[فهد11]

بسم الله الرحمن الريحم
السلام عليكم ورحمة الله وبركاته (قصتي مع أول طيارة)
أولا أنا جديد في هذه الهواية وكنت متحمس على شراء الطيارات وتطيرها المهم إشتريت طيارة مبتدئين طلبتها من الإمارات إسمها(Thunder Tiger Trainer 60)
وصلت المكينة ووصل الرموت وملحقاته والجناح كل واحد في يوم وأنا على أحر من الجمر ما بقى إلا البودي والحمد لله وصل ، ويوم فتحتا من الكرتون طلع مكسور، وقعدنا فترة أنا وولد عمتي(هاوي قديم) نصلحها وصلحناها ، ومع الأسف ضاع كرسي المكينة وجبنا قطعة ألمونيوم ونحتناها بالمخرطة وسوينا كرسي المكينة قعدنا عليه فترة طويلة ، وقتها أنا جتني سفرة مع المدرسة إلى الإمارات ويوم رحت الإمارات إشتريت كرسي المكينة ولما رجت
ركبنا المكينة وكل شي ومرنا المكينة وصار كل شي جاهز وسبحان الله كنا تونا مخلصين من تمرين المكينة وكنا نمشيها على الأرض إنفلت سيم الثروتل ودزت وبغت تصدم واحد رحنا طيرناها علشان ما تصدما وهي على فل ثرتل وقامت تلفلف في الهواء وتتقلب وللأسف طاحت وتكسرت وما نقول إلا الله يعوضنا والحمدلله على كل حال ومعليش إذا طولت عليكم

[ṂṚ.řĂķĂŋ]

الجنون فنون ههههههه
حبيب ألبي تقبل مروري

[$$ المحترف $$]

وعليكم السلام ورحمة الله وبركاته ،،،،،،،،

هلا وغلا بك وحياك الله أخي فهـد 11 ،،،،،،،،

الحمد لله على السلامة ،،،،،،،،

معوض خير يالغالي ،،،،،،،

وهذه هي حال الهواية ،،،،،،،،

تسلم يمينك أخوي الكابتن على الطرح الهاادف ،،،،،،،،

بالتوفيق للجميع ،،،،،،،،

لك خالص مودتي وتقديري وإحترامي ،،،،،،،،

دمت بود ،،،،،،،،

[فهد11]

الله يحييك ويسلمك مشكور

[bycmi]

لاحول ولاقوة الا بالله والله قصة تحزن الله يعوضكم خير أخوي وهذي الهواية

أنا أول ما شريت طائرة هيلي كوبتر طيرتها ومن أول تطييره طاحت وتكسرات 1000 قطعة

[عبدالله الدغيلبي]

تعيش وتكسر ..يارجال ..هذا حالنا كلنا ...وكل من دخل في هذا المجال ..

عااااااااادي وسع الخاطر والله يعوضك خير ..

حاول تبدأ بطائرات الفللين احسن ..واقل خسائر

تحياتي

[merdo]

الله يعوض عليك

حتى انا شريت اول طياره و كانت مدة الطيران ما تزيد على دقيقتين و كسرتها

وبعدين صلحتها و تكسرت مرة ثانيه و كل يوم اقول بصلحها و الى اليوم ما صلحتها

بصراحه الحر ما يساعد للطيران ذي الأيام

بس الجو يتعدل و اتفرغ لها

تحياتي،،،،

[فهد11]

مشكورييييين

[راكب مكسيما]

هههههههههههههههههههههههههههههههههه...انا لي مطبق طيارتي شهرين وخايف أطيرها للحين........
:twaret:

[cool disel]

معوض اخوي انا اول طيارة هليكوبتر بغت تقص اصباعي :)
والحمدلله على كل حال وزي ماقالوا الاخوان خلك مع الفلين لان راس مالها صمغ وتصلحها وترجع تطير :)

[عبدالباقى الامين]

فعلا ياجماعة الهواية عاوزة صبر .. الفلين طبعا اقل خسارة لكن ممكن تخسر الاجهزة