[الونيس]

بسم الله الرحمن الرحيم
اولا كل عام وانتم بخير
عندي استفسار بسيط وهوماهي الطائرات اللي تروح امريكا من الخليج يعني وش نوعيتها ايرباصوالا بوينق وزي كذا

ثانيا كم المسافه بالميل
وكم الزمن بالساعه
والسؤال الاهم هل ممكن تطفي المحركات يعني بحيث تمشي بمحرك واحد يعني من باب انك تريح المحركات اتمنى احد يفيدني ولكم الشكر والتقدير

[vergil]

والله يا اخوي على حسب كل شركة ,.

يعني مثلا السعوديه الطيارات اللي ترووح لامريكا واروبا b777 .,

والاماراتيه برضوا ماعدا بعض الوجهات A380 يعني كل شركة على حسب الطيارات اللي عندها .,
وهي غالبا الطيارات اللي تروةح لامريكا م نالشركات الخليجيه تكون من هذي الانواع

بوينج
b747-400
b777-200
b777-300
ايرباص
340-500
340-600
380

هذا والله اعلم .,

اما بالنسبه لانو يطفي مرحك عشان يريحوهههههههههههه ’,. الله يهديك محركات الطائرات ليست مثل السيارات .,

مادام عندك وقود طير زي ماتبغى آ’

يعني يعتمد على سعة خزانات الوقود وتتالق بذلك الاميره بوينج 777

اتمنى اكون افدتك

[الونيس]

هلا وغلا اخوي يعطيك العافيه
صدقني اروح بالكامري من الشرقيه لطايف واقف خمس ست مرات اريح السياره
هههههههههههههههههههه
بس انا اشوف الكثير يتكلمون عن اطفى المحرك في المسافات الطويله واغلبهم من عامة الناس يعني مايدرون وش السالفه بس كلام وانا طرحت السؤال علشان ابي اعرف وش اللي يصير بظبط علشان اقدر افتي بعدها هههههههههههههههه

[mohd_ko_2007]

الزمن حسب المنطقة من 11 ل 17 ساعة حسب المنطقة اللي انت رايحها و حسب الطيار يعني مثلا من عمان لنيويورك ب 13 ساعة و مرات 14 بس هي المسافة حسب ما اذكر 7000 كيلو اظن تقريبا هاي من عمان لنيويورك

[بروفيسور الطيران]

السلام عليكم

المسافة من دبي إلى لوس انجليس بالطائرة على حسب كلام ولد عمتي هو يدرس هناك
حوالي ال 16 ساعة ونص دايركت

[الونيس]

محمد2007 والبرفيسور مشكورين الف الفشكر

[ammar]

الرياض - واشنطن حوالي 13 ساعة طيران بدون توقف والطائرة المستخدمة للخطوط السعودية Boeing 777-200LR المجددة

[الونيس]

عمرررر يعطيك الف الف عافيه مشكور وماقصرت

[yazan alazab]

في الاردن نستخدم طائرة A340 للمسافات الكبيرة زي امريكا

مدة الرحلة على الاغلب
12 ساعة طيران

[mr-HaeF]

اخوي على ماعتقد 12 13 على حسب الطياره ونوعها وسوالك هههههههههه يطفون المحرك ددسن هي الله يهيدك دام فيها وقود كافي تمشي بستر الله تقبل مروري

[ابو تركية]

اغلبها ٧٧٧ (السعودية والاماراتية والقطرية)
وفيه برضو الايربص ٣٤٠ في الاتحاد
ايضا ايربص ٣٨٠ راح يعاد تشغيلها على خط دبي نيويورك

[OMAR-773]

أخوي بالنسبة لشغلة "إطفاء المحرك"
فما ينفع يمشي بمحرك واحد

بس تصير في أوقات الهبوط
وانا شفت بنفسي تقرير على قناة euronews
عن هبوط لطائرة a320 تابعة لشركة إيبيريا الإسبانية ،، ما يسمى بالهبوط الأخضر!
بحيث أثناء النزول وقبل الأبروتش قام الكابتن بتعطيل المحركين عند كل أمر نزول
يعني مثلا لمن صرح المراقب الجوي بالنزول من ارتفاع 35000 الى 22000 يقوم بتعطيل المحركين وينزل بدون محركات
ولمن يصل لارتفاع 22000 يشغل المحركات مرة ثانية
ونفس الشي كل ما يصرح له المراقب بالنزول يقوم بتعطيل المحركات

حأحاول أدور على فيديو لهذا التقرير وان شاء الله لو لقيته أنزله في المنتدى

[OMAR-773]

حصلت الفيديو حق اليورونيوز
بس طبعا بالانجليزي

تفضلوااااااا
https://www.euronews.net/2010/06/01/c...arth-cuts-co2/

وهذا تقرير آخر (كتابة وليس فيديو) من قناة france24 عن الهبوط الأخضر في السويد
https://www.france24.com/en/node/4940261

[FaHaD_7arB]

اقتباس:     المشاركة الأصلية كتبت بواسطة OMAR-773  

أخوي بالنسبة لشغلة "إطفاء المحرك"

فما ينفع يمشي بمحرك واحد

بس تصير في أوقات الهبوط
وانا شفت بنفسي تقرير على قناة euronews
عن هبوط لطائرة a320 تابعة لشركة إيبيريا الإسبانية ،، ما يسمى بالهبوط الأخضر!
بحيث أثناء النزول وقبل الأبروتش قام الكابتن بتعطيل المحركين عند كل أمر نزول
يعني مثلا لمن صرح المراقب الجوي بالنزول من ارتفاع 35000 الى 22000 يقوم بتعطيل المحركين وينزل بدون محركات
ولمن يصل لارتفاع 22000 يشغل المحركات مرة ثانية
ونفس الشي كل ما يصرح له المراقب بالنزول يقوم بتعطيل المحركات

حأحاول أدور على فيديو لهذا التقرير وان شاء الله لو لقيته أنزله في المنتدى

شكرا على الفيديو

ولكن للتصحيح الكابتن لم يقم بتعطيل المحركات
بل يقوم خلال الهبوط من ارتفاع الى ارتفاع اقل بوضع المحركات على الــidle power
ولا يقوم باطفاء المحرك ابدا
والغرض من هذا كله لتقليل انبعاثات غاز ثاني اكسيد الكربون

[THE LORD KSA]

انا يالغالي طلعت من جده الى نيويورك قبل كم سنه كانت الطائره 400-747 وكانت مدة الرحله تقريبا 12 ساعه تزيد او تقل بقليل
بس اللي قريته وفهمته انه صارت 777 تروح لامريكا الان عموما كلتا الطائرتين مميزه وجميله
اما بالنسبه لاطفاء المحرك فأعتقد من حسب ماقريت في المنتدى هنا انه ممنوع ان الكابتن يطفيه الا في حالة طوارئ فقط اما في الرحله فهذا مستبعد وخطير
على كل حال اهل الخبره اللي اكثر مني يجاوبوك ان شاء الله بتفصيل اكثر بس حبيت اشرككم النقاش

تحياتي

[OMAR-773]

اقتباس:     المشاركة الأصلية كتبت بواسطة FaHaD_7arB  

شكرا على الفيديو

ولكن للتصحيح الكابتن لم يقم بتعطيل المحركات
بل يقوم خلال الهبوط من ارتفاع الى ارتفاع اقل بوضع المحركات على الــidle power
ولا يقوم باطفاء المحرك ابدا
والغرض من هذا كله لتقليل انبعاثات غاز ثاني اكسيد الكربون

كلامك صحيح

لأنو الكابتن لو قام باطفاء المحركات حيكون في خطر كبير
افترض مثلا لو انطفى المحرك وما رجع يشتغل
أو صارت مشكلة في تشغيله

لكن العملية اللي يسويها زي ما قلت انتا هي انه يخلي المحرك على وضع الآيدل
يعني نقدر نقول يخليه على أدنى طاقة للمحرك