[عبدالسلام-1]

ممتاز اخي البرنس
فهمت
إذا كلمنا الان مع النادي السعودي
والنادي أصلا هو إل ينسق مع الجمارك والبريد

[البرنس]

نعم يكون الكلام مع النادي على فكره البريد وسيله نقل ليس له علاقه بباقي الامور
التنسيق كان بين الجمرك والنادي في التعميم بس 200 ريال هذي رسوم لنادي مثل ماندفع لهم 500

[عبدالسلام-1]

يعني 200 ريال لبطاريتين وسيرفو وشوية بلاستيكات +لا شئ يدل على طائرة في الطرد
+120 ريال شحن من الرياض =320 ريال حسبنا الله ونعم الوكيل

[عبدالسلام-1]

أخي البرنس ما رأيك بتكوين جماعة من الهواة لتخاطب النادي وتلح عليه باخفاض القرار
على الأقل عدم طلب فسح على القطع ؟

[البرنس]

اقتباس:     المشاركة الأصلية كتبت بواسطة المهندس عبد السلام  

أخي البرنس ما رأيك بتكوين جماعة من الهواة لتخاطب النادي وتلح عليه باخفاض القرار
على الأقل عدم طلب فسح على القطع ؟

انا ماعندي مشكله
وغيري مادري عنه لكن ضع في الحسبان لا احد يستطيع المطالبه مالم يكن معه عضويه ساريه المفعول

[صقر الثمامه]

ياحليلكــــــــم والله


تعالوا شوفوا الرابط ذا :

https://www.flyingway.com/vb/showthre...004#post894004

[البرنس]

اقتباس:     المشاركة الأصلية كتبت بواسطة صقر الثمامه  

ياحليلكــــــــم والله


تعالوا شوفوا الرابط ذا :

https://www.flyingway.com/vb/showthre...004#post894004

يا حليلك با بو ناصر
موضوعنا نقاش سريع التفاصيل ماخضنا فيها

[دكتور كول]

بعد التحية لك اخي البرنس وكل الاخوان

حبيت اشاركم فى هذا الموضوع

وزي ما نعرف كلنا الموضوع جدا حلو ورائع انه اصبح الموضوع رسمي ولاكن ومع كل اسف %90 من موظفين الجمارك ما يعرفون الشي ذا والفاهم والمتعلم منهم :ANSmile01: يقلك انا اصادرها واذا فيه تعميم روح خرجها من الادارة حقة الجمارك للاسف وبعضهم وهذي حصلت معي شخصيا امس الجمعه الموافق 26-03-2010 موظف الجمارك :protest: فى المطار كان يبي يساعدني عشان واحد من الزملاء مكلمه لي بعد يعني مو عشان سواد عيوني المهم..........
يقولي انت متى حتبطل الهوايه وشغلت كل فترة جايبلي طايرات من المطار ( طبعا هو عارفني لانه مسكني قبل كذا مره ) المهم قلتله ما راح ابطل وبعدين سمعت انه فيه خطاب نزل عندكم ورقمه ...ولسع ماكملت كلامي الا هو يقولي ( مادام فيه خطاب اجل هات الكرتون ورح طلعها من الادارة وشوف خطابك ينفعك ولا لا ) بكل اسف الموضوع اصبح شخصي بانسبه له وهذا ان دل فيدل على الاخلاق العاليه الى يتحلا فيها:f50ar: ....
ماعلينا رحت اليوم وطلعتها غصب عليه بس للاسف مو بالنظام.....

الشغله الثانية الى ودي اتكلم فيها هي موضوع التصاريح الى من نادي الطيران الشراعي فى الرياض

اللحين مع احترامي لهم جميعاً اسم النادي ( نادي الطيران الشراعي ) >>>> ايش الى دخله فى الريموت كنترول >>>>ولاكن بحكم انه ماعندنا نادي ريموت كنترول واستخراج النادي تصاريح اضافيه للريموت شمل هذي الهواية اصبحنا ملزمين بهم ولهم جزيل الشكر....
بداء الموضوع باشتراك سنوي بقيمة 500 ريال سنوياً من فتره ليسة بقليله وكانت تصاريحهم غير مفيده لنا ولا يعترفون الاخوان فى الجمارك بها وايضاً لم نرى منهم ما ينفع هوايتنا باي شي اقل شي لو زبطوا محل للطيران الريموت زي مانشوف براء فى الدول المتقدمه للاسف حتى لو كان فى الرياض ... وياليت ياشباب الرياض لا تقولولي الثمامه فيها ومدري ايش لاني رحت الثمامه وشفت النادي قبل سنه ولا كان فيه محل مخصص لهذي الهوايه ودخلت النادي ولا كان فيه حتى صورة من الصور المعلقه لهذه الهوايه............؟؟؟؟؟؟؟؟؟؟؟
واللحين حسب ماعرفت صار الموضوع بعد التعميم الجديد الى حصلوا عليه النادي فى الفسح وطريقته الجديده انهم بياخذون على كل تصريح مبلغ 200 ريال من غير مبلغ الاشتراك السنوي والتصريح راح يكون لطائره واحده وغير كذا الجمارك راح ياخذ مبلغ ايضاً الى هو جمرك على كل شي تجيبه من براء >>>>يعني صارت الشغله فلوس فى فلوس يعني اذا سعر الطياره فقط من 300 الى 500 راح تدفع عليها سعرها دبل عشان تصاريح وجمارك من غير الشحن فليش العذاب هذا خلينا على قردنا لا يجينا اقرد منه وللاسف جانا اقرد منه >>>>>>

طبعا الكلام هذا كله فى الاول والاخير رائ شخصي ومفتوح ايضا للنقاش واتمنى ما احد يدافع لا عن الجمارك ولا النادي بس الى اتمناه ان النادي يكون فيهم متحدث رسمي وعضو معنا فى المنتدي ويكون فى ايده اتخاذ القراراو ايصال النقاشات الى المسؤليين فى النادي بكل صدق وامانه وهوه الى ممكن يرد على نقاشاتنا واستفساراتنا واقتراحاتنا لهم فى مايتعلق بالهوايه....

اسف على الاطالة ولكم خالص تقديري واحترامي

[البرنس]

والله يا بو هاشم كلامك ماحد يتخلف عليه
بس العيب مو في النادي في هذي النقطه بخصوص ادخالها العيب في مدراء الجمارك
من المتعارف عليه في حال صدور اي تعميم في اي دائره او شركة يطلع عليه كل موظف ويوقع عليه
في هذي الحال توجه على مدير جمرك عندك ولا لهم حق يقول لك طلع الخطاب او التعميم
انا بنفسي شفت موظفين احد الجمارك موقعين خلف التعميم علشان مايكون فيه ازدواجيه في العمل
وقبل فتره داخل باغراضي توقع اني بتغربل اول ماادخل شاف الطيارات طرح سؤال معك فسح ؟
قلت نعم قال تفضل وقف نفتش وبعدها تسير على اهلك وكان معي في السفريه هذي زياد
--
بخصوص الشطر الثاني
انا معك مالنا علاقه بالشراعي نهائيا علاقتنا فيهم ( رياضيه جويه فقط ) وبعدها يتفرع الشراعي الفقز الريموت الخ,,,
اتمنى يكون احد موظفين النادي هنا علما ان عددهم اقل من اصابع اليد الواحده :)
الا اذا زادو مع زيادة الرسوم شئ ثاني
اذا الطياره ب 200 ريال وقيمها المفتش او المعاين في الجمرك( معاين جمرك ) كذا اسمه
وشاف انها صغيره 90% تدخل لين مافيه طياره تبع الهوايه ب 200 رايح يقول الالعاب اطفال او طائرات ذات مدى قريب وهذا صدر له تعميم إللحاقي بيوم 10-1-1431
https://www.flyingway.com/vb/showthread.php?t=78389
انا لا مع النادي ولا مع الجمارك انا فقط مع هوايتي
اسعدني تواجد يا بو هاشم