|
شكرا على ردك أخي أمير
لكن ما إعتقد إنه في شركة عربية تتطلب أقل من هل المتطلبات |
اقتباس:
بالنسبه للاكل...لايوجد مكان في العالم يضمن لك مصاريف الاكل...اذا اخترت برنامج السبشل كوميرشل راح يكون السكن من ضمن التكلفه (يعني شامل السكن) ومدته اربع اشهر...لو لاسامح الله ماقدرت تنهي خلال هاذي المده لازم تجدد شهر وتكلفه الشهر الواحد 550دولار شامل كلشي (كهرباء وغاز وانترنت وغسيل ) باقي البرامج غير شامله السكن نعم تستطيع الدفع بكل تأكيد بهاذي الطريقه وممكن اكثر مافي مشكله بالنسبه للفيزه..انت لما تقوم بالتسجيل راح تعمل ايداع بـ اسمك بمقدار 500 (هاذي لما تيجي تستعملهم عادي) وتدفع 500 دولار للفيزه وخلاص الفيزا من نوع F1 هاذي مدتها طويله وتخليك تشتغل وتدرس في امريكا (هاذي الفيزه للدارسين برنامج البروفشنل أو الاسوشييتد دكري) باقي البرامج من نوع M1 و الي مدتها سنه فما فوق ولاتخول حاملها بالعمل (فقط للدراسه) ياشيخ انت نضرك احسن مني :onlinelong: ...مايحتاج تسوي اي عمليه مادامك لما تلبس النضاره تشوف تمام بس اعتقد اني رديت على الايميل:flowers: |
اقتباس:
|
من قال جزاك الله خيرا [ فقد ابلغ في الثناء ]َ ،، جزاك الله الف خير اخوي والله يسهل لك الخير اينما وجد واينما كان ، فعلا مدرسة جميلة جدا وتقرير وافـي ، ولكـن انا مثل ماوضحت لك في الخاص حبيت اطرحه هنا عشان الكل يستفيد ، 1- بالنسبة للافيزا كيف اجراءاتهاوهل استخراجها سهل؟ 2-اللغه الانجليزيه عندي مبتدي واعرف امشي حالي ولا يوجد لدي التوفل ولا السأت فهل هذه سوف تاخرني في الدراسة ، 3- واذا رغبت في اخد الرخصه الاوروبيـة Jaa فهل تنصحني بها وهل المده تستغرق اكثر من Faa في الدراسـة 4- بالنسبة هل فيه نظام دفعات في الكليـة اذا ماكنت قادر على ان ادفع المبلغ كله ، 5- ماهي الاجراءات التي يجب ان اقوم بها وماهي اول خطوه لاني جاهز الان واريد الذهاب ؟ لك خالص تحياتي ،،، دمت على طاعته |
اقتباس:
اهلا وسهلا بيك اخ وصديق حبيبي وجزاك الله خير جزاء ان شاء الله بالنسبه للفيزه فـ ان شاء الله سهله ومافيها اي تعقيد (افييتر كولج هي كليه وليست مدرسه واجرائاتهم بالفيزا اسرع من المعاهد و المدارس و الاكادميات)...فقط تعمل تسجيل وتدفع رسوم الفيزا وخلاص..الكليه ترسلك I20 وبعد ماتستلمه تراجع السفاره ويعطوك الفيزا بالنسبه للغه الانجليزيه فـ حتى لو كان مستواك محترف بالغه فـ لازم تحصل على شهاده الايكاو لانه بدون هاذي الشهاده ماراح تحصل على عمل او حتى تقدر تدرس طيران (اذا كان مستواك جيد فـ ممكن تنهي خلال سبوعين او ثلاث..وذا كنت حاب تاخذ الكورس كله ممكن يطول شهر للمستوى الرابع...اما اذا كان مستواك اقل ممكن يوصل شهرين) لكن صدقني الايكاو سهلللللللللل جداً جداً واي واحد ممكن يحصله لانه محصور بمعلومات الطيران و الامتحان هو مجرد انك تجلس مع احد الممتحنين الي يعمل في الكليه ويسألك اسأله عامه الغرض منها انه يشوفك فاهم عليه ايش يقصد و الامتحان مايطول.....وخلاص الف مبروك الشهاده لاتحتاج السات او التوفل في حال اختيارك للبرامج (الايكاو فقط يكفي) سات +توفل 500درجه فقط للاسوشييتد دكري في افييتر كولج عندهم JAA وعندهم ايضاً FAA و الاختيار يرجع لك لكني الFAA اسرع واسهل ومافيها تعقيد ...أما ال JAA فالنضام اوروبي وفيه تعقيد شوي واصعب لكثره المواد النضريه و الاختبارات بالنسبه للدفعات فـ مافي اي مشكله تقدر تدفعهم على شكل 3او 4دفعات...وتقدر تسحبهم كلهم في حال الغائك للعقد ضمن المده المسموحه الاجراات و اول خطوه هي انك تستخير الله وتسأل الله التوفيق الخطوه الثانيه تحضر اوراقك الرسميه (جواز سفر و الجنسيه و تترجم الثانويه العامه) لازم يكون عندك او عند اهلك حساب بنكي يثبت المقدره على دفع تكاليف الدراسه (عشان توريه للسفاره ) طبعا الi20 يكون عندك خلال 3او 4ايام هناك ابلكيشنات اثنين للحكومه الامريكيه لجميع الدارسين في الولايات المتحده الامريكيه والي هي tsa و SEVIS بالنسبه للtsa فـ هاذي لغرض الطيران و بصمات الاصابع بعد ماتيجي على امريكا... ويكلفك حوالي 390دولار لجميع الرخص (هاذي رسوم حكوميه لجميع الطلاب في امريكا)..تعبي الابكليشن قبل المجيئ الى امريكا وتعمل البصمات في الكليه اما ال sevis فـ هاذي بعد ما تحصل على الi20 تعمله وتكلفته حوالي 250 عشان الباكراوند شيك (في حال مافي عندك اي مشكله جنائيه او منع سفر او غيرها من الامور الي فيها محاكم) بعد ماتنتهي من هاذي تصدر الفيزا وتقدر تسافر بنفس يوم صدور الفيزا طبعا كل هاذي الابلكيشنات تقدر تخلصهم في 10دقايق وسهلات جداً وانا اقدر اساعدك فيهم لو حبيت (معلومات اساسيه وشخصيه فقط) الان انا شرحتلك كلشي من الالف الى الياء ان شاء الله |
اقتباس:
كـل شي واضح ومفهوم والله يجزاك خير ياارب ماقصرت ،، من ناحية التسجيل وين اسجل ؟ بالضبط وكيفية الاجراءات اللي من خلالها استطيع ان احصل على 20i هل عن طريق الموقع في الكلية. او السفاره او كيف ؟ العذر منك لان ماعندي اي خلفيه نهائيا عن هذه الاجراءات ،، دمت على طاعته ،، |
اقتباس:
|
ممكن ياعزيزي تقول لي ايش معنى i20 ؟؟ |
اقتباس:
اذا حبيت تدرس الطيران في الولايات المتحده الامريكيه وبعد ما تلاقي المكان الافضل للدراسه...تتصل عليهم وتحصل على موافقه منهم وبعدها يرسلولك هاذ الفورم الي اسمه I20 و الي مكتوب فيه ايش راح تعمله في امريكا او في المدرسه لما توصل...وهاذ الفورم تاخذه للسفاره لغرض اصدار الفيزا بأسمك عشان تبلش الدراسه هاذ هو ال I20 بكل بساطه |
اقتباس:
بعد اذن اخـوي امير ... 20 i وهي ورقة الستجيل ( القبول )َ في حالة حصولك على هذه الورقة تستطيع اكمال اجراءاتك مع السفارة ... دمت على طاعته ،، |
اخـوي .. من ناحيـة JAA كم تكلفتها .. تقريبا اذا اخترت برنامج البروفشنل ؟؟ او التجاري
|
اقتباس:
|
آمير ..
آلله يسعدك ويوفقك دنيآ وآخرهـ .. الف شكر لكـ يالغآلي ع التقرير الاكثر من رآئع .. .. . سؤالي عن اللغه الانجليزيه .. آنآ مبتدئ فيها .. هل الكلية عندها معهد للغه الانجليزيه وكم سعره ..؟ آو لآزم آدرس لغه وبعدين انظم للكلية ..؟ . والف شكر لك مرهـ ثانيه .. |
اقتباس:
بغض النضر عن ما اذا كانت لغتك ممتازه او مبتدئه فـ يجب عليك ان تحصل على شهاده الايكاو لفل 4..لانه الان اصبح احدى مطالب خطوط الطيران في جميع انحاء العالم (حتى لو كنت كابتن ومعاك 6000 ساعه طيران )...وهو سهل جداً وبسيط ومختص بمجال الطيران فقط |
هلا : امس اتصلت للمره الثانيه على انتونيا ؛ كلمتها عن ظروفي اني ما اقدر اتفرغ تفرغ كامل للحصول على الرخصه التجاريه ؛ فعملت لي جدول يتضمن على اني اسافر لامريكا ثلااث مرات على مدى سنتين وفي كل مره اقعد شهر ؛ وفي كل مره اقدم على رخصه ؛ يعني المره الاولى اخلص الرخصه الاوروبيه برايفت لان ممكن تنهيها في شهر وبعدين الانسترومنت الامريكي ( طبعا قبل لا ابدا الانسترومنت لازم احوّل رخصة البرايفت الاوروبيه الى امريكيه ) والتحوييل جدا سهل يعني مجرد اعمال مكتبيه ومايحتاج اي تدريب اضافي يعني التحويل يصير في ساعة زمان وفي زيارتي الثالثه والاخير لامريكا المفروض اني اخلص السي بي إل وقالت لي ان السي بي ال ماراح ياخذ اكثر من شهر ؛ اللي راح يطول معاي الانسترومنت يعني المفروض اخلصه في شهرين ! هممممم التكلفة : الرخصه الاوروبيه : 7000 دولار للبرايفت بالضبط 27 الف درهم اماراتي ؛ الانسترومنت : ؟ الكوميرشال : ؟ مع الاقامه وتذاكر السفر الى امريكا راح انهي ( ان شاء الله ) الثلاث رخص في سنه وشهرين ؛ التكلفه النهائيه تقريبا راح تكون 150 الف درهم ومع الاقامه والتذاكره 210 الف ؛ عندنا في الامارات تقريبا 250 بس مشكلة الامارات انه في كل رخصه لازم جراوند سكول ولازم تاخذ اجازه من الدوام لمدة شهر ونص لكل رخصه وهالشي انا ما اقدر عليه ؛ في امريكا اســرع وفي هذه المدرسه بالتحديد ؛ لذلك الف شكر لك ونسال الله ان يوفقك يارب ونشوفك طيااااااااار |
هلا بالنسبه لل jaa البرايفت تقدر تشتري الكتب من اليوم وتبدا تدرس وتروح لهم هناك وتمتحن فقط ! وان شاء الله تنجح وهم كاتبين في الموقع مالهم انك تقدر تخلصه في ثلاث اسابيع ؛ بس لما كلمت انتونيا قالت لي انه بيكون جدا سريع وبشكل جنوني لذلك نصحتني ان اخذ الjaa البرايفت في خلال شهر ؛ بس لازم اكون دارس قبل هذا الشهر وانا في البيت ! واجتاز الامتحان ان شاء الله ؛ مشكلتهم في هذه المدرسه انهم ما يقدرون يعطونك الانسترومنت الاوروبي jaa ؛ لذلك نصحتني انتونيا ان احوّل للامريكي ! وانا اتفق معاها في هالشي ؛ اذا كنت تريد الاوروبي من هذه المدرسه فلازم تعمله في مبنى المدرسه اللي في اوروبا ؛ وبعدين ترجع على فلوريدا وتعمل الرخصه التجاريه الاوروبيه عندهم لان مسموح لهم باصدارها ؛ لذلك انا مع الاخ الكريم أميـــــر النهريــــــن في انكم تاخذون الرخصه الامريكيه اذا كان عندكم الوقت الكافي والتفرغ التام ؛؛ وبعديين حولوها على الـjaa بس اهم شي تتاكدون اذا بلدكم يسمح بالرخصه اللي راح تدرسونها الشكــــر لكــم منـــي موصول |
تكدر تعادل رخصة الامريكية برخصة الوربية في اليونان لان هم عندهم ارتباط مع الاكاديميات الي في امريكا تكلفك حوالي عشر الاف دولار مع مصاريف السفر
|
اقتباس:
والله اخبار طيبه قاعد نسمعها من الشباب كل يوم و ان شاء الله التسهيل للجميع انا شايف انك تعاني من ضيق الوقت وهو جداً محدود .... انا اقول لو انك تدرس النضام الامريكي لانه اسرع و اسهل من الاوربي بكثييييير وفي النهايه تاخذ رخصه الatpl الاوربيه وخلاص مايحتاج تاخذ كل الرخص اوربيه وبهاذي الحاله توفر على نفسك فلوس كثييير وبنفس الوقت بتكون جاهز للشركات الي تطلب faa وجاهز للشركات الي تطلب jaa لانهم يطلبون atpl اوربي وهو ايضا موجود هنا...وبتكون وفرت على نفسك فلوس+وقت:icon_g6: |
اقتباس:
بالنسبه للمنهج الرسمي الصادر من الfaa فـ ممكن تنزله مجاناص من موقع الfaa نفسه وهاذ الرابط ممكن تدرس على الكتب بدون ماتشتريهم....ولو حبيت تشتريهم التكلفه تكون حوالي 50دولار هاذي الكتب Pilot's Handbook of Aeronautical Knowledge بالنسبه للانسترمنت الاوربي فلا يوجد في كل امريكا اصدار هاذي النوع ألا في اوروبا....حتى اكادميه اوكسفورد الي في امريكا مايحقلها تصدر الانسترمنت في امريكا.... انا بصراحه شايف ان الشخص لو حاب يجمع الصفاتين بأنه يدرس الfaa و يعمل الatpl اوروبي وبهاذي الحاله تكون جاهز لكلشي وكلك المتطلبات الامريكيه و الاوروبيه وتوفر على نفسك وقت +التكلفه |
طب نظام الدفع بيكون دفعات ولا مرة واحدة ؟؟؟ و لو دفعات بيكون ازاى معلش يا كابتن ارجووك ساعدنى عشان انا جيت متاخر و صفح الموضوع بقت كتير ف مش هعرف اشوفه كله
|
اقتباس:
:mic-me: |
هلا بأميـــــــر المحبيــــن : ياخي والله ماني عارف كيف اشكرك ؛ بالنسبه للبرايفت الامريكي يحتاج شهرين ؛ شهر جراوند سكول وشهر تطيير ؛ وانا ما اقدر لاني اشتغل ؛ انا سجلت اونلاين وقالت لي انتونيا تقريبا شهرين وتخلص اممور الفيزا وان شاء الله اسافر على رمضان ماعندي مشكله ؛ كنت اريد اقول لها اني ياي من طرفك بس المشكله ماتشرفنا باسمك للحين همممم بالنسبه للــatpl والله مش قادر عليه لضيق والوقت لكن الخطه الحين على الكوميرشال ؛؛ الطيران حلمي من عمري 15 سنه بس كنت أأجله الى اليوم الله يوفقك وان شاء الله نشوفك شي كبير في الطيران |
:d3oh:أخي أميـــــــر نسيت اقول لك عشان انو ضروري علينا ندرس أيكاو لفل 4 ممكن تقول لي كم سعر دورات الأيكاو كاملة من 1 والى 4 عشان اعمل حسابي + ملبغ الدراسة الكلي عند حصولك لل ATPL كم يكون الكل بالدولار :joystick: ؟؟ 2- بعد إكمالك لدراسة الأيكاو + الدراسة الفعلية للطيران ( في كم تكون خلصت ) يعني كم سنه ؟:mic-me: |
اقتباس:
اهلا وسهلا بيك حبيبي انت عملت الابلكيشن حق ال tsa? ولا فقط التسجيل؟.....مافي مشكله حبيبي المهم ان امورك تمام وكلشي واضح عندك انا هاذ اسمي بالفيسبك وخلينا نشوفك tawfeeq sami |
اقتباس:
هو بصراحه الاغلبيه الساحقه يبلشون من لفل 3 ...لان اي شخص عنده معلومات بالانجليزي حتى لو كانت قليله لما يدخل تقييم يطلع لفل 3واذا مره مو كويس يمكن ينزل 2......لذالك اذا كانت لغتك متوسطه او على الاقل تفهم الي قاعد تسمعه بتقدر تدخل لفل 4على طول ومدته شهر واحد و التكلفه 1950 دولار شامل الامتحان و الكتب....الايكاو لفل 4 سهل جداً جداً وحتى لو كان مستواك 2 وتاخذ شهر واحد وتدرس ممكن بعدها تبلش بـ لفل 4 ..مو شرط بالتسلسل (تعتمد على تقدمك بالغه) لان في طلاب جايين من فيتنام وكوريا مايتكلمون انجليزي بالمره يادوب كلمتين لذالك يحتاجون أيكاو ومع ذالك ماكولو اكثر من شهر او شهرينواخذوها... على فكره هو مطلوب من خطوط الطيران مو فقط الكليه....حتى لو كان معاك 6000ساعه طيران وتايب ريتنغ وكابتن على نوع معين..برضو ماتقدر تحصل وضيفه الا اذا كان عندك ايكاو....ولو حسيت ان مستواك اعلى من لفل 4 ممكن تاخذ لفل 5او لفل 6.. (الامتحان مباشره مو شرط تدرس) تكلفه الامتحان حوالي 550 دولار |
اقتباس:
|
اقتباس:
هل سعر 1950 دولآر لكل ليفل .. مثلآ لو كآن مستوى اللغه عندي ليفل 2 .. ادفع لليفل 3 و 4 3900 دولآر .. آو بالمبلغ بالشهر .. |
اقتباس:
اهلا وسهلا بيك ....والله بالنسبه لـ يونيفيرسال فـ ماعندي اي معلومه عنها |
اقتباس:
خليني اوضحلك الصوره شوي لفل 1و2و3 هاذي للناس الي قرائتهم للكلمات بطييييييييئه ومايعرف يتكلم بشكل مفهوم و اذا تسأله سؤال بيضل يفكر لمده طويله لحتى يعطيك الجواب..ولفضه للكلمات غير واضح لفل 4 معناه انك تقدر تقراً بشكل طبيعي ولما حد بيسألك تقدر ترد عليه حتى لو بكلمتين لكن صحيحات الامتحان الايكاو لفل 4 مدته عشرين دقيقه فقط و اعطيك مثال على الاسأله ايش اسمك ومن اي بلد؟ وين تشتغل وين تدرس؟ حدثني عن نفسك شوي؟ ليش تحب تدرس طيران؟ ...بعدين المرحله الي بعدها بتسمع شي وتسأل سؤال ...المرحله الي بعدها تسمع شي ولازم تعطي نصيحه ...في الاخير بيوريك صوره ويقولك عبر عنها ... صوره طياره متعرضه لحادث او قاعدين يصبغونها .....وخلاص انتها لفل4 |
توفيق ياغالي انا لغتي جيده جداً انجليزي وراح اخلص دبلوم كامل بعد شهرين اذا شاء الله اذا كان امتحان ايكاو لفل 4 كذا بس فأنا احسن منو :mic-me: وابي اقول لك حاجة كمان ... انت تدرس فيها صح .؟؟ :walw: تقدر ترسل لي بقبول من الجامعه لأني جايب نسبة بالثانوي 86% والإنجليزية عندي 100 % في الإمتحان ..! :crazy_pilot: وعلى اساس ابي منحة دراسية يقولوا لي تخصصات ثانية وانا مابي الا طيران قالوا لي خلاص جيب قبول من اي جامعه تقبلك وانت تريديها والمنحة المالية علينا :qust: ايش رأيك ؟؟ اذا بتقدر ترسل لي بقبول من aviator college بكون لك من الشاكرين واذا كان مو مهم اني اخلص دبلومي قول لي عادي لأن باقي لي شهرين الى 3 بالكثير ان شاء الله واكون خلصت :shamrock: اريد اتواصل معاك اكثر يعني ارسل لك مباشر على الهوت ميل اذا فتحت ممكن تقول لي متى تفتح :qust: |
| الساعة الآن 04:11 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
