شكرا يا داني

كان فى فى شهر 7 واتأجل وفى الشهر ده كمان اتلغى عشان الاحداث مرسى تعبتك معايا

اللغه التانيه مش حيمتحنوكي فيها,الا مثلا لو انتي بتتكلمي فرنساوي مثلا واحدي الممتحنات من فرنسا ممكن تهزر معاكي بسؤال بالفرنساوي, انما رسمي الانجليزي هو المهم..
بالنسبه للجروب ديسكشن هما اللي بيختاروا الموضوع, وساعات بيخلوا المجموعه تتكلم مع بعض كل واحد يتكلم عن نفسه, اما اختبار الانجليزي بيكون فيه كل ما تخيليه, جرامر وتوصيل ونقط وبراجراف.. وبالتوفيق!

ازيك يا داني.. معلش عالتاخير لسه شايف رسالتك دلوقتي..
بصي اول حاجه حتقدمي السي في, ولو نجحتي ان شاء الله حيتصلوا بيكي ويقولولك تعالي يوم كذا,
وفي اليوم ده حتلاقي تلات ممتحنين او اتنين,وحيكون معاكي كل الناس اللي اتقبلوا من اليوم الاول, وانتو اول متدخلوا حيدوكوا استيكارات وكل واحد حيلزق الاستيكر يتاعه علي كتفه وده الغرض منه انهم يعرفوكوا من بعض يعني لما يلاقوا واحد سرحان حيقيموه غير واحد مركز معاهم, و حيفرجوكو علي فيديوهات وحيسألوكوا عليها زي مثلا بتعرفو ايه عن الايميرتس, كل ده عادي حيطلعوكوا بره و حيقولولكو بعد ربع ساعه و طبعا فيه ناس حتكمل و ناس لا, و اللي حيكملو معاهم حيدخلوا علي المرحله اللي وراها ودي حتكون فيها اختيار مهارات التواصل مع اصدقائك اللي فمجموعتك.. يعني مثلا حتختاروا موضوع تتكلموا فيه و هما حيراقبوكوا وكده.. و حيكون فيها قياس الطول, ونفس الحكايه حيطلعوكوا يره وطبعا فيه ناس حتكمل و ناس لا واللي حيكملوا حيدخلوا علي امتحان انجليزي تحريري, ويعدين حيطلعوكوا بره و يعد النتيجه فيه ناس حتكمل وناس لا... وهكذا,ده تقريبا اللي حيحصل معاكي. قوليلي بقي هو الاوبن داي اللي جاي امتي؟

هاى اسلام ممكن بعد اذنك تقولى اى معلومات عن الخطوات بتاعة انترفيو طيران الامارات عشان انا ناوية اروح الاوبن داى الى جاى يعنى مثلا فى الجروب ديسكشن مين الى بيختار الموضوع الجروب ولا هما بيقولولنا على موضوع نتكلم فيه والاختبار بتاع الانجلش بيكون جرامر ولا كلمات ولا ايه وايه طبيعة الاسئلة بتاعة الفاينال انترفيو ولو انا بتكلم لغة تانية غير الانجليزى هيسألونى او يمتحنونى فيها ؟؟ معلش طولت عليك فى الاسئلة