تجارب المتقدمين لطيران العربية - مصر

[محمد زيدان 86]

اولا ازيكوا جميعا
اعتقد انى هاكون اسرع واحد وصل الى القاهرة
اولا كنت هناك الساعة 9 الا ربع وكل واحد بيدخل بياخد رقم ترتيبى طبعا
دخلت القاعة كبيرة جدا جدا جدا بمعنى الكلمة
المهم قعدنا
دخلوا بالارقام
وكان فى واحد واقف مع واحدة بياخدوا الطول والوزن ودا ماستمريش كتير بمعنى
انه استمر مثلا لرقم 60 او 70 ثم مابقايش حد يوزن ولا يتقاس طولة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
غريبة جدا
المهم
انا كنت رقم 105
رحيت قعدت
كانوا 4 اللى ببسالوا
واحدة اجنبية وتقريبا دى الهيد بتاعتهم
و3 مصريين
رجلين وبنوتة
المهم كان حظى مع البنوتة
اولا احب اقولكوا
فرق شاسع بين وبين
شخصيا نفسى اتقبل مش عشان الشغل وبس
لا
عشان بجد بنوتة بجد محترمة ومودبة وعاوزة تفيد وتخليك تتكلم صح
بامانة فرق شاسع
المهم طعا
قالتلى عرف نفسك
قللتها اسمى كذا وعندى كذا وبشتغل كذا
الخبرة اللى اكتسبتها من العمل
قلتلها
عايش فين
متخرج منين
واخر سوال
لو اتقبلت تقدر تعيش فى اليكس
قلتلها انا بحب اليكس جدا طبعا
وطبعا كل الكلام دا بالانجليش
ولا كلمة عربى اصلا
واخدت بعضى ومشيت انا
كان اخر رقم عرفتة 580
مش عارف بقى فى تانى وراء الرقم دا ولا لا
المهم
انهم ناس محترمين
منظمين
اخلاق عالية بكتير قوى عن اماكن تانية
بالرغم من تعبى الشديد ولكن اكن لهم كل احترام وتقدير
ادى اللى حصل وياريت بقى اللى راح يكتب هنا اية اللى حصل معاه
ومعليش يا المعتز هاندوشلك البورد شوية
تحياتى
محمد زيدان

[HeRo81]

محمد زيدان 86

مساء الفل و هلا فيك
الله يوفقك يارب وان شاء الله يكون لك نصيب في الوظيفة
مشكوووووووووووور على الموضوع وبالتوفيق للجميع

[Ahmad_shahba]

شكرا ليك يا محمد على التقرير ده
عموما انا رايح أعمل معاهم اترفيو برضه يوم الخميس انشاء الله
(يعني بكره ) بس مش cabin crew ده
check -in agent
وربنا يسهل ان شاء الله
ودعوتكم معنا علشان السفر في الجو ده صعب شوية

[mozfar]

:crazy_pilot: انا كنت هناك ورقمى كان 400 وحاجة قعدت الصراحة كتير اوى كانت قاعد مش عارف حد وزهقان وقولت فى نفسى ياريت كانت خدت رقمك اللى ادتهولى يامحمد بس للأسف مكنش معى لأنى محفظتهوش على الموبايل المهم انا اللى عملى الأنترفيو رجل سمارة كده وكان اخلاق جدا كان قاعد جنب الأجنبية قالى بالأنجليزى طبعا فين السى فى ادته السى فى
وقعد يسألنى فيه اسمك ايه ومتخرج منين واللغات اللى معك وساكن فين و الخبرة اللى معك وبشتغل ايه دلوقتى بس انا مستغرب مقعدش كتير معى يدوب هى دى الأسئلة اللى فكرها من الأسئلة اللى سألها لى وقالى فى الأخر حنتصل بيك قولت شكراو مشيت بس مش حاطط امل كبير ان هى تيجى مش عارف ليه المهم الواحد عمل اللى عليه والباقى على ربنا :crazy_pilot:بس مخدش منى الآ السى فى بس اما الأوراق الكتير اللى انا صورتها مخدهش
ليه برده مش عارف وفعلا الرقم وصل 580 وكان قرب على ال 600 عشان انا مش حاطط امل كبير سلامى ليك يامحمد ولكل اعضاء المنتدى
:joystick: :mic-me:

[سيسس]

حمد الله ع السلامة يا محمد

ربنا يوفقك وتتقبل يارب انت وكل ال تعبوا مقدموا يااااااااااارب

طبعا شكرا كتير على التقرير المفصل دا
والله كانت طالعة دماغي أروح وأجرب هيقبلوا محجبات ولا لأ

بس الحمد لله إني مرحتش كان هيبقا مشوار ع الفاضي

ربنا يوفقكم جميعا

[محمد زيدان 86]

محمد زيدان 86

مساء الفل و هلا فيك
الله يوفقك يارب وان شاء الله يكون لك نصيب في الوظيفة
مشكوووووووووووور على الموضوع وبالتوفيق للجميع



مساء الورد حبيبى
الله يكرمك ويرضيك
احنا عملنا اللى علينا والباقى على الله
والخير يتم ان شاء الله

[محمد زيدان 86]

شكرا ليك يا محمد على التقرير ده
عموما انا رايح أعمل معاهم اترفيو برضه يوم الخميس انشاء الله
(يعني بكره ) بس مش cabin crew ده
check -in agent
وربنا يسهل ان شاء الله
ودعوتكم معنا علشان السفر في الجو ده صعب شوية

الشكر لله يا احمد
شد حيلك وبقولك من دلوقتى بجد ناس محترمة سواء اتكتبلى عمل معاهم او لا بجد ناس محترمة
ربنا يوفقك ان شاء الله ولو تاخد نصيحتى
روح بدرى قوى
اضغط على نفسك وروح بدرى يعنى لو معادك 9 روح 8الا ربع 7 ونص كدة
نصيحة

[محمد زيدان 86]

حمد الله ع السلامة يا محمد

ربنا يوفقك وتتقبل يارب انت وكل ال تعبوا مقدموا يااااااااااارب

طبعا شكرا كتير على التقرير المفصل دا
والله كانت طالعة دماغي أروح وأجرب هيقبلوا محجبات ولا لأ

بس الحمد لله إني مرحتش كان هيبقا مشوار ع الفاضي

ربنا يوفقكم جميعا


ربنا يكرمك يارب
احنا عملنا اللى علينا فعلا والباقى على الله
ونتمنى ان نحقق احللمنا جميعا
اشكرك على المشاركة الفعالة جدا
وتحياتى

[محمد زيدان 86]

:crazy_pilot: انا كنت هناك ورقمى كان 400 وحاجة قعدت الصراحة كتير اوى كانت قاعد مش عارف حد وزهقان وقولت فى نفسى ياريت كانت خدت رقمك اللى ادتهولى يامحمد بس للأسف مكنش معى لأنى محفظتهوش على الموبايل المهم انا اللى عملى الأنترفيو رجل سمارة كده وكان اخلاق جدا كان قاعد جنب الأجنبية قالى بالأنجليزى طبعا فين السى فى ادته السى فى
وقعد يسألنى فيه اسمك ايه ومتخرج منين واللغات اللى معك وساكن فين و الخبرة اللى معك وبشتغل ايه دلوقتى بس انا مستغرب مقعدش كتير معى يدوب هى دى الأسئلة اللى فكرها من الأسئلة اللى سألها لى وقالى فى الأخر حنتصل بيك قولت شكراو مشيت بس مش حاطط امل كبير ان هى تيجى مش عارف ليه المهم الواحد عمل اللى عليه والباقى على ربنا :crazy_pilot:بس مخدش منى الآ السى فى بس اما الأوراق الكتير اللى انا صورتها مخدهش
ليه برده مش عارف وفعلا الرقم وصل 580 وكان قرب على ال 600 عشان انا مش حاطط امل كبير سلامى ليك يامحمد ولكل اعضاء المنتدى
:joystick: :mic-me:

حبيبى
والله اللى حصل معاك حصل معايا
بس انا مشيت وماشوفتيش الوضع فى الاخر
اعتقد كان كروتة وخلاص
انا اعتقدت كدة على فكرة
وانا افتكرتك هاتروح بدرى فكل ما يتندى ارقام بدرى اقول زمانة دخل
هههههههههههههههههههههههههههه
لا كنت بهيس من التعب عموما
بس مش ملاحظ حاجة يا باشا
ان اللى هايترفضوا كتير جدا لانهم مش فورمال
دا فوق ال200 واحد وواحدة مش فورمال
دا اية التهريج دا
والله انا لو منهم ماقبليش حد اصلا
بلا وجع قلب
عموما هاقولكل هانكلمك الساعة كام؟
بي شوفيت البت الاجنبية ازاى كانت ماسكة القاعة
يا عم دى من اول الليلة هيا المسئولة
ويمين وشمال
وروح وتعالى
شاطرة موتتتتتتتتتتتتتتتتت

[captain cj]

الله يوفقك انشاءالله

[mozfar]

علما اعتقد هم خدوا اول 70 لأنهم اهتموا ووزنوا وقاسوا الطول بس الكلام ده تكهنات مش اكتر بس انا مش معاك فى ان ناس كتيرة مش جاية رسمى البنات معاك معظمهم مش جاى رسمى اما الولاد و دول الأغلبية قليل قوى هو اللى جاى مش لابس رسمى
انا قبل ما ماشى قولته حتصلوا الساعة كام قالى 7 فانا قاعد ومنتظر المكالمة وعاوز انام لأنى تعبان جدا و دايما فى الصدارة و بالمناسبة الأهلى كسبان الجونة 1-0 قاعد فاضى بسلى وقتى يمكن يتصلوا

[محمد زيدان 86]

علما اعتقد هم خدوا اول 70 لأنهم اهتموا ووزنوا وقاسوا الطول بس الكلام ده تكهنات مش اكتر بس انا مش معاك فى ان ناس كتيرة مش جاية رسمى البنات معاك معظمهم مش جاى رسمى اما الولاد و دول الأغلبية قليل قوى هو اللى جاى مش لابس رسمى
انا قبل ما ماشى قولته حتصلوا الساعة كام قالى 7 فانا قاعد ومنتظر المكالمة وعاوز انام لأنى تعبان جدا و دايما فى الصدارة و بالمناسبة الأهلى كسبان الجونة 1-0 قاعد فاضى بسلى وقتى يمكن يتصلوا

انا كلمت الفندق على فكرة قالى هما لسة متواجدين
الى بس انا ماعرففلهوميش اى رقم داخلى
فللاسف مش عارفين نوصلهم
عموما اللى فية الخير قدموا ربنا
والحمد لله على كل شى

[محمد زيدان 86]

الله يوفقك انشاءالله

ربنا يكرمك يارب
ادعيلنا معاك بقى

[heba magdy]

السلام عليكم

أنا بردوا رحت النهاردة و الله المشوار صعب و بعيد عليا بس الحمد لله ربنا وفقنى ووصلت بدرى و كان رقمى 26 ، المهم طبعا أخدت السى فى بتاعتى البنت الأجنبية و بردوا سالتنى نفس الأسئلة اللى أصحابنا هنا إتسألوها طبعا كله بالإنجليزى مفيش كلمة عربى قالتلى إسمك إيه ، و من فين ، و إزاى جيتى إسكندرية و إنتى فى مكان تانى ، و سالتنى كمان قالت إنتى عارفه إن دى شغلانة مضيفة طيران ، ليه عايزة تشتغلى فيها ، المهم يا جماعة بعد ما جاوبت قالتلى لو إختاروكى هيتصلوا عليكى النهاردة و لو مختركويش موش هيتصلوا ، دا كل اللى حصل معايا و طبعا أخدوا وزنى وطولى ، أنا كان عندى أمل إنهم يتصلو بس للأسف مفيش حد إتصل خالص موش عارفة و ياريت من أصحابنا اللى راحوا المقابلة يردوا عليا هما إتصلوا على حد و لا لأ ، و ياترى هل من المحتمل يتصلوا بكره و لا إيه الحكاية ، أنا مستنية رد من أصحابنا اللى راحوا ، و عايزة كمان أعرف هما هيفضلوا قاعدين لحد بكره و هيمشوا عالطول ، لأن أنا سمعت أنها شركة خاصة و هى طيران داخلى ، و لسه جايبة طيرات جديدة و عايزة تقريبا 2000 شخص و موش هتاخد غير من مصر و تونس ، و الأخبار دى من بنت بتشتغل مضيفة إتصلت عليهم و قدرت تعرف المعلومات دى ، اتمنى بس حد يجاوبنى ، و التوفيق للجميع إنشاء الله و يارب الكل يتقبل

بااااااااااااااااى

[heba magdy]

السلام عليكم

أنا بردوا رحت النهاردة و الله المشوار صعب و بعيد عليا بس الحمد لله ربنا وفقنى ووصلت بدرى و كان رقمى 26 ، المهم طبعا أخدت السى فى بتاعتى البنت الأجنبية و بردوا سالتنى نفس الأسئلة اللى أصحابنا هنا إتسألوها طبعا كله بالإنجليزى مفيش كلمة عربى قالتلى إسمك إيه ، و من فين ، و إزاى جيتى إسكندرية و إنتى فى مكان تانى ، و سالتنى كمان قالت إنتى عارفه إن دى شغلانة مضيفة طيران ، ليه عايزة تشتغلى فيها ، المهم يا جماعة بعد ما جاوبت قالتلى لو إختاروكى هيتصلوا عليكى النهاردة و لو مختركويش موش هيتصلوا ، دا كل اللى حصل معايا و طبعا أخدوا وزنى وطولى ، أنا كان عندى أمل إنهم يتصلو بس للأسف مفيش حد إتصل خالص موش عارفة و ياريت من أصحابنا اللى راحوا المقابلة يردوا عليا هما إتصلوا على حد و لا لأ ، و ياترى هل من المحتمل يتصلوا بكره و لا إيه الحكاية ، أنا مستنية رد من أصحابنا اللى راحوا ، و عايزة كمان أعرف هما هيفضلوا قاعدين لحد بكره و هيمشوا عالطول ، لأن أنا سمعت أنها شركة خاصة و هى طيران داخلى ، و لسه جايبة طيرات جديدة و عايزة تقريبا 2000 شخص و موش هتاخد غير من مصر و تونس ، و الأخبار دى من بنت بتشتغل مضيفة إتصلت عليهم و قدرت تعرف المعلومات دى ، اتمنى بس حد يجاوبنى ، و التوفيق للجميع إنشاء الله و يارب الكل يتقبل

بااااااااااااااااى

[محمد زيدان 86]

والله يا هبة مش عارف بقى
انا تقريبا شوفتيك
بس قشطة يعنى
تقريبا لا والله اعلم
لان المفروض يتصلوا قبل الساعة 7
دلوقتى 11 ومافيش
لا اعتقد
وعموما ربنا يسهل

[heba magdy]

ميرسى يا محمد ، أنا بردوا كنت مستنية يتصلوا ، بس الظاهر ملناش نصيب بقى فى الموضوع دا ، المهم لو عرفت أى حاجة ياريت تقولى ، و ربنا يوفق الجميع

[romyo-egy]

انا روحت هناك بعد تعب وسافرت من القاهرة وكنت هناك 9 وربع واخدت رقم 376 ودخلت اتسئلت سؤلين عرف نفسك ولية عاوز تشتغل cabin crew
وبعدين قالتلي لو اتقبلت هنتصل بيك بالليل ومحدش طبعا عبرني بس هي مخدتش مني صور سواء كارت او شخصية وقالتلي هي مش صورتك موودة هنا في الملف قولتلها اة بس صورة في السي في قالتلي كافية
ربنا يوفقني ويوفق الجميع

[paradies]

بالتوفيق يا جماعه ان شاء الله .
بس احب اقول للاخوات المحجبات انها اذا ملهاش نصيب في الضيافه وليها خبره كويسه باستخدام الكمبيوتر تقدر تقدم في الكاونتر

[zcbmnn]

ربنا يوفقكم جميعا انشاء الله ممكن اسأل بالنسبة للوظائف التانة ازاى قدملها يعنى الاستاذ احمد شبانة اللى حيعمل انترافيو بالنسبة لوظيفة check in هما اتصلوا بيك ولا اية انا قدمت على النت لكن محدش اتصل هو فى تقديم فى الشركة يعنى ولا اية

[paradies]

نسيت صحيح موضوع مهم جدااااااا اثاره احد الاعضاء الغاليين :)

بالنسبه للي حصل في الانترفيو ةالأسئله وقلت عن الاسئله هيكون شكلها ايه وطريقه الاسئله وكدا واحد الاخوه قال انت متأكد من الكلام دا ولا لا .
طبعا لي حصل دا اكبر دليل على ان الحمد لله لا بينجم ولا بيعرف الغيب والعياذ بالله الحاجات دي بتاعت ربنا .
بس احب اقول مفيش انتر فيو وبالزات لو مقابله شخصيه واول مره لازم وحتماً متخرجش من السي في بتاعك وشويه اسئله عامه في تخصصك وايه سبب اختيارك للتخصص دا .
بعد كدا بقى في مراحل القبول بتتطور الاسئله وبيبدأ الموضوع يتخصص اكتر في الاسئله .

[شيخ الامارات]

بالتوفيييق

[roga]

انا بردو روحت امبارح بردووكان رقمي 260 والي عرفتو زيادة عن كل الي اتقال ان مفيش سكن وهما هيدو بدل سكن وفي مده 6شهور اقامة في الاول متواصلة والمرتب 5300 غير البدلات بدل سكن

[zcbmnn]

ربنا يوفقكم جميعا ان شاء الله والتلفون يرن انا كان عندى سؤال بالنسبة للوظائف الاخرى اية اخبارها انا شايفة الاستاذ احمد الشناوى رايح انترافيو النهاردة هما يعنى اتصلوا بيك ولا اية انا قدمت فى موقع العربية بس محدش اتصل هو المفروض ققدم فى الشركة نفسها ولا اية انا مستنيا ردكم وبالتوفيق انشاء اللة

[mozfar]

و لا عضو من اعضاء المنتدى اللى راحوا ضربت معه واتصلوا بيه يااه حاجة صعبة خالص

[mozfar]

:violent6: :violent0: :icon_g4: اخر الأخبار وانا بقرأ الأهرام النهارده لقيت فى صفحة الحوداث
خبر بيقول ان فيه حريق اندلع فى منتجع اللاجون بس مش محدد فى الفندق ولا بعيد عن
الفندق الخبر بيقول ان الحريق اندلع اثر ماس كهربائى فى غرفة الشاكوزى وامتد لصالة الألعاب الرياضية مش عارف ده ممكن يكون ليه علاقة بالمقابلة اللى عملنها امبارح ولا لأ :icon_g4: :noo: :violent0:

[dark_eagle]

والله كان اجمد يوم بصراحه هما متصلوش ولا عملو بس انا تقريبا يا محمد وقعت ف البنت اللي عملت معاها الانترفيو بصراحه كفايا الواحد شافها :D

بس هو الواحد راح عشان يقضي اليوم ف اليكس ويخرج بقي شويه الواحد اتردم تراب اه بس كان يوم جامد

وبالتوفيق للجميع

[عدولة]

يجماعة انا خبرة بالبيع والحسابات ازاي نقدم علي الوظائف دي وهما هل اتصلو بالاخ الي عمل علي التشيك ايجنت قدم ازاي ويريت تقول بالمناسبة انا خبرة بالسيلز وخدمة العملاء تنصحنا بايه علشان مش عاوز اقدم ضيافة لان املهم ضعيف ارجو الرد

[المعتز]

:violent6: :violent0: :icon_g4: اخر الأخبار وانا بقرأ الأهرام النهارده لقيت فى صفحة الحوداث
خبر بيقول ان فيه حريق اندلع فى منتجع اللاجون بس مش محدد فى الفندق ولا بعيد عن
الفندق الخبر بيقول ان الحريق اندلع اثر ماس كهربائى فى غرفة الشاكوزى وامتد لصالة الألعاب الرياضية مش عارف ده ممكن يكون ليه علاقة بالمقابلة اللى عملنها امبارح ولا لأ :icon_g4: :noo: :violent0:

والله كان اجمد يوم بصراحه هما متصلوش ولا عملو بس انا تقريبا يا محمد وقعت ف البنت اللي عملت معاها الانترفيو بصراحه كفايا الواحد شافها :D

بس هو الواحد راح عشان يقضي اليوم ف اليكس ويخرج بقي شويه الواحد اتردم تراب اه بس كان يوم جامد

وبالتوفيق للجميع

هههههههههههههههههههههههههههه
:hilarious:
ربنا يوفقكم يارب

[dark_eagle]

هههههههههههههههههههههههههههه
:hilarious:
ربنا يوفقكم يارب


ربنا يخليك يا استاذ معتز ويوفقك باذن الله

علي فكره انا اسمي معتز برده اي خدمه : )