[M.K.N]

السلام عليكم ....
هل يا اخوان من الممكن ان احصل على وظيف في شركه طيران اذا قمت بدراسه
هذا الكورس(IATA FUNDATION) مع خبره لمده 6 اشهر في مكتب طيران
للعلم اني لم اكمل دراستي الجامعيه بعد ...
ارجو الاجابه على سوالي
وشكرأ

[safarycenter]

لا اعتقد نهائى

[hossamfawzy]

طب بالنسبه لى
انا خريج جامعى عمرى 24 سنه
باخد كورسات اياتا فى مصر للطيران,ومعايا كورسات فى الجامعه الأمريكيه بالقاهره
يا ترى فرص الشغل متاحه والا ؟؟؟؟؟؟؟؟؟
أرجو المساعده

[safarycenter]

يا جماعه ليه السؤال انت لو نزلت وسئلت فى الشركات دى احسن طريقة بدل السؤال ولو جاد جهز نفسك وتوكل على الله فهو حسبك انما لو سئلت وقلتلك اه فيه فرص هتتصرف ازاى مش هتنزل وتسئل برده ولا ايييييه

[Amadeus Air]

اقتباس:     المشاركة الأصلية كتبت بواسطة hossamfawzy  

طب بالنسبه لى
انا خريج جامعى عمرى 24 سنه
باخد كورسات اياتا فى مصر للطيران,ومعايا كورسات فى الجامعه الأمريكيه بالقاهره
يا ترى فرص الشغل متاحه والا ؟؟؟؟؟؟؟؟؟
أرجو المساعده

السلام عليكم يا استاذ حسام
اولا كورسات الاياتا اللي بتاخدها في مصر للطيران وبالتحديد لو بتاخدها في ال ticketing فأحب اقولك انك مش هتشتغل بيها إلا في حاله واحده بس!!!!
لو معاك كورس في ماديوس لحجوزات الطيران.

ثانيا كورسات مصر للطيران بتعتمد على نظام اليدوي في تركيب خطوط السير والرحلات والتسعير وما يليله من عمليات اخرى, في ظل ان العمل في مجال الطيران الان اصبح يعتمد على الاوتوماتيكيه وذلك بإستخدام نظم الحجز المختلفه التي تقوم بلك اوتوماتيكيا سواء تسعير او حجز او ما شابه ذلك.
يعني ببساطه كورسات مصر للطيران مش هتنفعك في حاجه ولا شغل إلا إلا إلا انها هتفيدك كمعلومات تساعدك في فهم المخرجات اللي هتظهرلك على اي شاشه حجز لانك ساعتها هتقدر تفهم طبيعه الاكواد اللي ظاهره قدامك لكن طبعا مش كل الاكواد هتقدر تفهمها لان حضرتك مسبقش وخد خبره في مجال الطيران عشان تقدر تتعامل مع كل الاكواد اللي هتظهرلك.

بكل بساطه كل اللي اقدر انصحك بيه ان حضرتك بعد ما تخلص الاياتا اللي بتاخدها حاول تاخد كورس في اماديوس وده موجود في اماديوس ايجيبت في سيتي استار, انا خلصته من حوالي شهرين كده والحمد لله ربنا وفقني واشتغلت وربنا يوفقك انت كمان والجميع ولو احتجت اي حاجه في دراستك سواء الاياتا او حتى اماديوس , انا في الخدمهز

[amrelleithy]

السلام عليكم ورحمة الله وبركاتة

جميع شركات الطيران الدولية مثل طيران الامارات والاتحاد و القطرية
وجميع شركات السياحة سواء في مصر او الخارج

تطلب موظفين جدد وفقا للمعاير التالية:

1- شهادة ثانوية عامة او ما يعادلها (اي دبلوم)
2- لغة انجليزية جيدة
3- يفضل جدا دبلومة الاياتا اوفتا وتقال صراحة
4- اجادة استخدام الورد والاكسيل

الاربع متطلبات دية هي نفسا لا تتغير للموظفين الجدد
بالتوفيق

عمرو الليثي
خبير سياحة وسفر معتمد من الهيئة الدولية للنقل الجوي
أستاذ غير متفرغ بالمعهد العالي للسياحة والفنادق كنج مريوط الاسكندرية
والعديد من المراكز التابعة لوزارة الشباب بالاسكندرية