[ابوالريش]

السلام عليكم ورحمته الله وبركاته

انا ضيف جديد عليكم وانشالله ما اثقل عليكم انا يامشرفين حبيت اشتري سياره بنزين اللي يسمونها ار سي وقلت اسير عليكم واخذ شوركم ومدري وش احسن الانواع وابي احسن محلات تبيعها رخيص وميزانيتي 2000 الى 3500 ريال ونبي اجود الانواع يعني سريعه وقويه وحقت تطعيس

ولاتبخلوون علينا بالاجوبه الله يجزاكم خير

[ابوالريش]

20 مشاهده ولا واحد رد وينكم ياشباب نبي نستفيد منكم لاتبخلوون

[$$ المحترف $$]

وعليكم السلام ورحمة الله وبركاته ،،،،،،،،،،

هلا وغلا بك وحياك الله أخي أبــو الريــش ،،،،،،،،

لا تستعجل يالغالي ،،،،،،،

الأفضل سيارة الباجا لكنها غالية بالحيل ،،،،،،،

وبحدود ميزانيتك تحصل لك وحدة مستعملة ،،،،،،،،

ولا خذ لك Savage XL 5.9 ،،،،،،،،

وعندك أيضاً Jato 3.3 ،،،،،،،،،

كلهن على كيف كيفك ،،،،،،،،

السيارات هذه شفتها مع ناس أعرفهم وعز الله قمة في الروعة ،،،،،،،،

والأنواع واجد عد وأغلط لكن اللي شفت ويستحق الشراء هذولي ،،،،،،،

أنتظر يفيدونك الأخوان أكثر مني ،،،،،،،

والله يكتب لك اللي فيه الخير ،،،،،،،،

لك خالص مودتي وتقديري وإحترامي ،،،،،،،،

دمت بود ،،،،،،،،

[ابوالريش]

الله يحيك اخوي @المحترف$ طيب بكم الباجا جديده واذا كان عندك مستعمل علمني طيب بالنسبه لهاذي تقوول حلوه Savage XL 5.9

اهم شي ابيها قويه وسريعه وعلمني كم اسعارهن وابيك تعلمني ارخص مكان يبيعونها فيه معليش

كثرت كلام بس ماودي اشتري وحده ثمن ابلش بها وشكراا

[$$ المحترف $$]

اقتباس:     المشاركة الأصلية كتبت بواسطة ابوالريش  

الله يحيك اخوي @المحترف$ طيب بكم الباجا جديده واذا كان عندك مستعمل علمني طيب بالنسبه لهاذي تقوول حلوه Savage XL 5.9

اقتباس:     المشاركة الأصلية كتبت بواسطة ابوالريش  

اهم شي ابيها قويه وسريعه وعلمني كم اسعارهن وابيك تعلمني ارخص مكان يبيعونها فيه معليش

كثرت كلام بس ماودي اشتري وحده ثمن ابلش بها وشكراا

هلا وغلا بك عزيز وغالي ،،،،،،،،

الباجا بـ 5000 ريال تقريبا يجيبه محل بالرايض كاملة هذا السعر قبل فترة ما أدري هالحين بكم بالضبط ،،،،،،،،

Savage فيه X بحدود الـ 2300 ريال ،،،،،،،،،

: : : : هذه صورة لها : : : :

XL وهذه بحدود الـ 2900 ريال ،،،،،،،،،

: : : : وهذه صورة لها : : : :

وهذه صورة توضح الفرق بين النوعين من ناحية الحجم :

الباجا الصراحة لا يعلى عليها فيه 5B وأيضاً 5T < فايف بي وَ فايف تي ،،،،،،،،،

الأكثرية يمدحون 5B واللي شفت مع أحد الزملاء نفسه ،،،،،،،،

: : : : وهذه صور لها : : : :

لكن السافج بحدود ميزانيتك تجيب لك وحدة جديدة أنت اللي تفكها من كرتونها وهذا أضمن لك من تشتري باجا مستعملة وتبلش فيها تندم ،،،،،،،،،،

والله ودي أخدمك بس شخصياً ما أبيع يالغالي :customsmile2: ،،،،،،،

حبيت أقدم لك اللي أعرفه ،،،،،،،

وعن نفسي ما جربت السيارات أبد والفكرة ببالي وراح أجربها بس ببدأ على سافج xl قريبا إن شاء الله وحالياً على الطيارات ،،،،،،،

بإمكانك ترجع لبعض المقاطع وتشوف قوتهن وفعلهن على الرمل ،،،،،،،

لا يالغالي ما كثرت كلام بالعكس ما وجدنا ألا نفيد ونستفيد ،،،،،،،

لك خالص مودتي وتقديري وإحترامي ،،،،،،،

دمت بود ،،،،،،،،

[ابوالريش]

الله يعطيك العافيه وماقصرت خدمتني الله يجزاك خير بجرب Savage XL ونشالله ربي يسهل

[hgudv]

اقتباس:     المشاركة الأصلية كتبت بواسطة ابوالريش  

الله يعطيك العافيه وماقصرت خدمتني الله يجزاك خير بجرب Savage XL ونشالله ربي يسهل

أبو الريش شريت ولاباقي