[*heba*]

السلام عليكم ورحمة الله وبركاتة

لو سمحتم كنت عايزة اعرف الخطوات اللى ممكن بيها ابقى موظف حجز تذاكر طيران .. يعنى اخد كورس amadeus لازم يكون فى أماكن معينة ولا كلة زى بعض !!
تانى حاجة لازم يبقى الانجلش كويس اوى
لو سمحتم اللى يعرف اى حاجة ويقدر يساعدنى ياريت يقول ويعرفنى ابداء منين !!؟

ولو تعرفو اماكن للكورسات ياريت تقولو :))
شكرااا

[safarycenter]

اولا ادعو لكى بالتوفيق فى حياتك المهنية

ثانيا : كان المفروض توضحى انك باى دولة ومدينة مشان الاخوة والاخوات يساعدوكى وليكن لنفترض انك بمصر الحبيبة
فعندك اماديوس مصر فى سيتى ستارز بمدينة نصر فى المبنى رقم2
الدور الثامن على ما اتذكر وهو بمبلغ ولكن يكون الدراسة فيه مجانا اذا كان هناك خطاب من شركة سياحة للاماديوس باسمك وهو لا يكلف اى مبالغ هذا الخطاب سوى قيمة الحبر فقط
فيه مراكز كتير بتدى كورسات اماديوس بمصر من اول 400 جنيه لغاية 3000جنيه
بالنسبة للانجليزى فاكيد مهم ليكى ولكن يعتمد الانجليزى اللى هتحتاجية هو منصبك فى الشغل ومدى مستوى العملاء وهتستخدمى الانجليزى ده ولا هيتركن فى الدرج لان العملاء كلهم بيتعاملوا عربى مثلا

بالنسبة لحاجات وكورسات تانية ففيه طبعا لو عايزة تتعمقى فى الدراسة والشهادات
عندك شهادات مصر للطيران فى تسعير تذاكر الطيران
فيه الاقوى منها دبلومة الاياتا فى ادارة شركات السياحة
فيه حاجات كتير ولكن لازم تحددى انتى تحت اى مستوى هتعملى علشان مترهقيش نفسك اكثر من اللازم

واخير اتمنى لكى التوفيق مرة اخرى


عمرو حجازى
مدير قسم الطيران
مدرب انظمة حجز تذاكر معتمد
مستشار وكلاء سياحة وسفر