[ليش؟]

السلام عليكم ورحمة الله وبركاته ..

كنت احب الطيران .. وكنت احب السفر .. وكنت اتلذذ بركوب الطياره ....!!
لكن ..!! يوم من الايام ... اصبت بمرض نفسي ..الله لا يوريكم ان شاء الله ,,

المهم ...اللي مو عارف المرض اعرفه فيه ... الا وهو (( نوبات الهلع او الفزع )) ..
هذا لمرض عباره عن اعراض فجأه تصيير ...(( دقات قلب قويه ...تعرق.. ضيق تنفس ...رجفة .. دوخه .. كأن بيغمى علي ..)) لكن تمر دقيقتين بس هذي الحاله الى ان اهدأ ... الحين انا حتى السياره ما اقدر اسوق وابعد عن البيت يعني تجيني الحاله اذا كنت بروحي واخاف يصير فيني شي ...
اللي يشوفني يقول نوبه قلبيه ..!!! لكن مو نوبه .
اهي نوبة هلع ...خوف فجأه وهذي الاعراض تخليني ما اقدر اسافر بالطياره ...انزين ... اذا مثلا سافرت .. وصار معاي القلق والتوتر وتعبت ..

** شلون راح تتصرفون معاي ؟؟
** وهل صارت معاكم من قبل هذي المواقف .؟؟
كيف تعاملتو معاها ..؟؟
وتنصحوني اسافر بالطياره عادي ولا لأأ ؟
سألتكم لاعتزازي بخبرتكم ... لا تردوووني ..وشكرا .!

[ليش؟]

افااا 18 يدخلون وولا احد يرد ...!!

[Thewingga]

السلام عليكم ورحمة الله وبركاتة ....

اولا ربي يكتبلك الشفاء ان شالله ... ثانيا علاجك ان شالله في قولة تعالى " قل لن يصيبنا الا ما كتب الله لنا "
في الأرض او بين يدية سبحانه وتعالى في السماء وانصحك تراجع الطبيب للتأكد من الأسباب إن كانت نفسية فقط أم لها علاقة بالعضوية . أما بالنسبة للنصيحة المضيف الجوي ليس طبيب فلا اعتقد انة يوجد ان مضيف يستطيع الأدلاء بنصيحة غير الطبيب .. متمنيا لك الشفاء والله ولي التوفيق

[Sr.Flight Attendant]

اخي الكريم بإذن الله ان الشي اللي فيك مؤقت وان ماخاب ظني اللي فيك عين وعلاجك عند شيخ بإذن الله ..
بالنسبة لهالحالات في البداية نطمن المريض بأن الخوف ماله سبب ونعطيه اوكسجين وننقله لمكان مفتوح وبعيد عن الناس .. ونؤكدله بأننا بإذن الله جاهزين لأي حدث يصير في الطيارة ونسوي اعلان لطبيب في حال كان عندك شي مرض عضوي .. ونحاول نفتح عنك الملابس الضيقة لحد ماترتاح :)

[مضيفة مغربية]

اخي صحيح ان ذكر الله هو الحل لكن يجب عليك ان تلمس الواقع نعم الدعاء يخفف لا يزيل
نصيحة زور طبيب نفساني ولا تخاف ان شاء الله ربنا معك

[مراقب الكابتن]

الدعاء يزيل ويخفف

اذكر الله

وغير كذا روح للطبيب او زي ماقالك اخوي احمد

روح لي الشيخ

والله يشافيك ان شاء الله

[طق طق]

اخي العزيز اولا الله يبعد عنك وعن جميع المسلمين والمؤمنين كل شر.
انه ايضا اعاني احيانا من نوبات الهلع او الفزع ولكن هالوقت بالذات اذكر ربي واتعوذ من ابليس واقول لا انه شجاع واصير الشيخ فؤاد(طاش ماطاش).من تفكر في هالشي او يصيدك الهلع غض النظر عنه واشغل نفسك او كلم اقرب الناس لك لا تقعد بروحك.هذه نصيحه على السريع.
تقبل تحياتي .

[Joey Kabliano]

انا مضيف جوي

والمفترض قبل الرحلة تبلغ اقرب مضيف موجود على الطيارة عشان يتخذ اللازم والاحتياط