المجموعات الإجتماعية |
البحث |
مشاركات اليوم |
أكاديميات ومدارس الطيران Academic School عرض الجديد عن تدريس وتدريب الطيران //
راجع الفهرس التالي:
للأكاديميــــات تنويه : المشاركات الجديدة هنا ستعرض على المراقبة قبل اعتمادها للعرض! |
إضافة رد |
|
أدوات الموضوع |
مشاركة [ 1 ] | |||
|
|||
Pilot Wannabe
|
السلام عليكم
عندي شوية اسئلة عن معهد مصر للطيران دفعة سبتمبر القادم لأني دخت من كتر الكلام شوية ناس تقولي هيبأة ب 350 الف جنيه و هيبأة سنتين و الدفعه هتبأه 160 واحد و شوية ناس تقولي هيبأه ب 292 الف جنيه و هيبأه سنة و نص و الدفعة 80 واحد ,, الأقاويل كتير اوي عايز اعرف كلام موثوق منه ارجوكم بما أني لسة في 3 ثانوي و هخلص شهر 7 بإذن الله فا هقدم في شهر سبتمبر عايز اعرف الدفعه دي سعرها هيكون كام و هيخلصوا في أد ايه تقريباً و الدفعه هتكون كام واحد تقريباً ؟ ياريت الكلام يكون موثوق فيه ,, و شكرا جزيلاً |
||
مشاركة [ 2 ] | ||||
|
||||
|
ازيك ياحوده ياحبيبي ايه الاخبار
لو بتثق في كلامي اسمع مفيش دفعه اكتر من 60 والسعر 256 ومفيش دفعه في سبتمبر لو مش مصدقني ولا كانك سمعت حاجه |
|||
مشاركة [ 3 ] | ||||
|
||||
|
صحيح انا اتصلت على شؤون الطلاب بالاكاديمية المصرية للطيران من حوالي اسبوع
وقالي اني التقديم هيكون في اخر شهر 8 ( أغسطس ) بس قالي اني المصاريف 252000 بتدفع على 12 دفعة كل دفعة 21000 جنيه والدفعة الاولى مع بداية الدراسة بعد القبول يمكن الفرق بين الرقم ده ورقم كابتن علي شوية مصاريف الشهادة الطبية او ايه معرفش شكرا |
|||
مشاركة [ 4 ] | ||||
|
||||
|
كلام الكابتن علي صحيح 100%
و لكن احب ان اوضح شئ صغير, لا يوجد دراسة في شهر سبتمبر, انما التقديم يكون في ديسمبر و طبعا التقديم كتير جدا, فالبيحصل هو الاتي معاك وسطة هتبتدي في الاول, معكش هيخلوك 6 شهور علي بال الدفعة الجديدة ما تبتدي و الاولوية تكون للمنتظرين من قبل كدة المكنش معاهم وسطة ده عن تجربة واحد صحبي والله انت هتقدم في ديسمبر, البداية ان شاء الله بتكون مارس 2009 لو مفيش ناس كتير كانت مقدمة و مقبلوهاش عشان العدد, هيخدوهم في مارس و يأجلوك لبداية شهر اغسطس و هذا الشهر محدد (فقط) للمتئخرين لو مش مصدق كلمهم بنفسك و انت تتأكد, لان دي سياستهم في القبول, الي قدم الاول, يبتدي الاول و ربنا يوفقك |
|||
مشاركة [ 5 ] | ||||
|
||||
|
المصاريف حتي الان 255,000
و اعلن رئيس مجلس الادراة في شهر فبراير عن احتمال زيادة الاسعار الي 290,000 في عام 2009 نظراً لارتفاع سعر الوقود. و تكون الدراسة في مطار اكتوبر نظري و 6 ايام في الشهر في مطار العريش عملي و بهذا تحقق بعد الـ 16 شهر 210 ساعة و زي ما قال كابتن علي الدفعة لا تكون اكثر من 60, و علي حد علمي الدفعي الي فاتت كانت 32 لان اكثرهم لم ينجحوا في اختبار اللة الانجليزية, و هو يكون بالجامعة الامريكية, دي بقي ان واثق منها 300% اتصل بـ 0106294457 للتأكد من جميع المعلومات - هذا رقم المسئول عن شئون الطلبة في المعهد و سيؤكد لك مدة الدراسة و التكلفة. تقبل مروري و ربنا يوفقك ان شاء الله |
|||
مشاركة [ 6 ] | ||||
|
||||
|
شكرا جزيلا كابتن اكس على المعلومات دي
بس في سؤال مهم جدا على حكاية التقديم في ديسمبر بتقول التقديم كتير فهل ده معناه انه في ديسمبر بيقدم اكتر من 60 واحد ؟ طيب 60 بينجح منهم 32 طيب ميجيبو الناس الي نفضولهوم علشان ممعهمش واسطة ويدخلو الدراسة من اولها ولا ايه؟ وبعدين هيا اساسا الدراسة بتبدأ في شهر ايه بالضبط اذا كان التقديم في ديسمبر يعني تقريبا في نص السنة الدراسية في الجامعات والمدارس انا مطلخبط؟ بالنسبة لزيادة المصاريف 290-255 =35 الف جنيه الفرق ده طبعا مبالغ فيه جدا تانيا ليه نسبة السقوط عالية كده في امتحان اللغة مع ان الطالب المصري بيكون متأسس كويس في اللغة بالذات وبياخد لغة اولى وتانية وثالثة وحجات غريبة وبعدين ده المستوى الرابع امال المستويات التانية بتبقى ازاي |
|||
مشاركة [ 7 ] | |||
|
|||
Pilot Wannabe
|
طيب شكرا جزيلا طمنتوني ، انا بس كنت عايز اعرف ايه نظامه عشان لو رسيت عليه
بس حد يقولي ايه نظام الأمتحان ده ؟ صعب ولا نظامه ايه مع العلم اني في 3 ثانوي و الحمد لله الإنجليزي بتاعي كويس . و شكرا يا كابتن علي و اكيد طبعا بثق في كلامك و انت واحشني اوي و الله . |
||
مشاركة [ 8 ] | |||
|
|||
Pilot Wannabe
|
و كمان بالنسبه للكشف الطبي ، انا عندي حساسية رمد ربيعي في عيني ، هل دي هتبأه مشكله ؟ انا ان شاء الله هعمل الكشف بس بعد امتحاناتي ان شاء الله بس عايز اتطمن مبدئيا دلوقتي ، ياريت الي عنده فكره عن الموضوع ده يقولي ،
و شكرا مره تانية . |
||
مشاركة [ 9 ] | ||||
|
||||
|
طبعا لان الدراسه كلها باللغة الانجليزيه.
والاسعار كويسه جدا . يا جماعة الطيار الحربى فى مصر بيتصرف عليه اضعاف المبالغ دى..قولو الحمد لله ..دة السيارة bnw520 بنص مليون . يبقى 300 الف حاجة. دة عندنا يجيبو شقة 160 متر بالعافيه. |
|||
مشاركة [ 10 ] | |||
|
|||
Pilot Wannabe
|
ههه ، و الله كلامك زي العسل يا كريم و فعلا هو ده الوضع في مصر ( الحبيبة )
|
||
مشاركة [ 11 ] | ||||
|
||||
|
بالنسبة للحساسية,, الله اعلم, مفبلتش حد قبل كده عنده الظروف دي
بس يا حودة امتحان الانجليزي مش صعب خالص ولا حاجة... بس تخيل لو مفيش حتي امتحان انجليزي...... كل من هب و دب هيقدم و بعدين الصراحة مينفعش طيار من غير انجليزي كويس, بس بالنسبة ليك ان شاء الله تمام و ياااااا ايمن لما بيخدوا بس 32 في الحالة دي بيكملوا من الباقي زي ما انت قلت لو اللغة كويسة و كله تمام ان شاء الله يتقبل,, المشكلة في عدم القبول بتكون لخريجي المدارس الاميرية و كده, لان اللغة بتكون عندهم ضعيقة شوية عن المستوي المطلوب لاكن ان شاء الله مفيش مشاكل ولا حاجة يا حودة و بالتوفيق ان شاء الله |
|||
مشاركة [ 12 ] | |||
|
|||
Pilot Wannabe
|
ربنا يخليك كابتن X
انا ربنا معايا بأه في ثانوية و بعد كده ربنا يسهل ، شكرا يا جماعه علي المساعده . |
||
مشاركة [ 13 ] | ||||
|
||||
|
hi mahmoed rabna ma3ak
|
|||
مشاركة [ 14 ] | |||
|
|||
عضو خط الطيران
|
كابتن إكس ممكن أسئلك شوية حاجات أنا نظري فيه ضعف بسيط وعامل نظارة بشوف بيها 6/6 فهل ممكن أتقبل وهل ممكن أختبر بالنظارة في الكشف الطبي
وهل فيه إختبار رياضي ولا لأ مع العلم أني في 3 ثانوي في السعودية ..... شكرا |
||
مشاركة [ 15 ] | ||||
|
||||
|
يا رجالة انا هاقدم في معهد مصر للطيران دفعة سبتمبر القادم حد يفدني
|
|||
مشاركة [ 16 ] | |||
|
|||
عضو خط الطيران
|
(Gemy) أنا هقد زيك في معهد مصر للطيران الدفعة الجاية
وعلى فكرة في معلومات كتير غالط بتتقال هنا أولها السعر لو عايز تتأكد بنفسك أنا ممكن أديك مصدر موثوق فيه جدا فيه كل اللي إنت عايزه وهو الموقع الرئيسي والرسمي لمعهد مصر للطيران هتلاقي مكتوب فيه كل حاجة أنصحك أدخل وشوفه www.ncato.org أتمنى تستفيد من المعلومات اللي فيه و أتمنى نتواصل أنا وإنت على الإيميل [email protected] |
||
مشاركة [ 17 ] | |||
|
|||
A320 & B737 CL-NG Pilot
|
انا ليا واحد قريبي في الكاديمية ده دفعة السنة اللي فاتت.
و لما سألت شهر 3 اللي فات قالولي 300 الف. قريبي ندم اكبر ندم بعد دخوله الاكاديمية هو واللي معاه.كلها وسايط و هبل و فشل. م انصحش فيها.ممكن المبلغ ده و اقل منه بكثير تتمرن بيه في كندا و لا امريكا شامل الاقامة كمان. |
||
مشاركة [ 18 ] | |||
|
|||
عضو خط الطيران
|
ياااااااااااااااااااااه
|
||
مشاركة [ 19 ] | |||
|
|||
عضو خط الطيران
|
انا ليا واحد قريبي في الكاديمية ده دفعة السنة اللي فاتت. و لما سألت شهر 3 اللي فات قالولي 300 الف. قريبي ندم اكبر ندم بعد دخوله الاكاديمية هو واللي معاه.كلها وسايط و هبل و فشل. م انصحش فيها.ممكن المبلغ ده و اقل منه بكثير تتمرن بيه في كندا و لا امريكا شامل الاقامة كمان. ياااااااااااااااه طيب إنت ليييييييييييييييه سألت وإنت مش ناوي تدخلها |
||
مشاركة [ 20 ] | ||||
|
||||
|
انا ليا واحد قريبي في الكاديمية ده دفعة السنة اللي فاتت. و لما سألت شهر 3 اللي فات قالولي 300 الف. قريبي ندم اكبر ندم بعد دخوله الاكاديمية هو واللي معاه.كلها وسايط و هبل و فشل. م انصحش فيها.ممكن المبلغ ده و اقل منه بكثير تتمرن بيه في كندا و لا امريكا شامل الاقامة كمان. ممكن تفيدنا ايه حصل معاه شكرااااااااااااا:crazy_p ilot: |
|||
مشاركة [ 21 ] | |||
|
|||
A320 & B737 CL-NG Pilot
|
ياااااااااااااااه طيب إنت ليييييييييييييييه سألت وإنت مش ناوي تدخلها
انا سألت عشان اخذ معلومات لان انا وكيل ولازم اتابع سوق الشرق الاوسط |
||
مشاركة [ 22 ] | ||||
|
||||
|
طيب كلامك غير كلام ناس كانو فيها وهيا معترف بيها طيب ليه مانصحتش الناس الي دخلوها
معلش انتا بتقول انك وكيل وانتا على عيني وراسي من فوق بس مش معقول انها تتحول لكلية لو فيها مشاكل مش صح كلامي |
|||
مشاركة [ 23 ] | |||
|
|||
A320 & B737 CL-NG Pilot
|
طيب كلامك غير كلام ناس كانو فيها وهيا معترف بيها طيب ليه مانصحتش الناس الي دخلوها معلش انتا بتقول انك وكيل وانتا على عيني وراسي من فوق بس مش معقول انها تتحول لكلية لو فيها مشاكل مش صح كلامي شوف هي مش واقعة اوي.بس فيها مشاكل كتير بسبب الادارة المشتركة بين مصر للطيران و القطاع الخاص و اقولك على حاخة غريبة انا يوم ما سألت قالولي 300 الف لو لائق 100% و 325 الف لو نص نص. والله ده حصل معايا بالزمة ده كلام؟!! |
||
مشاركة [ 24 ] | ||||
|
||||
|
السلام عليكم
كانت مراحل الألتحاق منذ البداية كالأتي بدئنا بسحب ملفات الألتحاق في شهر 8 و كان عدد المتفدمين حوالي 400 بدئنا بجمع الملفات و الأوراق المطلوبة من جميع الهيئات و لم يسأل, كانت صورة من البطاقة الشخصية قيد ميلاد قيد ميلاد الوالد و الوالدة فيش و تشبيه (و هو بصماتك و أقرار من الحكومة انه لي لديك أي سوابق أجرامية) و هذا للمصريين فقط مستخرج أصلي من شهادة الثانوية (و اذا كنت دبولمة أمريكية أو غيرها, تقوم بمعادلة الشهادة بورزارة التعليم اتابع لها - و هذا الأمر يستغرق 15 دقيقة) انا فعلته شخصياً بالأضافة الي (اذا كنت في الجامعة) شهادة تقول انك تدرس بالجامعة و يتم أستخراجها من رئيس الجامعة - أو اذا كنت تعمل, نفس الشئ صورة من جواز السفر - لغير المصريين أمضاء أقرار بأنك تريد دراسة الطيران علي نفقتك الخاصة و بمبلغ 300.000 جنيه مصري أو ما يعادله أمضاء أقرار بأنك قادر علي تحمل مسؤلية نفسك و مؤهل نفسياً لدراسة الطيران شهادة حسن سير و سلوك من المدرسة التي كنت تدرس بها - أو الكلية هذه هي تقريباً معظم الاشياء بعدها, قمنا بتسليم المستندات, و حصلنا علي أذن لعمل الكشف الطبي بالمجلس الطبي التابع لوزارة الطيران المدني و أستخراج تصريح أمني يعطيك اأحقية باطيران فوق الأجواء المصرية و كان الكشف عادي جداً, ليس به الكثير من اصعوبات - سوي الكشف النفسي, به بعض أختبارات القدرات كترتيب الأرقام من 1 الي 99 علي شاشة كمببيوتر و الأرقام ليست موجودة بأنتظام و يجب ان تنهي هذا الشئ في مدة قصيرة اشياء كهذه المهم انتهيت انا من الكشف بعد أسبوع,,,,,, لكن أنتهي الجميع في أخر شهر 9 ذهبنا بعدها لأمتحانت و أختبار الكمبيوتر و كان بسيط لدرجة شدييييييدة جداً مجرد هل تعرف كيف تعمل copy - paste أشياء كهذه, فقط تؤكد أنك عندك خلفية عن الاستخدام العام للكمبيوتر و انتهينا منه في أسبوعين و تم تحديد أختبار الأنجليزي .................................................. ..................... كنا قد أصبحنا 360 متقدم أختبار الأنجليزي هو من وجهة نظر الكثير أصعب شئ في كل مراحل الألتحاق لكن من وجهة نظري هو بسيط و عادي و هو أشبه لدرجة 98% من أمتحان الـ SAT الخاص بالدبلومة الأمريكية و لمن يريد ان يجتازه, فعليه التحضير له قبل 5 اشهر أو أكثر استعداداً لأجتياز أمتحان SAT و هو نفس الأمتحان في أي دولة و يسمي ICAO Level 4 انتهيت من الأمتحان في نفس اليوم و كان نظري و شفوي لكن انتهي الجميع يوم 22 من شهر 11 نظراً لحلول شهر رمضان الكريم و ايقاف الأختبارات (لا أعلم لماذا) لكن المهم أصبحنا بحمد لله 50 متقدم بعد أختبار اللغة !!!!!! هل تتخيلوا ؟ تم تحديد أيام المقابلة الشخصية و العصبية و كانت علي يوم 15 و 16 من شهر ديسمبر أي 12 انا كنت رقم واحد يوم 15 ذهبت يوم البارحة الساعة الـ 7:30 صباحاً و بدأت بالأستعداد بمراجعة عواصم الدول, ألخ.... و كان الأستاذ عماد, المسئول عن شئون الطلبة موجود و قام بأطائنا فكرة عامة عما سيحدث الجميع كان يرتدي بدل رسمية أنتظرنا قدوم اللجنة المكونة من 8 و كان رئيسهم اللواء حسن محمد حسن رئيس هيئة الطيران المدني و اللواء عادل البنا, رئيس منظمة التدريب علي الطيران المدني و الكثير من أطباء نفسيين دخلت و بسم الله الحمن الرحيم أول واحد و ليس عندي أي خلفية من أي شخص قبلي عن ما يحدث وقفت في منتصف الغرفة الكبيرة و أمامي اللجنة جالسة عرفت نفسي مؤمن عبد الغني الشهاوي خريج مدرسة مصر 2000 دبلومة أمريكية و مدرسة أوازيس الفرنسية و لم أقل أي كلمة بعد ذلك بدئوا بطرح أسئلة علي لماذا تريد دراسة الطيران أنا أحب الطيران بجنون و أري انها وظيفة ممتازة كراتب شخصي ايضاً من وجهة نظرك, ما هي السمات التي يجب ان يتحلي بها الطيار الثقة بالنفس و أن يكون علي درجة عالية من التركيز هل هي موجودة بك؟ نعم والحمد لله مجموعك في الثانوية قليل يا مؤمن, لماذا ؟ :iconloli: هذا و لأني كنت أعتمد علي نفسي أعتماد كلي في الدراسة نظراً لعدم وجود مدرس لغة عربية بالمدرسة أين تذهب في وقت فراغك ؟ نادي اليخت بالمعادي مع من تذهب ؟ أصدقائي أو والدي ماذا تشرب ؟ كاكاو :iconloli: بالحليب أم لا ؟ كم ملعقة سكر ؟ كم سيجارة تدخن ؟ لماذا لا تدخن ؟ هل تقود سيارة أبيك ؟ لما لا ؟ ماذا تعرف عن الطيران ؟ هل انت علي علاقة عاطفية ؟ و ما أسمها ؟ ما أسم أصدقائك الأولد المقربين ؟ اذا لم نقبلك هنا, ماذا ستفعل ؟ ها انت واثق من نفسك ؟ كل هذه الأسئلة كانت تنزل علي رأسي بسرعة لا تتخيلوها, لدجة انني كدت أن أصمت من كثرة الأرتباك, لكن الحمد لله صمدت امامهم قل لي يا مؤمن, 100 ناقص 7 يساوي ؟ 93 ناقص 7 ؟ 86 ناقص 7 ؟ 79 ناقص 7 ؟ 72 ناقص 7 ؟ يااااااااااااااااااااااااا الله اذهب يا مؤمن الي جانب الدتور فلان ؟ ذهبت, و قال لي ان أغمض عيني, و أعطيه يدي ليراها ان كانت ترتعش أم لا قل يا مؤمن بسبوسة بالعسل و السمنة مرتين هذا ليروا اذا كان عندي مشكلة في نطق حرف الـ "س" و الحمد لله انا طبيعي :iconloli: ارجع الي مكانك عندك كام أخ ؟ 1 في سنة؟ الثانية الأعدادية من هو محافظ القاهرة ؟ لا أعرف من هو وزير الداخلية ؟ ............... حاولت ان أتذكره لكن من كثرة أرتباكي, و سرعة الأسئلة, نسيته هل تأكل في البيت أم في مطاعم ؟ في البيت, لكن في المطعم احياناً هل والدتك تعمل.. ؟ لا ؟ اذا لماذا تأكل في الخارج ؟ لأنها أحيانا تكون منشغلة اري ان كلا والدك و والدتك مرشدين سياحيين, لماذا لا تريد ان تكون مثلهما ؟ انا أحب الطيران و هذه حياتي و ليس علي أن أكون مثلهم شكراً يا مؤمن تفضل كل هذه الأسئلة كانت في حوالي 15 دقيقة الي 20 دقيقة تخيلوا السرعة في السؤال و الأجابة بعدي دخل عثمان, و هو من نيجريا و كانت كل أسئلته لها علاقة بنيجريا و الأحوال بها أعني ان كل شخص, له أسئلة تليق به و تناسبه و في الأغلبية يتم قبول الجميع, و هذا ما يحدث تقريباً كل سنة المرحلة القادمة, هي ان يتصلوا بي بعد 8 ايام كي أذهب لدفع أول قسط من مصاريف الدراسة و البدأ بين أول و نصف شهر يناير المقبل ان شاء الله أدعوا لي بالتوفيق النجاح -- مؤمن |
|||
مشاركة [ 25 ] | ||||
|
||||
|
طيب بعد الصعوبات دي كلها تتوقع انها تكون مش TOB
|
|||
مشاركة [ 26 ] | ||||
|
||||
|
دي من مشاركات كابتن مؤمن ربنا يوفقه Gemy
|
|||
مشاركة [ 27 ] | ||||
|
||||
|
كان عدد المتفدمين حوالي 400
بعدين 360 بعدين 50 |
|||
مشاركة [ 28 ] | ||||
|
||||
|
:q ust::qus t:
|
|||
مشاركة [ 29 ] | ||||
|
||||
|
7oodaz انتا فين
|
|||
مشاركة [ 30 ] | ||||
|
||||
|
:crazy_pilo t::crazy_pi lot::crazy_ pilot::craz y_pilot:
|
|||
إضافة رد |
أكاديميات ومدارس الطيران Academic School |
|
|
|
المواضيع المتشابهه | ||||
الموضوع | المنتدى | |||
مصر تتحدث عن نفسها ........... | افـريقيا - Africa | |||
ابتسم انت مصري (من سجل الذكريات) | القسم العام | |||
مصر مصر مصر مصر مصر مصر مصر مصر مصر | القسم العام | |||
تاريخ مصر للطيران | المطارات ( أخبار وإستفسارات ) Airports News & Comments |