[fighter pilo0ot]

^^^^
والله مشكلة لاني توصلت إلى قرار أخير ان غير الطيار ماني داخل الكلية

وسالفة الجامعة وهقة والله
الله يعين بس وبشوفلي حـل

[fighter pilo0ot]

قمة الوهقة
الآن اذا سحبت ملفي ووديته الجوية وماقبلوني بالتخصص اللي أبيه

ماقدر ارجع الملف مرة ثانية معناتها بدخل ترم ثاني للجامعة !!!!

الله يعيين يآرب يحطوني طيآآر

وياليت اللي عنده خلفية عن نظام جامعة الملك سعود في هالاجراء يفيدنا حسب علمي انها تختلف من جامعة الى اخرى

[مهندس عزوز]

طيب لاتسحب ملفك ورح للجويه وقلهم وش تخصصي واشرحله وضعك انك تبي طيار وغيره منت ساحب ملفك وشف وش يقولك

وترا مشغل انظمة تسليح انا اشوف مستقبله حلو لانك بتركب ورا الطيار وتاخذ مميزات زي الطيار ..
الي هي سنة الخدمه تحسبلك بسنه ونصف
و30٪ بدل طيران
يعني كيذا كنك طيار ..
وانا قاري هذ الكلام في موقع وزارة الدفاع للي حاب يتاكد

وموفقين ان شاء الله ..

[حلم واحد 1]

انا احووووب الطيارين ابي زوجي يكون طيار حتى لو شبهه .....

[ملاعب الذيب]

طيب عادي تتزوجين واحد مراقب جوي حتى لو كان شبهه ههههههههههه

[SAO]

اقتباس:     المشاركة الأصلية كتبت بواسطة مهندس عزوز  

طيب لاتسحب ملفك ورح للجويه وقلهم وش تخصصي واشرحله وضعك انك تبي طيار وغيره منت ساحب ملفك وشف وش يقولك

وترا مشغل انظمة تسليح انا اشوف مستقبله حلو لانك بتركب ورا الطيار وتاخذ مميزات زي الطيار ..
الي هي سنة الخدمه تحسبلك بسنه ونصف
و30٪ بدل طيران
يعني كيذا كنك طيار ..
وانا قاري هذ الكلام في موقع وزارة الدفاع للي حاب يتاكد

وموفقين ان شاء الله ..

الطيار + مشغل انظمه التسليح يحسب لهم بدل 35٪ طيران
والملاح الجوي يحسب له بدل 30٪


كل هذا مبين في الموقع هنا
ط¨ظˆط§ط¨ط© ط§ظ„ظ‚ط¨ظˆظ„ ط§ظ„ظ…ظˆط*ط¯ ظ„ظ„ظ‚ظˆط§طھ ط§ظ„ظ…ط³ظ„ط*ط© | ظ‚ط¨ظˆظ„ ط·ظ„ط§ط¨ ط§ظ„ظƒظ„ظٹط§طھ ط§ظ„ط¹ط³ظƒط±ظٹط©



بمعنى أصح الطيار ومشغل الأنظمه والملاح الجوي رواتبهم متقاربه فقط اختلاف المسمى

اقتباس:     المشاركة الأصلية كتبت بواسطة حلم واحد 1  

انا احووووب الطيارين ابي زوجي يكون طيار حتى لو شبهه .....

هههههههههههههههـ

[ملاعب الذيب]

السلام عليكم يا شباب
و انا قاعد ادور في تجمعات الطلاب المقبولين في الكليه في السنوات الماضيه لقيت واحد كاتب هالموضوع عنن فترة الاستجداد ان شاء الله تستفيدون منه
[COLOR="rgb(255, 140, 0)"]راح اقلكم النظام كيف بيكون تقريبا ..
اول يوم طبعا مافي اي شي ..
تنامون الساعه 9 تماما .. والجميع يشخر ..
الساعه 4 فجرا بيجي واحد ماشي 200 ويفك الباب ويقول : انهـــــــــــــــــــــــــض ياطالب لول .. ودك تقوم تمسكه وتخنقه لين مايفطس ..
وتقوم انت وتلبس الرياضه .. وتروح الحمام تقضى حاجتك وتغسل وجهك وتنظف ضروسك .. وتتوضى .. وترجع الغرفه تحط اغراضك الصابون والفرشه وغيرها ... وتلبش الجزمه الرياضيه الرائعه لول ..
وتنزل تصلي الفجر وبعد الفجر حصة رياضه لمدة 45 دقيقه ..
وبعدها ترجعون الشرب تبدلون فرهول ميدان ..مموه ..
وتنزلون .. وتتم مراسم التمام على خير.. وتروحون الميز فطور ..
وبعد الفطور طبعا اول اسبوع ماراح تاخذون حصص مشاه ..
بعد الفطور يكون محاضره او اي شي بسيط مافيه تعب لول ..
والظهر طبعا حمام شمس .. حظكم راح تجون والشمس بااااااااااارده وماراح يصير فيه تكارين بدورتكم .. وممكن فيه جزاء بسيط وممكن لا ..
بس اكيد مجهزين لكم شمس اصطناعيه لول ..
وبعد الظهر ميز .. غداااااااااااء ..
وبعد الغداء ممكن حمام شمس بسيط .. وممكن تروحون السرب .. على حسب ..
ويجي وقت صلاة العصر ..وتبدلون رياضه .. وتنزلون تصلون العصر وبعد العصر حصة رياضه 45 دقيقه ..
انا اعتبر اليوم انتهى اذا صلينا العصر ..
وبعدها ترجعون السرب تبدلون فرهول ميدان ..
وتنزل تصلون المغرب وبعد المغرب على الميز ..عشاااااااااء ..
وبعد العشاء ممكن فيه لعب شوي يعني جزاء بسيط وحلو ..اجلس قذف ضم انهض ..
وبعدها تنصرفون على السرب .. اعـــــــــمــــــــــــــــــــــال اداريــــــــــــــــــــــــــــــــــــــــه ...
اذا انت انسان سريع يمديك تاخذ دش وتبدل بجامة النوم .. وتستعد للاعمال الاداريه لول ..
وبعدها يعطونك وقت تقريبا 30 او 45 دقيقه للي يبغى يتروش ويتنظف لول ..
وبعدها نووووووووووووووووووووووووووووووووووووووووم..
طبعا هالجدول اللي فوق تقريبا مشابه لاول اسبوع فقط ..
او اول اسبوعين ..
بعدها راح يختلف ويصير كرف بالميدان اكثر.. وانتم راح تكونوا جاهزين لان لياقتكم فوووووووووق ..وكرف عادي ..


..............
اهم النصايح .. جيب معاك لزق جروح + مرهم للعضلات + كميه من الشراريب خياليه هع في شراريب تجي ثقيله خاصه بالبسطار .. لو تقدر تجيبها يكون افضل ....+ بودره حقت الاطفال عشان رجولك والبسطار وانتوا بكرامه ..+ شنطه صغيره تحط فيها جميع ادوات النظافه ..+ ملطف جووو + مذكره ومرسم وقلم ..+ قبوع مموه عدد 3 ..لان راح تعفن في راسك هع ..ويقلب لونها ابيض + فنايل داخليه مموه عدد 10 او 12 ... سراويل قصيره لاتفكر تجيب اقل من 12 ..فنايل داخليه رقم 7 .. جيب برضه عدد 12 مو اقل..+ في بخاخ للريحه حقت الملابس ينباع بالصيدليه اسمه ليل اهم شي بخاخ للريحه حقت الملابس لول ..+ موس من النوع الممتاز .. يعني باور فيوجن اللي بالبطاريه او اي نوع كويس .. لاتنسى تشتري له بدل شفرات ..+ مكينه لتخفيف الشنب او التنعيم ..<< لو حبيت تدلع نفسك لول ..+ رغوه للحلاقه نوع ممتاز ..+ حبوب للزكمه + حبوب للصداع والسخونه + دواء لالتهاب الحنجره ..+ فازلين ..او اي نوع اخر مرطب للبشره .. بالنسبه لي افضل كريم اسمه جرجنز بزبدة الشيا .. كويس ومرطب ..+ لاتنسى صابون لو تشتري صابون للجسم وصابون سائل ديتول عشان رجولك انا النقطه هذي نسيتهاوماجبتها بالدوره ..
نسيت اهم شي ..
البسطار حقهم بيكسر رجووووولك .. اشتر لك بسطار نوع ممتاز .. انا لما طلعت من الدوره دورت امريكي ودورت ايطالي مالقيت .. لقيت عماني وسعودي ووزنها خفيف وكأنها بوت رياضه .. شريت سعودي لاكن ماجربته في ارض الميدان ..
فأنت لما تجي تشتري تأكد ان البسطار خفيف ومريح ..

ولو حبيت تشتري جزمة رياضه يكون افضل .. طبعا جزمه خاصه بالجري يكون لونها ابيض او اغلب لونها ابيض واللون الاخر ازرق او احمر ..
...
مبلغ 200 ريال كله ريالات ..
...
هذا كل شي اذكره لحد الان .. والاخوان الاقدم مني او زملائي بالدوره ماراح يقصرون وياليت يذكرون اي شي اخر مهم ..

للأمانة منقول: تجمع طلاب كلية الملك فيصل الجويه .. المقبولين مبدأيا 1431هـ.. - الصفحة 56 - منتديات حلول البطالة Unemployment Solutions[/COLOR]

[حلم واحد 1]

لا بس كلكم الحين تصيرون ابو ريحه بس الطيارين ينظفون والمراقبين يبقوون طول عمرهم ابوريحه ... اكوووه

[SAO]

اقتباس:     المشاركة الأصلية كتبت بواسطة حلم واحد 1  

لا بس كلكم الحين تصيرون ابو ريحه بس الطيارين ينظفون والمراقبين يبقوون طول عمرهم ابوريحه ... اكوووه

أنا كل ما دخلت تجمع لقيتهم يقولون عن طلاب الإستجداد يقولون عنهم أبو ريحه :customsmile2:
ودي أعرف على وشو يقولونه :)

+


وش ننظف :customsmile2:

[حلم واحد 1]

مدري امكن عشاان يطلعوا ريحتكم هناك هههههههههه وتنظوا يعني لماتتخرجوا وتلبسوا الفرهول ويكون عندكم شعر تمشطووه

[mesfer14]

شباب في سؤال خطير

الحين نموذج الاستجداد اللي نعبيه متى نجيبه ؟

يوم 14 شوال ولا بداية دورة الاستجداد؟

[تفـارق]

اقتباس:     المشاركة الأصلية كتبت بواسطة fighter pilo0ot  

قمة الوهقة
الآن اذا سحبت ملفي ووديته الجوية وماقبلوني بالتخصص اللي أبيه

ماقدر ارجع الملف مرة ثانية معناتها بدخل ترم ثاني للجامعة !!!!

الله يعيين يآرب يحطوني طيآآر

وياليت اللي عنده خلفية عن نظام جامعة الملك سعود في هالاجراء يفيدنا حسب علمي انها تختلف من جامعة الى اخرى

ششششف

لو لا قدر الله وما حطوك بالتخصص اللي تبيه .. واللي هو طيار ..
ترى التخصصات الباقيه حلللللوه
واصرف لك من الجامعه ..


مشغل انظمه تسليح = اللي يركب ورى الطيار .. ياخذ نفس مميزات الطيار الحربي بالضبط والفرق بينهم ف / التخرج .. الطيار يصير مسماه ملازم طيار .. ومشغل انظمه التسليح ملازم طيران
وللمعلوميه .. مشغل انظمه التسليح ب / امكانه ياخذ الكنترول من الطيار ويلف بالطياره وكذا


الملاحه الجويه = تخصص اللي ينقبل فيه .. اقول له وبكل صراحه تحسسسد .. عليه
مافيه بالكليه حاليا الا 6 ملاحه جويه ..
وتخصص راااااااائع جدا ..
راح يكون عملك على الطيارات الكبار .. خرايط وما خرايط
وتاخذ بدل طيران 30%


المراقبه الجويه .. وموجه المقاتلات = تخصصات عاديه ، لك بدل فني 25%
المراقبه الجويه محسسسود طالبها من ناحيه الراحه والتعيين وكل شي ..


بس تبقى احسن من باقي الكليات العسكريه الثانيه ، و احسن من الجامعه بعد ..




واللي عنده اي سؤال بالكليه .. يرسل لي ع الخاص

[تفـارق]

اللي يسأل ، عن ملف الجامعه ومدري ايش ..

اقول لك حاول تاخذ شهادتك الاصليه استعاره .. وكمل الاوراق

رح للجامعه وقل ابي شهادتي استعاره
يعطونك مهله وكذا ..

بس فيه بعد الجامعات ترفض .. هع
يعني لازم تسحب ملفك

[تفـارق]

اقتباس:     المشاركة الأصلية كتبت بواسطة فتى الخرج  

ايه خبرتي مجنونه مره .. اذا كان اخوي عقيد ركن طيار , وولد اختي بالكلية ... وولد جماعتنا قائد اكبر سرب طياران اللواء فياض العنزي . اكيد خبرتي بتكون كبره ... ونبي نشوف بعد ال45 يوم .. وايه اذا انت بالكلية عطني اسمك بالله خلنا نتأكد منك وشوف وش بتسوي بكره مع الطيار ... مير لاتسولف كثير علشان ماتكره العسكرية ..

اقتباس:     المشاركة الأصلية كتبت بواسطة فتى الخرج  

وبعدين تعال ياخ العميد ... تقول مايعطونك صوره وانت راكب الطياره للتذكار ؟ ياولد شكلك توك بالمرحله الاولى وجالس تفلسف علينا ... او انك مانقبلت اصلا بالكلية ... اسأل اللي بالمرحله النهائي وتعال عطني رايك بخبرتي ... حياتي عشتها كلها بالعسكرية ... وخصوصا الجوية ... الله يصلحك بس

ما شاء الله عليك ، انت عسكري و قوي و واسطه وكل شي ..
وتعرف كل شي

قال يصورونك قال ههههههههههههههههههه
فله هي ؟؟؟

تراك فاهم الواسطه غلط يا بابا ..
وتعال بعد الـ 45 ومدري ايش
اشوفك انت بالـ 45 ان تندق على خشمك يا شيخ



اذا انت قاعد تتكلم عن الكليه يوم اخوك فيهاا قبل 20 سنننه ..
ذا شي ثاني
الكليه تغيرت ..
لا تجي تسولف من راسك ومسوي انك الفاهم واللي بتحجر ل / خلق الله



وتعقيبا ع كلآمك هذا ..

اقتباس: مير لاتسولف كثير علشان ماتكره العسكرية

[Asaad al-assiri]

كل عام وانتو بخير..

1)الحين البدله المموه والفنايل حقتها الداخليه والبسطار وانتو بكرامه كلها يعطونا ولا نقدر نشتريها؟؟

2)والطلبات الي طلبونا نتقيد بها ولا اذا شفت شي حلو واحتاجه اخذه عادي (طيب.حبوب.شراريب زياده)؟؟

اتمنى الاجابه ....

[حلم واحد 1]

هم راح يعطوك البدل والفنايل المموه والبسطار اعزكم الله بس البسطار مو مريح والفناييل المموه قليله والبدل لازم تقيفها انت واذا تبي تشتري اشياء خفيفه ومفيده غير الي كتبوه عادي ....

[mesfer14]

اقتباس:     المشاركة الأصلية كتبت بواسطة mesfer14  

شباب في سؤال خطير

الحين نموذج الاستجداد اللي نعبيه متى نجيبه ؟

يوم 14 شوال ولا بداية دورة الاستجداد؟

احد يجاوب يا جماعه

[SAO]

اقتباس:     المشاركة الأصلية كتبت بواسطة mesfer14  

شباب في سؤال خطير

الحين نموذج الاستجداد اللي نعبيه متى نجيبه ؟

يوم 14 شوال ولا بداية دورة الاستجداد؟

تجيبه يوم 14\10

[SAO]

اقتباس:     المشاركة الأصلية كتبت بواسطة تفـارق  

ما شاء الله عليك ، انت عسكري و قوي و واسطه وكل شي ..
وتعرف كل شي

قال يصورونك قال ههههههههههههههههههه
فله هي ؟؟؟

تراك فاهم الواسطه غلط يا بابا ..
وتعال بعد الـ 45 ومدري ايش
اشوفك انت بالـ 45 ان تندق على خشمك يا شيخ



اذا انت قاعد تتكلم عن الكليه يوم اخوك فيهاا قبل 20 سنننه ..
ذا شي ثاني
الكليه تغيرت ..
لا تجي تسولف من راسك ومسوي انك الفاهم واللي بتحجر ل / خلق الله



وتعقيبا ع كلآمك هذا ..




هو اللي بيكرهك ف / العسكريه ..
ي/ قوي



نشوفك ب / الاستجداد .. ي / البطل القوي الواسطه

يا جماعه ماله داعي الهواش على الفاضي حنا هنا جاين نستفيد ونفيد ، وأي واحد يبي يتكلم في موضوع لازم يكون متأكد منه 100٪ ، أو يقول المعلومه مو شرط صحيحه 100٪

[خير وبركة]

ما عليك يا فتى الخرج ، استمر في التوجيهات
استفدنا منك كثير
والله يوفقك

[عبدالرحمن العتيبي]

يا خير وبركة اسال مجرب ولا تسال حكيم
والاخوان العميد وتفارق في الكلية يعني عارفين اكثر مننا فماله داعي يجي احد يتفلسف بمعلومات غلط ويتخاصم بعد

[فتى الخرج]

اقتباس:     المشاركة الأصلية كتبت بواسطة عبدالرحمن العتيبي  

يا خير وبركة اسال مجرب ولا تسال حكيم
والاخوان العميد وتفارق في الكلية يعني عارفين اكثر مننا فماله داعي يجي احد يتفلسف بمعلومات غلط ويتخاصم بعد

ياولد اقسم بالله العلي العظيم وهذا انا احلف . انهم يصورونك تذكار وانت راكب الطياره وعندي صوره لولد اختي معطينه تذكار وهو بالسنة النهائية حاليا وعريف بالكلية اسمه محمد فليح العنزي .. خلهم يسألون عنه ويتأكدون بعد .. هذولا توهم راحوا للمرحله المتوسطه ...... برررب

[Asaad al-assiri]

الرياضه الي نحظر فيها يوم 14/10 لازم لون محدد ولا اي شي ؟؟

وانا شريت كل شي وباقي علي البدله ما اعرف الونها وش اخذ الوان؟؟

[مطفش ابليس]

السلام عليكم انا توي ما سلمت ملفي لنه موجود بجامعة الملك سعود والجامعة ما تفتح الا يوم السبت
يعني يمديني اسلمه ولا ما يمدي ؟ علموني من اللحين عشان اقتحم الجامعة واخذ ملفي غصب هع

[مطفش ابليس]

من شوي القتال والسوالف كانت على اشدها والحين
يوم جيت رحتو هههههههههههههه

[مطفش ابليس]

خلاص عرفت ... طلع يمديني <<< قل والله

[مطفش ابليس]

اقتباس:     المشاركة الأصلية كتبت بواسطة فتى الخرج  

ياولد اقسم بالله العلي العظيم وهذا انا احلف . انهم يصورونك تذكار وانت راكب الطياره وعندي صوره لولد اختي معطينه تذكار وهو بالسنة النهائية حاليا وعريف بالكلية اسمه محمد فليح العنزي .. خلهم يسألون عنه ويتأكدون بعد .. هذولا توهم راحوا للمرحله المتوسطه ...... برررب

يا ليت تدلنا ع واسطتك خل نستفيد هع انا الحمد الله مقبول نهائي وللحين ما خصصوني

[مطفش ابليس]

اقتباس:     المشاركة الأصلية كتبت بواسطة العميـد  

حياك الله , 45 يوم استجداد دوره عسكرية يعني بتلاقي انواع الكرف هناك .. بعدها اجازه تقريبا نص شهر الى شهر .. ثم دراسة انجليزي تسمى المرحله الاعداديه تستمر من 10 - 52 اسبوع يعني لو انك فاهم وعندك لغه تقدر تنتهي من المرحله خلال 10 سابيع يعني هال10 اسابيع اجبارية ثم تقدر تختبر اختبار النهائي للمرحله الاعداديه .. ثم تنتقل للمرحله المتوسطة وتستمر 42 - 45 اسبوع على ماأظن تدرس فيها علوم الطياران يعني كتب عن الطقس + معدات الطائرة واجهزتها الخ .. كل مايتعلق بالجو والطائرة ... وبعدها تختبر اختبار النهائي للمرحله المتوسطة ثم تنتقل للمرحله النهائية وهذي المرحله تسمتر تقريبا اكثر من 40 اسبوع على ماأظن لك 7 رحلات تركب معزز مع المدرب ويعلمك ثم انت تسوق الطيارة ويركب المدرب معزز لمده 7 رحلات من مقر الكلية الى جنوب الرياض يعني عندنا بالخرج ... اذا اجتزت كل شي وامورك زينه تتخرج برتبة ملازم واذا كنت من الطلاب المتوفقين يطلعونك بعثه ورابتك ينزل كامل وتدرس سنتين برى وتجي هنا ملازم اول .. طبعا النظام بالكلية الملك فيصل الجوية تمشي على روتين معين يعني نظام معين لك الظاهر يومين او 3 ايام ميدان وهكذا ... بعد ماتعلق النجمه ( ملازم ) يعينونك على ماأظن يابتبوك او خميس مشيط حولها الين ماتعلق الملازم اول ثم تتدربون على الطيارات الحربية بدون ذخائر حيه ( ذخائر غير حيه + مناورات ) بوداي الدواسر ثم اذا علقت النقيب تتدربون على الذخائر الحية ويحطون لك اهداف حيه .. يعني ماراح تسوق طياره حربية بها ذخائر الا من نقيب وفوق ... وترى اهم شي اللغه لانك راح تسولف بالانجليزي اذا ركبت الطياره ... هذي معلومات بسيطه ,, وبالتوفيق للجميع

^^^^
يا حليلك خبرتك مجنونة .!!! ههههههههههه
ياشباب تسمعون بها انتم الي يقول باجيب جوال عادي خخخ واللي يقول يصورونك في الطيارة ويعطونك خخخخ راكب بعير في مصر ؟!!

الزبدة كل الي انقبلوا بتكرهون انفسكم تذكروا :) هالجملة ..!!!

لا تقعد ترفع بنفسك الايام بينا وابي موضوع انتم تفتحونه عقب الـ45 يوم اوك .!؟ :)

انا اللي بسوي موضوع ان شاء الله

[ملاعب الذيب]

اقتباس:     المشاركة الأصلية كتبت بواسطة فتى الخرج  

ياولد اقسم بالله العلي العظيم وهذا انا احلف . انهم يصورونك تذكار وانت راكب الطياره وعندي صوره لولد اختي معطينه تذكار وهو بالسنة النهائية حاليا وعريف بالكلية اسمه محمد فليح العنزي .. خلهم يسألون عنه ويتأكدون بعد .. هذولا توهم راحوا للمرحله المتوسطه ...... برررب

يا شباب الرجال عنده واسطه قويه اللي يبي شي لا يتردد يقول لفتى الخرج

و ما بيقصر معكم هههههه

^^^^^^^^
ترى أنـ😏ـا اكره الهياط و هاذا النوع من التفاخر

و اذا تبي تتفاخر تفاخر بنفسك مو بولد خالك وولد عمك

[خير وبركة]

اقتباس:     المشاركة الأصلية كتبت بواسطة مطفش ابليس  

خلاص عرفت ... طلع يمديني <<< قل والله

أنا مثلك بسحب ملفي من ج سعود بعد بكرة السبت إن شاء الله ، ولا أتوقع فيه مشكلة لأن رسالتهم وصلتني قبل آخر يوم قفلت فيه الجامعات .