الجوية .!
اخي امل ان تستفيد من هذا الرابط وبعدين انت عميد من قدك ههههههه
https://www.afca.gov.sa/College/CollegeInformation.aspx |
رد: أسئلة بخصوص كلية الملك فيصل الجوية .!
الكلية بالرياض في قاعدة الرياض الجوية
الدراسة 3 سنوات يتخرج بعدها الطالب برتبة ملازم طيار وللمعلومية ليس كل الخريجين طيارين فيه تخصصات أخرى ولكن لا أدري على أي أساس يتم فرزهم وهذا اللي أعرفه عنها وشكرا |
رد: أسئلة بخصوص كلية الملك فيصل الجوية .!
الله يعطيكم العافية جميعاً .
وكيف طريقة التقديم ؟من إلى ابيها من شخص قدم من قريب . .! |
رد: أسئلة بخصوص كلية الملك فيصل الجوية .!
هلا اخوي العميد ..
بالنسبه للكليه مستقبلها ممتاز .. اهم شي حط في بالك انها كلية عسكريه .. والنظام عسكري صارم .. وانا طالب بالكليه .. وقبل سنه كنت نفس حالتك اسأل بالمنتدى ولقيت اللي يفيدني الحمد لله .. طبعا نسبتك ممتازه .. ووزنك يبغالك يزيد شوي .. وبالنسبه للتقديم .. راح يفتح عما قريب .. وقدم اوراقك ..وكمل الاجراءات معاهم وخليك متابع وان شاء الله تنقبل يارب .. وراح تسمع اشاعات انها بواسطه ومدري وشو .. بس كله بكش .. طبعا فيه واسطه لاكن بشكل بسيط جدا جدا جدا جنب الكليات العسكريه الثانيه .. وبالنسبه لل 45 يوم .. هي طبعا الغرض منها نقلك من الحياه المدنيه المترفه .. الى الحياه العسكريه ال ال ال ال مدري وشو بس قاسيه لول ..واختبار صبرك وتحملك .. واي سؤال اخر انا موجود .. طبعا حاب افهمك شي وهو ان الكليه تغير النظام فيها كليا .. من السنه اللي راحت اللي انا دخلت فيها .. وهي ان كل طالب له تخصص .. مثلا تخصص طيار .. وتخصص مشغل انظمة تسليح.. بالعاميه = مساعد طيار .. وتخصص مراقبه جويه .. وتخصص توجيه مقاتلات .. والافضل طبعا انت عارف بدون مااقول .. يعني ماراح امدح تخصصي ولاكن الحمد لله الافضل بالكليه وهو طيار ... ولاتهون باقي التخصصات لانها مكمله لبعضها البعض .. |
رد: أسئلة بخصوص كلية الملك فيصل الجوية .!
اقتباس:
وكيف أزيد وزني انا آكل ولا أسمن :d3oh: طيب التخصصات انا الي اختارها ؟ وهل في طيارات لكل واحد تخصصه طيار ولا طيارة لكل 5 طيارين ؟ وكيف طريقة التسجيل الملف وما إلى ذلك ؟. |
رد: أسئلة بخصوص كلية الملك فيصل الجوية .!
سبحان الله وبحمده سبحان الله العظيم .
|
رد: أسئلة بخصوص كلية الملك فيصل الجوية .!
الطيارات موجوده ولاكن الكل يتدرب على الاسطول كامل مو كل واحد له طياره خاصه ..لاكن كل واحد له مدرب خاص ..
وبالنسبه للتقديم قدم اوراقك اذا فتح التقديم وخليك متابع وتمشي امورك .. وبالنسبه لوزنك .. حاول تزيد عدد وجباتك .. واذا مانفع .. وقت الكشف الطبي كثر من الموز واللبن .. وتوكل على الله |
رد: أسئلة بخصوص كلية الملك فيصل الجوية .!
yasseer
الله يجزاك خير ياكــابتن على المعلومات الوافية والكافية . شكلي بآآكل حصى في الكشف كود يزيد وزني :d:d |
رد: أسئلة بخصوص كلية الملك فيصل الجوية .!
ياشباب كيفكم وش اخباركم الزبده انا قدمت على الكلية
وابغى موعد الدر يعني كيف اعرف نهم قبلوني او شىء زي كذا او ابي اعرف متى الاختبارات زي النظر وهذي الاشياء لاني مااشوف لحد الحين فيه رد غير انو اعطوني رقم الطلب والتقديم حق السنه هذي 1432 ياليت تفيدوني متى اسوي الاختبارات وهادي وهل هم يسرسلون رساله ولا كيف ؟؟ يارب فيه احد فهم |
رد: أسئلة بخصوص كلية الملك فيصل الجوية .!
فزعتكم يالاجاويد / ابني متفوق خريج العام المنصرم تقدم للكلية البحرية العام الماضي واجتاز اختبارات اللياقة والكشف بامتياز ولكن تم تخطيه من قبل بعض المسئولين حسبي الله عليهم ونعم الوكيل , حيث كان الفرز عشوائي وهذا كلام مسوؤل في نفس الجامعة مما كان له أر نفسي سيي على ابني , والحين تقدم للكلية الجوية ولكن الأفضلية لخريجي العام الحالي . وزداد حزن ابني , وش الحل وابني لا يريد غير العسكريه لانها حلمه منذ الصغر , والله اننا لانذوق للحياة طعم , الرجاء مساعدة ابني من الضياع ويييين العدل , أرجوا مساعدتنا في أقرب وقت ,, والله لدعيلكم مدى الحياة الله يفرج علينا كربتنا ...... الأسرة الحزينة جدا جدا
|
رد: أسئلة بخصوص كلية الملك فيصل الجوية .!
اختي فرسانيه .. للاسف ماينقبل الا خريج نفس السنه ..
وعسى الله اي يعوض ابنك افضل منها .. والجامعات افضل وخاصه ان ابنك متفوق .. الله يوفقه ويكتب له الخير.. |
رد: أسئلة بخصوص كلية الملك فيصل الجوية .!
اخوي يااااااااسر . . لا هنت .. ابي بالتفصيل الممل ..عن اختبار الياقه والتحريييري اهم شي .. بالضبط التحريري وش يختبروني فيه ؟ والاسئله كيف ؟ وهل تشبه قياس ؟ وهل نظآمها الاجابه اربع خيارات ؟؟؟؟ وبالاخير .. كم صار شخص طيار ؟ ولا هنت عطني المعلومات اللي تحس انها راح تفيدني بالاختبار .. للمعلوميه انجليزيتي ممتآزه والحين قاعد ارآجع القواعد .. بس ما ادري عن اختبار الرياضيات كيف راح يجي ؟ .! ! لا هنت الاختبار يوم الجمعه رد بسرعه ..
|
انا مثلك ان شاء الله ابتخرج واقدم عليها بالتوفيق
|
سؤال تكفون ردوا علي
هل في الكشف الطبي يدققون على الانف ولو كان في لحميه ماينقبل |
الله يرحم والديك يـــــــــــــــــــــاكابــــتـــن ياسر الوقت داهمني أبغى أعرف هل اختبارات الياقه البدنيه والكشوفات بعد اختبار التحصيلي مباشره ؟ والكشف على العيون بالأجهزه والا بس يقلوونلك هذي يمين ولا يسار ؟الـــــلــــه يسعدكــــــــم ردوووو عـــــــاجل لمــــــــــــــــن يسمعـــــــــني!!!!
|
الي في كلية الملك فيصل الرجاء الرد سريعاً لمن دخل المقابله الرجاء الرد سريــــــــــــــــــــعاً الـلــــــــه يــــــــــوفقــــكم!!!!
|
يـــــــــا قـــــــــــائدي ال F16 والتـــــــــــــايفون والتورنـــــــــيــــــدو أين أنـــــــــتـــــــــــم!!!!!
|
بسم الله الرحمن الرحيم
سلام عليكم، عساكم بخير. ارجو الرد نسبتي فالثنوي 95.5% والقدرات 71% الحمد الله التحصيلي مختبر المهم هل نسبتي تؤهلني لدخول كليةالملك فيصل الجويه وهل نسبتي فالقدرات كويسه الله يعين ويوفق الجميع |
سؤال هام
السلام عليكم
أود التقديم على الكلية وزني وطولي ونظري وكل شيء الحمد لله سليم بس فيهه مشكلة بسيطة عندي flat food لكن ما تأثر فيني أبد سواء في المشيي أو الجري أو الوقوف وأمارس جميع الرياضات وخصوصا كرة القدم بشكل سليم جدا ما أدري هل المشكلة ذي تأثر ف القبول ولا لا ................. |
رد: أسئلة بخصوص كلية الملك فيصل الجوية .!
ياشباب هل من ضمن الفحص فحص التدخين
ارجوا الرد |
رد: أسئلة بخصوص كلية الملك فيصل الجوية .!
اقتباس:
السلام عليكم ؛ اخوي انا معدلي التراكمي 99.98 والقدرات عندي 88 والتحصيلي باقي ما اختبرت ونظري ممتاز لكن طولي 162-165 تقريبا يعني متفاوت مره يطلعلي 65 ومره 62 ومره 63 فهل فيه امكانية لقبولي ؟ وشكرا |
الساعة الآن 12:09 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.