افيدوني افادكم الله

mr-president · 30-06-2009, 02:28 AM

بسم الله الرحمن الرحيم

كانت لدي اسئلة كثيرة في الضيافة الجوية
وان شاء الله القي لديكم ما اريدة فادري اني مع محترفين ويعرفون الكثير والبعض تقريبا يعمل في مجال الضيافة الجوية
اولا : المؤهلات الدراسية التي تجعلك مضيف جوي
ثانيا : اللغة وكم لغة يريدون
ثالثا :الشكل والطول والوزن..... الخ
رابعا:السن
وما الي ذلك من اسئلة حول كيف تكون ومؤهلاتك لكي تكون مضيف جوي
هذا اختصار للمؤهلات التي املكها ارجو منكم الافادة بالنسبة لها
1 - طالب في السنة الثالثة كلية الاداب قسم اعلام (دبلومات في softskills )
2 -اللغة الام هي العربية والانجليزية بطلاقة الحمد لله كتابة وقرائة وكذلك فرنسي جيد جدا وايطالي جيد
3 - الشكل مناسب الحمد لله وزني هو 78 كج وطولي 179 سم
4 -سني هو 22 سنة

برجاء التوضيح وكيفية الاتحاق بمجال العمل في الضيافة الجوية
ملحوظة : في شهر 9 اتواجد في دولة الكويت فاذا كان لديكم اي خطوط جوية يناسبني الاتحاق بها هناك برجاء اطلاعي عليها
شكرا

{yasmeen} · 30-06-2009, 04:51 AM

أهلا بيك ...

بالنسبة لاسئلتك

اولا : المؤهلات الدراسية التي تجعلك مضيف جوي

المؤهلات شركات كتير بتطلب من الثانوية العامة
يعنى انت فى الجامعة لسه ان شاء الله ليك فرصة قبول كويسة
وفى شركات بتطلب مؤهل عالى بس دى مش كتير

ثانيا : اللغة وكم لغة يريدون

هو الاساسى الانجليش العام فى كل الشركات

بس طبعا كونك معاك لغة تانية مع الانجليش ده احسن وهيكون ليك الافضلية

فى شركات خاصة كانت بتطلب لغة كمان مع الانجليش

ثالثا :الشكل والطول والوزن..... الخ

الشكل والوزن يكون متناسق

يعنى مثلا اللى طوله 170 يكون وزنه 70 وهكذا ولو اقل يكون احسن بس مش اقل كتير

رابعا:السن

السن بيبتدى فى اغلب الشركات من 21 لحد 30

..

بالنسبه بقى لمواصفاتك اللى كاتبها فهى ممتازة لقبولك كمضيف

سواء السن او اللغات او الطول والوزن

بس انت بتقول هتبقى فى الكويت وعايز خطوط تقبل هناك

انا مش عارفة بصراحة اذا كانو بيقبلو شباب غير جنسية بلدهم ولا لأ

لان السعودية مش بتاخد شباب غير سعوديين

فمش عارفة باقى دول الخليج كدا ولا لأ

وانا مش عارفة جنسيتك ايه بس واضح انك مصرى

الاحسن انك تقدم فى الشركات المصرية

انت مواصفاتك ماشاء الله عليها كويسة جدا وان شاء الله تقبل بسهولة

ممكن تتصل بالشركات دى .. وتسالهم لانهم كانو بيقولو انهم قريب هيطلبو شباب

وتسالهم طالبين حاليا ولا لأ ولو اوكى روح قدم السى فى بتاعك وصورة

ودى المواضيع اللى خاصة بالشركات :

شركات طيران فى مصر ( air cairo ) عايزين مضيفات ومضيفين

نوران: شركة كورال بلو للطيران ودى شركه تونسه خاصه طالبه مضيفات وطيارين ووظايف كتير ادخلو بسرعه

شركة NileAir فى مصر

شركه midwest airline طالبه مضيفات ومضيفين

وتابع قسم الاعلانات ان شاء الله لو شركة طلبت هنحط الاعلان

واى استفسار تانى تحت امرك

وربنا يوفقك :)

mr-president · 30-06-2009, 10:20 AM

شكرا جدا لحضرتك علي الرد الي افادني جدا ورفع معنوياتي كتير
الحمد لله انا مصري وان شاء الله هبدا في البحث عن الشركات الي ممكن اقدر اقدم ليها
وربنا يسهل
الف شكر مرة تانية علي التوضيح وسرعة الرد

basem elshinawy · 01-07-2009, 01:38 AM

مساء الخير لو انت هتبقي موجود في الكويت شهر سبتمبر ليك فرصه كويسه انك تفدم في الخطوط الجويه الكويتيه هما بيقبلوا جنسيات اجنبيه و شروطهم

مؤهل دراسي ثانويه عامه
تناسق الطول مع الوزن
اجاده اللغه الانجليزيه
العمر من 21 لحد 32
اجتياز اختبار اللغه الانجليزيه
اجتياز المقابله الشخصيه
و ما شاء الله الشروط موجوده معاك تقدر تقدم طلبك و اوراق التوظيف عندهم و ان شا الله خير
ويا رب يكونوا فاتحين باب التوظيف ربنا يسهلك ان شا الله و تكون من نصيبك
متقلقش الموضوع بسيط بس حطه هدف قدامك و ركز و هيكون من نصيبك
بالتوفيق ان شا الله

mr-president · 01-07-2009, 11:20 AM

شكرا جدا يا باسم
بجد رفعت روحي المعنوية جدا وهحاول باذن الله اقدم معاهم وشكرا

totah2009 · 12-07-2009, 04:02 AM

بالتوفيق ان شاءالله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رومنسيته صلى الله عليه وسلم	شهاب الجزيرة	الملتقى الإســلامـي	13	01-05-2009 06:20 PM
أقوى موضوع عن بر الوالدين تجده إن شاء الله "هيا نبر آبائنا " " رسالة إلى عاق "	كنق الطيران	الملتقى الإســلامـي	15	19-12-2008 11:01 AM
اوصاف ربما لم تسمع بها لرسولنا الكريم	الملاك الحزين	الملتقى الإســلامـي	14	04-08-2007 06:42 PM
موسوعه الرسول صلي الله عليه وسلم	mohamed motrash	الملتقى الإســلامـي	8	20-04-2007 06:24 PM
شهر محرم ويوم عاشوراء ...	صقر الثمامه	الملتقى الإســلامـي	4	27-01-2007 08:34 PM

الذين يشاهدون محتوى الموضوع الآن : 1 ( الأعضاء 0 والزوار 1)

القائمة