تجمع المقبولين نهائياً في كلية الملك فيصل الجوية
السلام عليكم ورحمة الله وبركاته .. اول شيء احب اهنيكم بقدوم العيد المباركـ .. ووتوديع رمضان .. وان شاء الله نعمل افضل اعمالنا في ليلة القدر .. احب اهني كل شخص مقبول بكلية الملك فيصل الجوية .. وهذا الموضوع لنتشارك المعلومات من ألآن حتى آخر يوم لنا في الحياة المدنية .. << متحمس !! انا الحمد لله تم قبولي وجتني رسالة بالجوال مكتوب : تم قبولك مبدئيا .. الرجاء زيارة الموقع لقراءة التعليمات ومراجمعة مكتب التسجيل إعتبارا من يوم الأحد 9/21 من الساعه 9 م إلى الساعة 12ص. ......... وبالموقع مكتوب : تم قبولك مبدئياً ويجب عليك إجراء الكشف الطبي النهائي السؤال : كيف اعرف وش تخصصي ؟؟ يعني ما راح اعرف لين اخش الدورة ؟؟ ولا خلاص على حسب التخصص اللي كتبته بالورقه ؟ وعلماً في ناس السنة اللي فاتت سوو فيهم زي كذا .. كاتبين طيار .. وبالاخير تم تحويله فني .. المهم الحمد لله اننا انقبلنا .. وان شاء الله نجتمع ع خير .. |
رد: تجمع المقبولين نهائياً في كلية الملك فيصل الجوية
هلا بك
شباب فيه احد نزله قبووول نهائي؟؟ |
رد: تجمع المقبولين نهائياً في كلية الملك فيصل الجوية
مو قبول نهائي
مبددددددئي بس ان شاء الله 99% مقبولين نهائي هههههههههههه اللهم لك الحمد تم قبولي ابشركم |
رد: تجمع المقبولين نهائياً في كلية الملك فيصل الجوية
هههههههه ذا يعتبر نهائي .. لان النهائي على طول خلاص بعده دوره وما يمدي نعرف بعض اللي طلع له ذا خلاص ان شاء الله مقبول بأذن الله .. مبرووك تفآرق .. عقبال ما نتعرف عليك |
رد: تجمع المقبولين نهائياً في كلية الملك فيصل الجوية
عيـــــاال ،
انا ب / ادددز بكره .. من ب/ اقابل هناك ؟؟ والله يستر بس من سحب الدم ههههههههه ثانيا ، نصوم عشان التحليل ؟؟ والا نجيهم وحنا مفطرين عادي ؟ |
رد: تجمع المقبولين نهائياً في كلية الملك فيصل الجوية
الا ع فكرره ، يا شباب من ناحيه سالفه التخصصات ..
يا شباب افهموها زيييييين .. الحين تدرس اول سنه في الكليه سنه تحضيريه .. بعد السنه التحضيريه .. على حسب نسبتك تتخصص .. يعني انت الرغبه الاولى طيار ، الثانيه مشغل انظمه تسليح الثالثه مراقب جوي ، مثلا قبلوا 50 طالب طيار .. والنسبه فوق 85% < نسبه دراسه الكليه و30 مشغل انظمه تسليح نسبه فوق 75% و40 مراقب جوي النسبه فوق 65% طبعا هذا مثال افرض انك جبت 70% انت رغبتك الاولى طيار ، والطيار لازم فوق 85 ما يدخلونك يشوفون رغبتك الثانيه ، مشغل انظمه تسليح ، ما يدخلونك لانهم يبون فوق 75 يشوفون الرغبه الثالثه ، مراقب جوي .. يبون فوق 65 ، وانت 70 اوك ياخذونك مراقب .. للمعلوميه هذا مثال .. لا ينطبق ابددددا على النسب اللي بالكليه بس حبيت اوضح هذي النقطه ، لاني شفت فيها جدل |
|
ألف مبرووك للجميع وأغلب الي حضروا اليوم عطوهم موعد ليوم ألأثنين بعد المغرب سحب دم وبصمات .
أربع قوارير صغيرة على مــا أظن . |
ألف مبرووك للجميع |
هههههههههههه تفارق .. معلوماتك كلها غلط في غلط .. التخصصات راح يقولونها لنا اول ما ندخل الدورة .. وكل شخص بتخصصه .. واذا فشلت بالتخصص .. خلاص يتم طي قيدك ! < يعني تطلع برا هع تعال بالليل يابن الحلال .. انت فاهم غلط .. ترا من الساعه 9 بالليل إلين 12 بالليل .. < نصابين ههه انا انتظرت 12 ساعه !! العميد .. يب اول شيء اختبار نفسيه بالكمبيوتر 40 سؤال تقريباً .. سهل مررره ما يحتاج حتى تفكر .. بعدها مقابلة نفسيه انا جاني الدكتور سألني كذا : لو مثلاً كنت بغرفه وفيها طفل صغير والغرفه ولعت نار وش بتسوي ؟؟ مع التفصيل الملل لاجابتك .. قلت اذا قدرت اطفي النار طفيتها .. قال كيف ؟ قلت حسب الادوات الموجوده بالغرفه .. قال بعدين ؟ قلت اذا ما قدرت بنقذ الطفل واطلع .. قال كيف تطلع من الدريشه ؟ قلت : انا ابي انقذه مابي انتحر !! ضحك بعدها قال طيب وش بتسوي ؟ قلت اكيد من الباب بطلع .. قال بعدين .. قلت اذا قدرت اطلع برا المكان طلعت واذا ما قدرت اهرب للسطح وانتظر الانقاذ . وبث وعطاني سليم وكتب لآئق < فديتني ههههه بعدها ... فحص اشعه لصدرك .. بعدها فحص بول وانت بكرامه .. بعدها فحص دم خمس قوارير اربع صغار وواحد طويل ... بعدها تطلع تتسحر بعدها ترجع تصلي عندهم .. بعدها يودونك للأدلة الاجنائيه .. تروح تبصم وخلاص < وكل هالاشياء ما تاخذ 12 ساعه بس .. < لا يا شيخ هههههههه والله اني متعذب الحين توني واصل للبيت .. من الساعه ثمانيه امس بالليل عندهم ! .. وعندي افكار شريرره ابي افطر هههه الله يستر .. وقابلت FLAVA-SAVA هههههه هع عقبال ما نتجمع بالدورة ان شاء الله .. الامور كلها سهله بس عندي سؤال .. طلاب السنة اللي فاتت الامور ذي سووها بعد العيد .. حنا قبل العيد سلامات ؟؟ متى يمدي نطلع شهاداتنا من الجامعه :( |
|
يب يب بس ما يضر اصلاً تروح بالليل .. يعني شبعآن . |
هلا بالشباااااب .. والله وفتحتوا موضوع جديد وانا تاكي في القديم ذاك مالت عليكم ما قلتوا لي هع المهم يا عيال حركة التخصصات ذي ما فهمتها كيف وووووووووش نسوي ؟؟؟؟؟ ولا هم يختارون من عندهم |
اقتباس:
التخصصات هم يختارونها وبيعلمونك تخصصك يوم تسلمهم ملفك ، ملفك حق الشهاده الاصليه وكذا متى تسلمهم الملف ، ما ادري .. لكن اتوقع بعد العيد يارب تخصصاتنا طيارين كلنا |
اماااا يعني كذا النظام ؟؟ طيب على اي اساس يختارون تخصصي ؟؟ |
اقتباس:
مفاضله ، على حسب ادائك في اختباراتهم اتوقع اختبار اللغه والمحاكي |
اماا كذااااا اجل الله يعين يا رب |
هههه يب نبي نجتمع هنا قبل نخش الدوره .. عشان اللي ناسي شيء يتذكره .. وان شاء الله مقبولين كلنا .. وان شاء الله مافي غيري مراقب جوي وكلكم طيارين < اهم شيء نفسيتكم حلوه هههههه والله جد هم العسكريه وهم انك ما تبي تخصص غير الطيار مصيبه .. باذن الله كلكم طياريين .. يالله بالتوفيق ..جاري الاستمتاع بما تبقى لي من حياتي المدنيه .. هع |
ان شاء الله كلنا مقبولين يا شباب |
بالتوفيق للجميع ان شاء الله .
fisail أنت حاط الرغبة مراقب جوي ؟ اول مرة أدري ان فيه وواحد ما حط طيار .! عموماً بالتوفيق ان شاء الله . وموعدنا بأذن الله الـ45 << طبعاً لا تحسبونها بتكمل 45 بتصير 37 او 38 .:D تحياتي : العميد |
متى متى متى ........ < اغنية فيصل اللي ابلشنا فيها وقت الاشعه من جد يا شباب متى النتايج بالله قالوا بالكثير الساعة وحده والحين حنى باليوم الثاني وولا طلع شئ |
يااااااااااااا شاابااااااااااااااااااااب افتحوا الموقع طلعت النتايج انا قالوا لي كذا تم قبولك نهائياً ويجب عليك تسليم الملف افتحوا المووووقع سريييييييييييييييييع. الحمدلله الحمدلله الحمدلله |
اقتباس:
الف الف الف مبروك .. ما شاء الله ، بشرنا عاد وش التخصص .. ومتى قالوا لك تسلم الملف ؟ |
ما علموني وش التخصص .. طيب كيف اعرف تخصصي ؟؟ |
لا رحت تسلم ملفك يعلمونك
|
السلام عليكم
ياشباب انا رحت لهم امس وعطوني موعد 6 العيد وش السالفه ؟؟ والشباب الي هنا سوو لكم الكشف على طول !!! |
طيب متى اروح اسلم ملفي ؟ من متى لمتى ؟ يجي بعد العيد ولالا ؟؟ |
UP
UP UP |
ايه يا سلطان لانك جيت متاخر |
مو كلنا فحصنا علطول
امس انا جايهم الساعه 9 الا ثلث .. وعطوني موعد بكره الاربعاء الساعه 8 |
الساعة الآن 05:18 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.