رد: قريبــــــا مسافر الى الفلبين لدراسة الطيران ان شاء الله
 

مشكور الغالي على ها المجهود الطيب

وانا اشاء الله ناوي ادرس في الفلبين الانه اخوي درس فيها

وانشاء الله نلتقي هناك

بخصووص الدراسه انا اريد ادرس هندسه طيران ياليت اخوي الغالي

تشوف جماعه يدرسون هندسه الاني محتاج معلومات عن الدراسه هناك

وبخصوووص كورس الانجليزي مارديت علينا

تحياتي لكـ

رد: قريبــــــا مسافر الى الفلبين لدراسة الطيران ان شاء الله
 

أخوي أتمنى لك كل توفيق وسداد

بس عندي سؤال واحد إلى الآن مالقيتله إجابه صريحه

هل
هل
هل

رخص الفلبين هي رخص ال FAA المعتمده من قبل أمريكا

أم لها رخص غير

وشكرا

رد: قريبــــــا مسافر الى الفلبين لدراسة الطيران ان شاء الله
 

يا شباب بارك الله فيكم رخصة الفلبين هي CAAP رخصة خاصة فيهم بس هم يتبعوا المنهج الامريكي في التدريس فلا تتلخبطوا في هالشي وبالتوفيق وانا حاليا في المدرسة وان شاء الله الصباح عندي اول يوم جراوند سكول... والمدرسة تبعد 5 ساعات عن مانيلا بالسيارة والمدرسة هي اللي تتكفل بنقلك وبكل حاجة ثانية...والأوضاع للحين العال العال والحمد لله واي معلومات اخرى اقدر افيدكم فيها انا جاهز وبالتوفيق للجميع ان شاء الله.

رد: قريبــــــا مسافر الى الفلبين لدراسة الطيران ان شاء الله
 

شباب بخصوص كورس الانجليزي وقيمة الساعات للخطوط السعودية فانا كلمت الادارة في مانيلا بس خبروني انهم بيردوا علي بعد ما يسألوا الشخص المسؤول عن هذي الامور واللي هو موجود حاليا في اليابان بس لو تكلمونهم بنفسكم بيكون افضل لانه انتوا تقدرون تجادلون معاهم وبيعطونكم اكيد قيمة ثانية عن اللي بيخبروني عنها. بس هالمدرسة شباب غير عن المدارس الثانية في الفلبين...يعني ممنوع تزيد في اللوج بوك ساعات زيادة مثل ما المدارس الثانية تعملها وهم ناس صارمين وشغلهم عدل صراحة والله يوفقكم.

رد: قريبــــــا مسافر الى الفلبين لدراسة الطيران ان شاء الله
 

الأخ الغالي،،، أزف لك تحياتي لك في أرض ا

رد: قريبــــــا مسافر الى الفلبين لدراسة الطيران ان شاء الله
 

رد: قريبــــــا مسافر الى الفلبين لدراسة الطيران ان شاء الله
 

مراحب شباب الحمد لله اليوم بدأت اول يوم في الجراوند سكول والأمور العال العال للحين بالنسبة لعدد المدربين فالاكاديمية فيها 8 مدربين وصراحة ناس حماس ما عندهم تلاعب وبعد ما تخلص الدرس ياخذك المدرس الطيارة تاخذ عليها لفة علشان يثبت المعلومات في راسك وبعدها ترجع الكلاس ويعمل لك امتحان يشوفك فاهم ولا ما فاهم....وطبعا لانه اول يوم لي فبعد الكلاس بيجي المسؤول عن المدرسة وهو ياباني ويجاوب على اسئلتك اللي تتعلق بالاكاديمية ومدة الدراسة وطريقة تقديم الامتحانات وطريقة التواصل مع المدرسة في حالة عندك مشكلة...يعني بيوضحوا لك كل شي من الالف الى الياء...الطيران يكون في ثلاث فترات وانا ان شاء الله ببدأ الطيران خلال اسبوعين من الحين لازم اخلص مواد معينة قبل ما ابدأ الطيران...وفترات الطيران هي من 7 صباحا الى 9 صباحا والفترة الثانية من 9 ونصف الى 11 ونصف والفترة الثالثة من الساعة وحدة ظهرا الى الساعة 3 ظهرا...طبعا انتوا تتسألوا ليش في اوقات معينة للطيران...المدرسة هذي تمشي بنظام ما تعال وطير يعني يعطونك جدول وتمشي عليه واذا تحسبون يوميا تطيرون ساعتين بتشوفوا المدة اللي بتخلصوا فيها هي 6 اشهر او سبعة بالكثير...وتقدر تتفق معاهم اذا تريد تتطير يوم السبت والأحد لانه السبت والأحد اجازة عندهم يعني ما في جراوند سكول بس تقدر تتطير اذا المدرب موجود...طبعا الهنود هنا ما شاء الله عليهم يصحوووون من الساعة 5 ونصف صباحا ياكلوا الفطور ويستعدوا للطيران...هم عادة يطيرون ساعتين الصباح وبعدين الساعة وحدة الظهر يكون عندهم جراوند سكول الى الساعة 6 مساء وانا جدولي حاليا من الساعة 8 صباحا الى 12 ظهرا جراوند سكول ما في طيران بس بيتغير بعد اسبوعين الى ما اخلص مواد معينة وبيكون جدولي من الساعة 7 صباحا الى 9 صباحا طيران وبعدين من الساعة 1 ظهرا الى 6 مساء جراوند سكول...بالنسبة لتوقيت الوجبات...فالفطور يكون من الساعة 5 ونصف صباحا الى 8 صباحا...والغداء من الساعة 11 ونصف صباحا الى 1 ظهرا اما العشاء فمن الساعة 5 ونصف مساء الى 7 مساء...الوجبات اكثرها هندية بس ما اشوف تفرق كثير عن الوجبات العربية يعني من ناحية الأكل فانا ما محروم....الحمامات الله يعزكم مشتركة بس نظيفة وفي ناس جاهزين لك اذا تحتاج اي حاجة...غسيل الملابس في غسالة وتغسل بنفسك اما البطانيات في الغرفة فكل يوم سبت من كل اسبوع يغيروا البطانيات. وان شاء الله اوافيكم بالجديد. مشكووور اخوي ولد العمور على الدعاء الطيب والله يزيدها في حسناتك أمين.

رد: قريبــــــا مسافر الى الفلبين لدراسة الطيران ان شاء الله
 

ماشاء الله عليك يالصخره متحمس

ما أقول إلا الله لا يقطع حماسك وتكون مجتهد على طول

وعطينا كل جديد

وبالتوفيق

رد: قريبــــــا مسافر الى الفلبين لدراسة الطيران ان شاء الله
 

اسأل الله لك التوفيق أخوي الصخرة
ماشاء الله عليك , شد حيلك
بالتوفيق
أخوك / HELOPILOT

رد: قريبــــــا مسافر الى الفلبين لدراسة الطيران ان شاء الله
 

الله يوفقك يارب ويحقق حلمك

رد: قريبــــــا مسافر الى الفلبين لدراسة الطيران ان شاء الله
 

رد: قريبــــــا مسافر الى الفلبين لدراسة الطيران ان شاء الله
 

في عادة حلوة في المدارس الفلبينية بشكل عام..اول ما تطير اول سولو وتخلص يصبون عليك ماي وعاد الماي الله يعين مخلوط مع الزيت والتراب يعني اللي يقدرون يحطون فيه بيحطون وبعدين على راسك وثيابك بس حماس شباب...وانا كنت محظوظ ثاني يوم كان في واحد من الشباب وعمل السولو وبعدها عملوا له هالحركة وطبعا ما على كيفك تقول ايوة ولا لأ ...غصبا عنك بس هذاك الوقت انت من الفرحة بتقولهم عملوا اي شي وانت ساعدهم بعد...بس حبيت ازيد من معلوماتكم واشارككم بهالشي وحياكم شباب.

رد: قريبــــــا مسافر الى الفلبين لدراسة الطيران ان شاء الله
 

ماشاء الله تبارك الله اخوي الصخره الله يسعدك ويوفقك ويسهلك امرك والله حمستني جداااا والله العظيم سردك جدا رائع واقسم بالله بدرجه عيشتني الجوو معاك كاني في المدرسه هذي اخوي الصخره ولد السلطنه الحبيبه لايسعني الاان اشكرك على هذاا التقرير اخوي لاتحرمنا عن سرد يومياتك اخوي والله اناا جداا من المتابعين لمشوارك هذا اسال الله التوفيق لك كابتن وان شاء الله اخوي اكون من طلاب هذي المدرسه في القريب العاجل اخوي ممكن تزويدنااا بالصور لوووكان ممكن من غير مااتعبك كابتن وله اشغلك في دراستك ............بس والله الحركه حلووو لم تسوي السولووو شئ اكيد لووو يرموون الواحد باطماطم عاااادي بعد من الفرحه هههههههههههه الله الحمدالله ...اناا في انتظار جديدك كابتن
تقبل مودتي وتحياتي لك
اخوكـــ
المعتزبالله

رد: قريبــــــا مسافر الى الفلبين لدراسة الطيران ان شاء الله
 

مراحب شباب وحياك أخي العزيز المعتز بالله...والله بالنسبة للصور فانا ما التقطت الصور واليوم بعد كانت نفس الحركة لانه في واحد من الشباب عمل السولو بس ما اخذت الصور وبحاول اسال الشباب يعطوني كم صورة اذا بقدر والى هذاك الوقت ان شاء الله بحط الصور للسولو الخاص بي وبالحركة هذي ...انا ان شاء الله ببدأ الطيران على الاسبوع الجاي يوم الاثنين باذن الله وبكون مخلص البي بي ال جراوند سكول بعد اسبوعين اذا الله اراد وابدأ الجراوند سكول للس بي ال ...هنا النظام حلو يعني اول ما تخلص الجراوند سكول ما لازم تنتظر الى ما تحصل الرخصة لانه ما تضيع وقت كذا فتبدأ الجراوند سكول للرخصة اللي بعدها وفي نفس الوقت تخلص ساعات الطيران الخاصة بالبي بي ال واللي هي 40 ساعة وبعدها تقدم الامتحان البي بي ال ويمكن هذاك الوقت تكون مخلص الجراوند سكول التابع للسي بي ال...يعني ما يبقى لك غير تطير وتخلص ساعات الطيران السي بي ال وتقدم بعدها على الامتحان...بس بصراحة المدربين هنا تحسهم عائلتك ما متكبرين وناس بسيطين ياكلون معاك نفس الاكل وينامون معاك في نفس البناية يعني انت وهم واحد ويحمسونك ويحاول بعض المدربين انه يطور من شخصيتك واسلوبك يعني مش بس تتعلم الطيران هنا تتعلم كيف تتطور من شخصيتك بعد...طبعا هذا كله يعتمد عليك اذا راح تتقبل نصيحتهم أو لا...والمدربين هنا متحمسين للطيران انت بس قولهم اريد اطير وهم يريدون يطيرونك باسرع وقت وانت اللي تتعب وتطلب منهم ترتاح من الطيران بالنسبة لهم هم ما عندهم مانع.وان شاء الله راح ازودكم بالصور في اقرب فرصة ممكنة واذا ما صار فراح احط الصور للسولو الخاص بي ان شاء الله....الامن هنا متوفر اربعة وعشرين ساعة مع اسلحتهم يعني حراسة مشددة بس ما تحس فيها انت..اكيد بيحتاجون حراسة لانه تعرفون مدرسة طيران مش لعبة وبعدين ما تقدر تطلع من المدرسة بعد الساعة 11 بالليل ولا بيوقفونك عن الطيران لمدة معينة كقعاب...لانه الطالب هنا مسؤوليتهم علشان كذا اذا الطالب يريد يطلع برع طبعا ما عندك اصلا مكان تروح له بس اذا مثلا حبيت تروح السوق فتعبي استمارة تكتب فيها اسمك وسبب الخروج يعني وين رايح علشان المدرسة يكون عندها فكرة بالموضوع وتقدر بعد اذا مثلا كنت في اجازة السبت والاحد انك تروح مانيلا بس طبعا في استمارة ثانية تقدمها قبل كم يوم ويحاولون انهم يشوفوا اذا كان اليوم مناسب مثلا او لا لانه مثلا اذا عندك جراوند سكوول كيف تروح مانيلا هم يخافون اذا تتاخر ويروح عليك اليوم فتكون مشكلة لهم كيف يعطونك الدرس مرة ثانية...بس اذا طلعت الاجازة فانهم يطلبون منك انك تراسلهم اقل شي في اليوم خمس مرات او حاجة كذي تخبرهم موقعك وين بالضبط علشان بعد يعرفون انك بأمان...واذا مثلا خالفت القوانين ودخنت في الغرفة او حاجة كذي فالعقاب يكون انك تروح وتقص الحشائش عند ال runway او تعمل حاجة ثانية بس عقاب حلوو تستانس فيه...ما تخافون من كلامي بالعكس لما تشوفون بنفسكم بتضحكوا....انا هنا طبعا احاول قدر الامكان ما اخالط الشباب الا فئة معينة لانه طبعا اولا انا جاي ادرس والهنود هنا يصرفون فلوس مثل الماي كل يوم شرب وفي بعضهم اسلوبهم اسلوب اطفال علشان كذا انا قررت اني ابني شخصيتي الخاصة فيني هنا واكون شوي صارم معاهم لانه اذا مزحت معاهم وشافوك انك ما قدها بتكون مصخرة لهم فهذا اسلوبي معاهم...يعني امزح وقت المزح وجد وقت الجد وبتشوف صراحة المدربين والكل يعاملك بطريقة مختلفة وباحترام كبير وانا حبيت اعمل كذا لانه اريد الشباب اللي يجوون بعدي يحصلون على نفس الاحترام ويشوفون انه العرب جاديين في الدراسة مش جايين للعب....هذي نصيحة للشباب اللي بيدرسون في سكن مشترك مع الغير لا تذل نفسك لغيرك وخلي شخصيتك قوية...والسموحة شباب طولت شوي في الموضوع وربنا يوفق الجميع.

رد: قريبــــــا مسافر الى الفلبين لدراسة الطيران ان شاء الله
 

رد: قريبــــــا مسافر الى الفلبين لدراسة الطيران ان شاء الله
 

رد: قريبــــــا مسافر الى الفلبين لدراسة الطيران ان شاء الله
 

الله يوفقك يارب بصراحه كلامك حماسي جداااااااااا واسئله ان لا يخيب رجائك يارب العالمين بس عندي استفسار كم ساعة تتخرج من عندهم ياليت تفيدنى عن هذا الشي وشكررررررررررررررراااااااااااا لك

رد: قريبــــــا مسافر الى الفلبين لدراسة الطيران ان شاء الله
 

تتخرج من الاكاديمية ب 200 ساعة ومن بينهم 20 ساعة سميولتر...

رد: قريبــــــا مسافر الى الفلبين لدراسة الطيران ان شاء الله
 

ماشاء الله , بالتوفيق أخوي الصخرة .

أخوك / HELOPILOT

رد: قريبــــــا مسافر الى الفلبين لدراسة الطيران ان شاء الله
 

الحمد لله يا شباب اليوم كان اليوم الثالث لي في الطيران وكملت الحين 7ساعات ولله الحمد ...طبعا اول يوم طيران راح يكون يوم تعريفي عن الانستورمنت وكيف تتداخل في العمل مع بعضها البعض وراح تتحكم في الهيدينج(الوجهة) وراح يعلمك الانستركتور كيف تعمل climb و Descent وكيف تعمل Turns وبعدين راح تجمع مع Climbing Turns و Descending Turns وبعد راح تتعلم ال Stall وكيف ممكن تغطي هالشي اذا صار عندك ....وتعلمت اليوم on power stall و off power stall وان شاء الله بكرة ببدأ في Traffic Pattern واحاول انزل بالطيارة.. لاني للحين ما عملت ال Landing بنفسي بس المدرب يخبرني اني امسك ال yoke واحس بالنزول وطبعا قبل كل رحلة تعمل ال 360 pre flight inspection ويكون معاك الــ check list التابع للطيارة وتتفحص كمية الوقود وكمية الــ oil يعني تتبع بس اللي مكتوب في الــ check list وبعدها تخبر المدرب كم كمية الوقود اللي عندك وكمية الزيت ... ومن بعدها تكمل ال starting engine check list يعني كل حاجة تعملها لازم ترجع للــ check list علشان ما تنسى حاجة هذي ما فيها اي مشكلة لانه كل حاجة تقرأ وتشوف وتتأكد وبس... وبعدها تستعد للانطلاق وهناك عاد يعتمد على المدرب شو الاشياء اللي بيعلمك اليوم...بس بصراحة للحين ما شفت فيها صعوبة كثير بس الــ landing خوفني شوي لانه اول مرة والطيارة صغيرة تحسها كانها لعبة الهواء يحركها يمين شمال بس شباب توكلوا على الله وكل واحد يحقق حلمه واللي هو حلم الطيران...ما في شي صعب مع الارادة وبالتوفيق للجميع.

رد: قريبــــــا مسافر الى الفلبين لدراسة الطيران ان شاء الله
 

الله يكون معاك يا الصخره والله عيشتنا معاك الجو الدراسي واتمنا منك ان تستمر ينفس الروح المتفائله والمثابره واتمنا لك التوفيق باذن الله وعقبا للشباب الطموح وتقبل كل احترامي اخوك هارون

رد: قريبــــــا مسافر الى الفلبين لدراسة الطيران ان شاء الله
 

بالتوفيق يارب لنا ولك ان شاء الله تعالى

رد: قريبــــــا مسافر الى الفلبين لدراسة الطيران ان شاء الله
 

الله يوفقك الله يوفقك الله يوفقك

حمستني للدرجة غير طبيعيه

وخلك على حماسك يالغالي

رد: قريبــــــا مسافر الى الفلبين لدراسة الطيران ان شاء الله
 

مراحب شباب دعواتكم لي ان شاء الله راح اطير سولو بعد اربعة ايام..دعواتكم لي وربنا يوفق الجميع.

رد: قريبــــــا مسافر الى الفلبين لدراسة الطيران ان شاء الله
 

الله يوفقك

رد: قريبــــــا مسافر الى الفلبين لدراسة الطيران ان شاء الله
 

رد: قريبــــــا مسافر الى الفلبين لدراسة الطيران ان شاء الله
 

رد: قريبــــــا مسافر الى الفلبين لدراسة الطيران ان شاء الله
 

الله يوفقك يا رب ويحفظك والله شرح وافي وكاااااافي والله ما قصرت وإن شاء الله شكلي بلحقك في هذي المدرسة ألقيت فأبدعت ولنا أمتعت

رد: قريبــــــا مسافر الى الفلبين لدراسة الطيران ان شاء الله
 

مراحب شباب بس حبيت اوضح نقطة انا ذكرتها من قبل خصوصا لاخواني السعوديين طبعا متطلبات الخطوط السعودية 270 ساعة واذا بتجون المدرسة اللي انا فيها لازم تطيرون 270 ساعة فعلية ما تقدرون تزيدون دقيقة عليها يعني كل الساعات طيران فعلي ... واذا كانت 270 ساعة فالمبلغ راح يزيد اكثر من 39 الف دولار بس حبيت اذكر هالنقطة علشان يكونوا الشباب واضحين وعارفين. وربنا يوفق الجميع.

رد: قريبــــــا مسافر الى الفلبين لدراسة الطيران ان شاء الله
 

اخوي تروح و ترد بالسلامة ان شاء الله بس ممكن تخبرني عن تكاليف الدراسة الأجمالية في الفلبين لأني طالب ومواطن عماني في الثانوية و ان شاء الله اريد ادرس طيران لأن السلطنة ليست بها كليات طيران ...........