ما لا تعرفونه عن الخطوط السعودية (معلومة بسيطة)
السلام عليكم
قبل شوي أخذت فائدة غريبة من واحد من المضيفين قلت حبيت اتحفكم فيها مع أنها معلومة غريبة وجديدة ومضحكة بنفس الوقت . طلبت شاي أخضر بدال عصير الأناناس اللي يسبب الحموضة لي ، فقالت لي المضيفة أشوف لك بعد الانتهاء من توزيع العصيرات ، مباشرة قال المضيف اللي معها يجر العربية لا عفواً الأخضر فقط لدرجة رجال الأعمال :) . الصراحة أول مرة أسمع في هالمعلومة واتوقع لو يسمع فيها مؤسس سكاي تراكس كان يموت من الضحك . |
اقتباس:
بالعكس لا تتعجب الله يسلمك انت مع الخطوط السعوديه على قولتهم خط البلدة الله يعين |
يمكن ثمن كيس الشاي الاخضر يرتفع بالجو |
اقتباس:
|
للأسف يا أخوان أتوقع كان عذر من المضيف لأنه ما عندهم شاي أخضر ولا تستغربون
في مرة من المرات ولسوء الحظ لم يتوفر مقاعد سياحية وحجزت على درجة رجال الأعمال من ينبع إلى جدة وركبنا طائرتهم العقيمة إمبراير 170 والله يا أخوان قدمت لنا المضيفه قهوة عربية باردة وشبه منتهيه يعني الرحلة اللي جات من جدة إلى ينبع شربو منها ههههه والتمر شبه متعفن والمؤلم أكثر أن المضيف يفتح أمامي أدراج التخزين ويخرج منها سندويشات مرتبه وبكمية كبيرة ويقدمها للكابتن ومساعده والمضحك كثيرا عندما طلب من المضيف أن يحضر لي فطورا أجابني بأنها مخصصة للرحلة القادمة من جده لجيزان هههههههه ويرمقني بنظرة معروفة لدى مجتمعنا يعني أنت عينك طويله هههههه عزائي الوحيد أنني حينما أصعد طائرة الإماراتية أشعر بقيمتي وإحترامي في أعين المضيفين نأمل من خطوط بلدنا العزيز أن تحذو حذوها لو مره بالغلط :welcome: |
اقتباس:
الامبراير 170 اللي اعرف انها درجة وحدة يعني ماهي مثل الايرباص 320 في تصنيف المقاعد يعني مقصورتها مثل مقصورة النقل الجماعي ^__^ وياكرهي لهالطائرة كنت مرة في رحلة على متنها ماصدقت على الله انها هبطت :icon_g10: |
هههههههههه.. بصراحة امر غريب جدا
عزاه يالقطرية والاتحاد وطيران الامارات يدلعونك |
اقتباس:
الغريب ان اكبر شركات العالم تستخدمها وعليها طلب كبير على سبيل المثال لا الحصر يونايتد--دلتا--اميريكان--ايركندا--جيت بلو--اير فرانس--بريتش ايرويز--لوفتهانزا--اليتاليا---كي ال ام--البولنديه---الفنلنديه--اير اوروبا--جابان ايرلاينز---العمانيه--المصريه--الاردنيه---وعدد كبير من الشركات الاخرى الرحله من ينبع الى جده بين 35 و45 دقيقه وكل الرحلات لايقدم فيها الا القهوه والشاي والعصيرات سافرت مرتين الى ينبع من جده والعكس ايضا ايام ام دي 90. الامبرير لا تعمل على خط جده جيزان او الرياض جيزان |
الشاي الاخضر يقدم عادي على السياحي...وسبق احد اصدقائي طلبه في رحله لنا من لندن لاني لا احبه
وعادي قدم له. كان يتوجب عليك اخي تقديم شكوى للسوبر فايزر على المضيف. بخصوص الوجبات الساخنه، انا اسافر كثير من مطار القصيم للرياض والعكس وبعض المرات بدرجه البزنس ومعروف انه لايقدم في هذه الرحله وجبات حتى للبزنس لان مده الرحله بالمتوسط 40 دقيقه واعتقد ان رحله ينبع- جدة اقل مده منها. السبب لانه مايمدي يعطونك الوجبه وتاكلها قبل بدء اجراءات الهبوط التدريجي والي تتطلب انهم يرجعون كل شي بالطياره لوضعه الاصلي. الامبراير سافرت عليها من شرم الشيخ الى الرياض وكان فيها 6 مقاعد بزنس وقدموا لركاب البزنس الوجبه ذي https://img707.imageshack.us/img707/1351/4bmm.jpg تحياتي |
اقتباس:
مثل ماوضحت بردي بخصوص المقاعد حسب اللي شفت بصراحة حسبتها درجة وحدة :d3oh: اما الشركات العالمية المشغلة لها صدقت انا اتذكر منها الدلتا والكندية واللوفتهانزا بخصوص الامبراير اللي عند الخطوط السعودية هذه مستاجرة من شركة تركية اسمها atlas jet واللي اتذكره بعد طاقم الطائرة كله من الجنسية التركية ماعدا مشرف على المضيفين سعودي ومساعد طيار او انه كابتن سعودي |
اقتباس:
|
اقتباس:
|
انا مره كنت راجع على الخطوط في رحله من الرياض الى المدينه وكانو المضيفين يوزعو شاهي اخضر واحمر حسب الطلب وكمان كان فيه نسكافيه وانا بنفسي شفت في مطبخ الطائره الخلفي بكتات الشاهي
|
اقتباس:
و ليست لنقل الركاب |
اقتباس:
|
اقتباس:
|
اقتباس:
|
اقتباس:
|
اقتباس:
لماذا كل هذا التشويه المتعمد لسمعة السعوديه؟ من المؤسف اننا اعطينا مجال للأغراب بالتهكم على ناقلنا الوطني واصبح اللي مايسوى يستهزئ بنا اولا ثم بكل مايمت لنا بصله .لا ملام عليه او عليهم فبعضنا هم من فتحوا المجال له او لهم . |
شكراً لمروركم .
عزيزي اللي زعل من المعلومة : إذا كنت ترى أني أكذب لأجل أن اشوه سمعة الخطوط السعودية فباسم الله عليك . ترى سكاي تراكس ما تكذب لو كذبت أنا . عزيزي لي مواضيع كثيرة عن الخطوط السعودية وغيرها وكلها مواضيع موثقة وودي أزيدك من الشعر حبتين ، ما ضر الخطوط السعودية إلا الناس اللي إذا قلت لهم مثل المعلومة البسيطة هذي وهي بنفس الوقت معلومة مضحكة ، قاموا وتنرفزوا وقالوا حنا الخطوط الوطنية ، وحنا الخطوط الأفضل بالعالم ، وأي واحد ينقدنا يسيء للبلد ، ولا عندهم أي شي ا سمه فيدباك من العملاء . :) تحياتي لدرجة الشاي الأخضر ، وعندي رقم الرحلة واسم السوبرفايزر ووقتها والمحطتين الإقلاع والوصول وجنسية المضيفة ومعي شاهد بجنبي كنت آخذ اسمه ويسمع الحوار بيننا ، وأي واحد من الخطوط السعودية يحب أزوده بالمعلومات ما عندي مانع بس بشرط يكتب هنا بشفافية ويش قال له المضيف لو رد عليه . بقي همسة : اتمنى أن الخطوط السعودية أو غيرها إن كان هناك مشروع ناقل داخلي أن يكون أفضل ناقل بالعالم . |
اسكاي تراكس ليست كتاب منزل وسبق منظمات أجنبية شككت في مصداقيتها ونفس اسكاي تراكس ماردت ولا اثبتت لهم بايميلات المصوتين
وأنا ردي هذا ليس بسبب الدفاع عن السعودية بس حاب أوضح لك |
اقتباس:
|
اقتباس:
|
اقتباس:
|
أكثر شيء يرفع ضغطك في الخطوط السعودية لما يجيك المضيف و يسألك : تبغى ساندويتش جبنة و لا تونة؟ تقول له : جبنة. يقوم يقولك : و الله ما في الا تونة!!!!
طيب تسألني ليه ؟؟؟!!!!!! |
كل هذا الموضوع بسبب "ماقدموا لي شاي اخضر" مع أحترامي لك لكنه سبب جداً تافه لفتح موضوع شيء ثاني ليش أغلب مواضيعك تتعلق بالخطوط السعودية وأحياناً تكون مع سكاي تراكس ترا عادي نحنا مابغيناهم خلينا ثلاث نجوم نحنا فرحانين بها ... هذا تصنيف جداً ظالم وحتى الخطوط السعودية لايشرفها الدخول فيه وإذا أحبابنا القطرين أو الأماراتين أخذوا الأول أو ثاني هنأناهم أما نحن مالنا علاقة في تصنيفهم أجل 3 نجوم ونص في سلامة الكبينة و3 في الأتصالات مع المراقبين و3 في الأكل مع أنه كبار الشركات تأخذ من تموين الخطوط جالسين يستخفوا عقولنا هذول |
اقتباس:
اسأل الله ان يهدينا جميعا |
اقتباس:
أما قضية أنك ما تبيهم إلا ثلاث نجوم فهذي مصيبتنا هالعقليات :) . عزيزي مججلس الوزراء قبل كم يوم يقول لكم يا ناس أرضوا عملاءكم ، وأنت تقول ما علينا ولا يهمنا . تصدق ذكرتني برد الرجال هذاك اللي يقول من يقارننا بغيرنا جاهل أو أحمق . تراي البساط أريحي يا إخوان أنا ما زعلت والأمر بسيط وأي واحد تبع الخطوط السعودية لا يتنرفز ترى المسألة بسيطة بس هي معلومة وحبيت أقول لكم عنها . |
يمكن ما في في الطيارة فقالوا لدرجة رجال الاعمال
هههههههههه |
يا جماعة الخير
ترى الموضوع شاي اخضر انا مظيف جوي بالخطوط السعودية وكل مايطلع الطيارة من وجبات او عصيرات او شاي 95 او 91 للركاب يعني بالعربي نقدم كل ماهو موجود بالطيارة للركاب ولا نترك منه حاجه ابدا لانه حق للراكب وعلى حسب درجة المسافر الي طالع عليها الدرجة الاولى بالخدمه تختلف عن درجة رجال الاعمال كذالك تختلف عن الدرجة السياحية و الخدمه لهالدرجات تختلف برظو من رحلة لرحلة على حسب مدة الرحله وعلى حسب التموين الي طالع لنا بهالرحلة احيانا اتعجب من بعض المسافرين مثل رحلة جدة المدينة المنورة يقول لك مافي وجبات وليه ماتحطو وجبات الرحلة مدتها 45 دقيقه ؟؟؟؟ يا اخواني يا اعزائي والله العظيم انكم تطلعون الطيارة كانكم ضيوف عندي ببيتي ولا تنسون ان الخطوط السعودية توفر لك اكل وشرب و خدمه داخل الطيارة من افضل مايكون وعلى اكمل وجهة يعني مثلا رحلة جدة الرياض او العكس كانه في عرس داخل الطيارة وجبات بانواعها عصيرات بانواعها مشروبات غازية بانواعها شاي قهوة قهوة عربي اتحداك بأي خطوط بالعالم يكون لها رحلة قصيره مثل جدة الرياض او العكس يخدموكم مثل كذا مستحيل اذا عطوكم عصير وفستق مادري وش اسمه هذا يعتبر عنهم انجاز ولا تقارنو الخطوط السعودية باي خطوط ثانيه صحيح الخطوط السعودية مرة بنكسه فتره طويله لاكن الان تغير الوضع كثير طياراتنا جديدة اسطولنا جديد خدماتنا نسهلها اكثر واكثر كفائة الطيارين و المظيفين بجميع فئاتهم كفائة الصيانة بالخطوط السعودية قلة تاخر الرحلات و الحمدالله هذا من فضل ربي مشكلتنا اننا محاربين من مجتمعنا مادري على ايش و الي يقول لك الامارتية و القطرية ايش فيهم زود عننا الامارتية او القطريه خمور مثلا ؟؟ ارجو من الكل مايزعل من كلامي وانا حاضر لأي سؤال محبكم عدنان |
الساعة الآن 11:41 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.