[wahby2009]

وصلتنى اخبار ان شركة كورال بلو قفلت هيا ولوتس الى يعرف حاجة عن الاخبار دى ياريت يفيدنا

[SU-GCM]

للاسف الخبر صحيح
لوتس قفلت من ايام الثورة لان الشركة كان بقالها فترة اصلا فيها خساير و استغلوا موضوع الثورة و قفلت و الطيارات محجوز عليها في مصر و لم تغادر نظرا لان الشركة عليها ديون كثيرة لاماكن عده منها هيئة الميناء و مصر للطيران و شركات عديدة

و نفس الكلام بالنسبة لكورال بلو حيث ان الشركة اصلا كانت ملك لشخص تونسي من عائلة النابلسي اللي هي عائلة زوجة بن علي رئيس تونس السابق و لما حصل اللي حصل في تونس و مصر اتباعت لمستثمر تونسي أخر بالامر المباشر و عانت الشركة و الموظفين من وقف المرتبات و الخصومات لعدة شهور من شهر 2 الي شهر 4 و في اول شهر 4 انتهت الشركة رسميا و اعلنوا وقف جميع عملياتهم و رحلاتهم بعد فشلهم في ادخال اي مستثمر لضخ سيولة و اموال في الشركة لانقاذها و في نص شهر 3 سافرت واحدة من الطيارات و هي الايرباص 319 الي مطار شانون في انجلترا للتخرين و تم دهنها باللون الابيض منذ تاريخه و تخزين الطائرة و باقي الطائرات محجوز عليها في شرم و الغردقة و القاهرة تقريبا

في كلام جديد لسه من امبارح واصلني ان في شركتين خليجيتين حيستحوذوا علي كورال و لوتس
فلوتس سوف تستحوذ عليها شركة اسمها أجواء و هي سعودي او سعودي بحريني و حتشتغل بطيارات ايرباص 321 يعني مش بطيارات لوتس

اما كورال هناك كلام معرفش مدي صدقه ان مستثمر خليجي ايضا حيضخ سيولة و يعيد نشاط الشركة و انا استبعد الكلام ده

مع تحياتي

[wahby2009]

متشكر جداا على المعلومات الجميلة دى ويارب تكون اكيدة وتنفيذها قريب لان فى عدد من المضيفين الجويين مش بيشتغلوا ياااارب يكرم

[AMRWEFKY]

انا اسمى عمر وفقى اعمل او كنت اعمل بكورال كرئيس طاقم ضيافة

الشركة لحد دلوقتى مفيش قرار رسمى من الشركة الأم بتونس بغلق الشركة ولكننا نتفاوض الآن على استرداد مستحقاتنا ولقد عملنا اعتصام بمقر الشركة والسفارة التونسية يمكن المشاهدة على اليوتيوب وقامت الخارجية بطلب سامى عيادى العضو المنتدب من تونس للتفاوض معنا وتسهيل سبل الدفع لباقى المستحقات المتأخرة منذ شهر اكتوبر حتى الآن
هناك ايميل من السيد \ عزيز ميلاد المالك الجديد لنوفل اير ان الشركة لم تغلق رسميا ولكن ننتظر انعقاد اجتماع مجلس ادارة الشركة الأم بتونس