المجموعات الإجتماعية |
البحث |
مشاركات اليوم |
قسم الطيران اللاسلكي AIRCRAFT R/C مناقشات عامه تجارب ودروس تقارير استفسارات راجع فهرس القسم قبل طرح موضوعك >> فهرس قسم الريموت |
إضافة رد |
|
أدوات الموضوع |
مشاركة [ 1 ] | |||
|
|||
عضو خط الطيران
|
السلام عليكم ورحمة الله وبركته
اولا احب اشكر الاخوة في هذا الصرح الكريم الرائع صراحة استفدت واستلهمت كثير من مواضيعكم ومايفخى عليكم انا لي مدة مسجل في المنتدى بديت اول شي بمحاكي الطيران fsx والحمدلله تعلمت الكثير من هنا ومن مواقع اجنبية قبل 6 شهور تقريبا تحمست اني امتلك طائرة ريموت كنترول وكنت وقتها خارج المملكة وفعلا بحثت في الموضوع كثييير لكن للاسف تسرعت وتحمست وشريت طائرة ريموت بقيمة 1400 ريال تقريبا طبعا اول شي جربت المحاكي حق الريموت كنترول وفادني الى حد ما المشكلة اني جربته بالكيبورد المهم ماطول عليكم شريت الطائرة وجمعتها وكانت كبيرة يعني طولها تقريبا 170 س وكان الجو رياااح جدا بس مع الحماس وبعد ماشفت مقاطع في اليوتيوب لناس اول مرة يطيرون قلت ان شاء الله خير واطيرها اول شي طرت تقريبا 30 ثانية ومااخفيكم الجو كان جدا رياح وتطيح الطيارة لكن كانت الطيحة سليمة واطيرها المرة الثانية واحلق فوق حول الدقيقة الا واجي عكس الرياح والطيارة كانت تشق الرياح لكن كاان التجكم صعب شوي :iconloli: واعطيها لفة شوي الا وتهوي وعلى وجهها وولاسف كرهت طيارات الريموت بسبب التسرع لكن ماش مع مرور الوقت كنت افكر واقرا عنها قلت معقولة كل هذولي الناس يطيرون وماشين فيها قلت لازم ابدا اول شي باشياء على قدي وتكون من تصميمي على اساس احد من االخساير وفعلا قررت تقريبا قبل 3 اسابيع او اقل اني ابحث في الموضوع في البداية دخلت هنا وقريت فهرس المواضيع وفعلا فادني وشفت تصاميم ملك امبالا وعبدالله الدغيلبي صراحة عبدالله فعلا مبدع وصبور الله يزيدك علم فها الموضوع وان شاء الله نستفيد من خبرات كل المتواجدين المهم وبعدها دخلت المواقع الاجنبيه ولاخفيكم استفدت ايضا كثيرا خصوصا في اسئلة زي حساب منطقة الجاذبية وكيف اسهل طريقة انك تضبطها وو الخ حتى البلانات موجود كثير لكن انا ناظرت صور الطائات الي مسويه وحاولت اني اسويها بنفسي بطريقتي اللي اسهلي وحاط ببالي يمكن مرة مرتين 10 يمكن تفشل لكن ان شاء الله يوم تطير وان شاء الله مع القرايه راح احاول اتفادى الاخطاء من اول مرة خلني اوريكم الصور حقت الطيارة الي بديتبها طبعا التصميم بدائي زي ماتشوفون لكن انا ماكان ودي اتكلف لاني عارف اني احتمال اطيح كثير. هذي اول وحده وعارف ان فيها اخطاء لكن كل تصميم اتجنب الاخطاء الي قبل وهذا الشي ساعدني كثير وعارف ان الافضل اني اشيل الورق لكن الصراحة احس الورق يخلي الفلين صعب ينكسر. والطيارة الثانية تفاديت بعض الاخطاء مثل ابعاد الجناح بالنسبة للذيل والاليفيتور كم المفروض يكون وتصميم الجناح المقدمة زي ماتشوفون الاعمدة من الخشب (حق الشوي والمقدمة عود سوشي ^^) طبعا زي ماتشوفون الثانية الى الان ماخلصت منها ونجي للطيارة الثالثة الى الان باقي بركبلها بعض قطع الفلين من المقدمة ومن الاسفل لكن هذا الهيكل الاساسي وهي صغيرة نوعا ما طبعا الذيل راح يتم قصه من الخلف للاما على اساس يكون على رقم سبعة لكن انتظر على ماطلب الاغراض عشان اشوف افضل منطقة للسي جي هذا وصلى الله على سيدنا محمد طبعا فيه نقاط حبيت اذكرها في الطيارة الثانية تصميم الهيكل موب مررة دقيق لان انا ركزت في النقاط الاساسية الي هي اهم شي الجناح الذيل والردر لاني بحثت في هذا الموضوع وااتصميم الدقيق للهيكل يتطلب وقت والات وجهد كبير وانا مبتدى ء وماحبيت اضيع جهدي واطيح الطيارة لاني شفت طيارات على شكل باص وعلى اشكل غير انسيابية مع الهواء لان زي ماتعرفون السرعة العالية جدا هي التي تتطلب تصميم فريد (ايرو ديناميك ) الحين جا دوري ودي بمساعدتكم في اختيار القطع اللازمة من سيرفوات ومحرك كهربائي وبطارية ومرسل ومستقبل لاني دورت في https://www.hobbycity.com/hobbyking/store/uh_index.asp وصراحة احترت لاني مثلا ماعرف الترانزمتر راح يكون متوافق مع اي اي ريسيفر والسيرفو كيف يتوافق راح احطلكم لسستة وابيلكم تشورونلي فيها لان صراحة من الناحية هذي انا عليمي فيها :iconloli: وياليت اللي عنده وقت يحطلي الاشياء اللي احتاجها وتكون متوافقة مع بعض مثلا بابدا من هنا المرسل ابي رايكم في هذا وابيكم تشوفونلي ريسيفر يكون متوافق معه (علما بان معه رسيفر لكن ابي زيادة ثنين ) https://www.hobbycity.com/hobbyking/s...idProduct=9828 وبالنسبة للموتور هذا بالنسبة للطائات المتوسطة 600جرام الى1300(340 واط مايقارب نص حصان) بالنسبة لمتحكم السرعة صح مكتوب esc required لكن الصراحة مافهمت بالضبط :redcart: https://www.hobbycity.com/hobbyking/s...idProduct=3885 وبالنسبة للطيارات الصغيرة esc 10>>>هل معناته اي متحكم سرعة فيه 10 اي يصلح معه؟ https://www.hobbycity.com/hobbyking/s...dProduct=14399 وصراحة السيرفوات لخبطتني يعني اخاف اشتري شي ويكون كبير ولا صغير مرة ونفس الوقت الانواع ياليت تفيدوني بالاشياء الباقية الي احتاجها من مراوح وتوصيلات >>ادري زودتها لكن صدقوني خايف اشتري شي بعدين القى شي ناقص فودي انها تكون طلبيه وحده. دمتممممم (اتمنى مشاركتكم وابداء ارائكم ) |
||
مشاركة [ 2 ] | ||||
|
||||
|
ماشالله عليك
يجيك ابو نواف هوه خبير درجة اولى امتياز مع شهادة تقدير وحسن سيرة وسلوك rc اليكتريك وراح يفيدك بكل ما تحتاجه بامور الكهرباء وبتوفيق ان شالله |
|||
مشاركة [ 3 ] | |||
|
|||
عضو خط الطيران
|
اهلن اهلنـ يعطيك العافية اخوي يسلمو على المرور
|
||
مشاركة [ 4 ] | ||||
|
||||
|
وعليكم السلام ورحمة الله وبركاته
ما شاء الله تبارك الله ... ممتاز اخوي الغالي ... اعذرني هالايام مضغوط شوي ولكن بالنسبه للسبيد كونترول فالمطلوب 30 امبير اقل شي كما هو مكتوب بعد اسم السلعه ,,, طبعا الافضل تاخذ اكثر من 30 امبير بشوي مثل 35 امبير ... ومثل ما قال الاخ الغالي الماستر ,, ابو نواف ( esgh ) محترف درجه اولى فيي القطع المناسبه , ما شاء الله تبارك الله , اللهم صلي على محمد . اتمنى لك التوفيق يالغالي وان شاء الله لي رجعه .. |
|||
مشاركة [ 5 ] | |||
|
|||
عضو خط الطيران
|
معذور اخوي الله يعينك ^^
ويسلمو عالمرور وعالافادة |
||
مشاركة [ 6 ] | ||||
|
||||
|
يوفقك الله يالغالي شغل ميه ميه بالنسبه لي اضم صوتي مع ابو نواف الرجل الاول بالنسبه للكهرب وانا شخصيا فادني هذا الرجل بشكل سريع في هذه الهوايه الله يخليه لعياله يارب.
|
|||
مشاركة [ 7 ] | |||
|
|||
عضو خط الطيران
|
ويخليك لعين ترجيك
تسلم عالمرور ^^ |
||
مشاركة [ 8 ] | ||||
|
||||
|
السلام عليكم
الاخوان اعطوني اكثر من حقي عموما لاختيار السبيد كونترول المناسب اضرب ال Max Current لاي بروشلزموتور في 1.25 وبناءا على الناتج اختر السبيد كونترول ذو ال Current المساوي للنتيجه او اعلى ولاتنسى ان مقاس المروحه مهم جدا جدا في شغلات الكهرب لانها هي الي تحدد سحب الموتور ولو زاد حجمها عن الموصى به سوف تتلف احد اجزاء المنظومه (الموتور - السبيد - البطاريه) طبعا هذه القطع تتفاوت جودتها والشغله راجعه لميزانيتك وقطع الهوبي كنج تمشي الحال ولكنها ليست بكفائه انواع اخرى اغلى سعرا انا ممكن افيدك في التصاميم اكثر من مواضيع الكهرباء صراحه نماذجك اعلاه عليها ملاحظات واخطاء كثيره اقترح ان تنفذ حاليا مشاريعك من مخططات جاهزه بدلا من الارتجال بهذه الطريقه و ذهاب مجهودك هدرا تحياتي |
|||
مشاركة [ 9 ] | |||
|
|||
عضو خط الطيران
|
مشكور اخوي عالرد وبالنسبة للتصاميم صادق لكن ترا مافيه صح وغلط يمكن التصميم يكون تعبان لكن اهم شي الابعاد
وانا الحين ادورلي بلان زي ماتفضلت عشان اسوي عليه طيب اخوي. وبالنسبة للقطع طيب لو تتفضل وتعطيني موقع او شركة يبيعون قطع ذات جودة عالية اكون لك من الشاكرين |
||
مشاركة [ 10 ] | ||||
|
||||
|
افضل المواتير هنا
https://www.modelmotors.cz/ وهي تباع في مواقع كثيره ايضا مواتير Great Planes RimFire مجيده وارخص من AXI وهي متوفره هنا https://www3.towerhobbies.com/cgi-bin/wti0093p?&C=GHG السبييد كونترول Castel الافضل ولو انها غاليه https://www3.towerhobbies.com/cgi-bin/wti0093p?&C=MJF وايضا سبيد Great Planes جيده وسعرها مقبول https://www3.towerhobbies.com/cgi-bin/WTI0094P?&N=N&F=ACEM8042&L=FPWM0206&C=MJFFPW&P=0&S= بالنسبة للسيرفو ارشح لك هذا https://www.hobbyking.com/hobbyking/store/uh_viewItem.asp?idProduct=662 بالرغم من رخصة الا ان اداءه جيد بالنسبه لردك ان اهم شئ في التصميم الابعاد فان التنفيذ و تدعيم المناطق التي عليها ضغط وعدم اضافة اوزان لاداعي لها لايقل اهميه تحياتي وبالتوفيق |
|||
مشاركة [ 11 ] | |||
|
|||
عضو خط الطيران
|
يعطيك الف الف عافيه اخوي وماقصرت
وبالنسبة للتوصيلات اخوي وش رايك ادري تعبتك معي |
||
مشاركة [ 12 ] | ||||
|
||||
|
يعطيك الف الف عافيه اخوي وماقصرت وبالنسبة للتوصيلات اخوي وش رايك ادري تعبتك معي مدري ايش تقصد بالتوصيلات هل تقصد بين السيرفو والرسيفر ال مثل هذه |
|||
مشاركة [ 13 ] | |||
|
|||
عضو خط الطيران
|
ايوهه يااخوي هاذي هي ^^
يعني الحين احتاج سيرفو ومعداته (الاذرعة) رسيفر ريموت كنترول محرك برشلس متحكم سرعة وبطارية وكذا نكون مخلصين؟ ^^ |
||
مشاركة [ 14 ] | ||||
|
||||
|
ماشاء الله تصميم كبير والله
تسلم بس والله اني اسوي طائرات بالفلين اوكي الصمغ ياكل الفلين انا احط صمغ باتكس واصمغات من هذي العصار وياكل الفلين احس اني دلخ هههههههههههه والفلين عادي اللي يبيعونه فء المكتبة ولا اي فلين اخذ س/ وش نوع الصمغ اللي استخدمة ؟؟ س / وش نوع الفليين الاحسن ؟؟ |
|||
مشاركة [ 15 ] | |||
|
|||
عضو خط الطيران
|
هلاا اخوي انا استخدم صمغ مسدس ^^ ماياكل الفلين ولا شي ويصمغلك صح
وبالنسبة للفلين من المكتبات ماغيره ^^ وان شاء الله بغيره قريب فاعد ادور نوعية معينة |
||
مشاركة [ 16 ] | ||||
|
||||
|
هل يوجد احد فى الاسكندرية يبيع طائرات
|
|||
مشاركة [ 17 ] | ||||
|
||||
|
شكراااااا لكم
|
|||
مشاركة [ 18 ] | ||||
|
||||
|
السلام عليكم جميعا وحياك الله اخي omara ماقصروا الأخوان وهذي عوايدهم ... في مساعدة الجميع اخوي مع العلم اننا تعرضنا لمثل هي المواضيع كثير وناقشناها الا اني ما اقدر اتجاهل اي استفسار من الأشخاص الجادين امثالك لذلك اقول اخي العزيز تبدأ صح =====> تستمر صح====> ..والنتائج ان شاء الله تكون صح بصراحه وبدون مجامله انت رجل تريد التقدم والوصول الى نتيجه لذلك no hard feeling كل النماذج التي عملتها ليست صح ... !!! ولن تخدمك في عمل طياره جيده تريد البدايه الصح ؟؟ اولا: حدد الطياره التي تناسبك وابحث عن مخطط مجرب وسهل واليك افضل واسهل مخطط لكل المبتدأين تجده في المرفقات الق نظره عليه |
|||
مشاركة [ 19 ] | ||||
|
||||
|
اخوي مع العلم اننا تعرضنا لمثل هي المواضيع كثير وناقشناها الا اني ما اقدر اتجاهل اي استفسار من الأشخاص الجادين امثالك أستاذي / عبدالله الدغيلي والله أحس بيك وأشوف المواضيع المتكررة بكن مشكور والله يعطيك العافية عن نفسي مؤيد للكلام الأستاذ / عبدالله ,, ضع هدف مناسب أمامك لطائرة محددة وخذ كل المواصفات لها وسجلها عندك بمقاساتها وأبدأ العمل عليها حتى لا يروح جهدك ووقتك ( عالفاضي ) وبعدها بتزهق من هذي الهواية وتقول سويت .. وعملت .. ولكن مانجحت معاي ويجيك إحباط وقتها وأكيد بتوصل لشئ 100% كثيرين يقولوا نبغى نسوي طيارة ونبغى المخططات !! المخططات موجودة بس الجاد / جاد وإلى الأمام |
|||
إضافة رد |
قسم الطيران اللاسلكي AIRCRAFT R/C |
|
|
|
المواضيع المتشابهه | ||||
الموضوع | المنتدى | |||
عرض تصميم موقعك بالكامل – تصميم احترافي مبتكر ب 99 دولار | إعلانات ™ البيع و طلبات شراء الطائرات ولوازم الطيران | |||
الانتهاء من مشروع تطوير مطار الطائف | المطارات ( أخبار وإستفسارات ) Airports News & Comments | |||
مصمم جرافكس ومواقع متعاون عبر الانترنت | Freelancer Graphics & Web designer | الوظائف - Job, Employment, Career fairs | |||
"برج خليفة" أفضل مشروع خليجي | القسم العام | |||
«فوستر» البريطانية تفوز بعقد تصميم مبنى مطار الكويت | المطارات ( أخبار وإستفسارات ) Airports News & Comments |