[flower]

كيفكم ، انا جديده معاكم

و حبيت بعد ما ترحبوا بي كل واحد يعطي رايه بتفسير الاسماء هذي

معاني اسماء البنات حسب علم النفس



ابتسام : رزينه .. و ثقيله .. و خدومه .. بس عقدتها انها شينه.


أمل : طيبة قلب .. و تفكر ألف مره قبل ماتقرر بشي.


أحلام : قوية شخصيه .. ذكيه .. خدومه .. و دايم تحلم و تخطط حق المستقبل وعندها طموح.


أسماء : هاديه و علىطول ساكته .. و مخلصه .. بس غامضه.


ايمان : طيبة قلب .. يحبونها اللي حولها .. مشكلتها انها ماتعرف تعبر عن حبها .. وتحس ان مافي حد يفهمها.


بدور : مثل اسمها حلوه و مزيونه و خجوله .. بس ياويلك منها اذا سويت فيها شي.


بشرى : تحب تثبت نفسها .. ذكيه .. تحب الناس .. غامضه .


بدريه : ثقيله و رزينه .. وكتومه .. يعني اذا قلتلها سر .. تطمن سرك في بير.. بس ثقيلة دم .


بسمه : انسانه ذكيه .. شخصيتها قويه .. ماتحب اللف و الدوران .. اذا حست ان في انسان بيغلط عليها .. تلعن سلسفيل اجداده..


تهاني: خفيفة دم و من خفة دمها أحيان تظن انها مرجوجه وخريش.. حذره في تعاملها مع الناس.


تغريد: طيبه و محبوبه من الجميع .. بس فيها عرق سوداني .. يعني عجازه.


جميله : ذكيه .. و جريئه .. و الواحد يعتمد عليها .. مشكلتها انها ماتقدر تمتنع عن الحش.


حنان : خفيفة دم .. خدومه .. مخلصه .. و مطيعه .. بس أحيانا تصير أنانيه بشكل فظيع .


حصه : قوية شخصيه .. محبوبه .. بس للأسف مالها حظ .. دايم مقروده.


حوريه : محبوبه .. و تحب التعارف و الصداقات .. بس انها شرسه .. محد يتحمل لسانها الطويل.


حياة : اللي مايعرفها مايثمنها .. عاقله .. بس شينها انها تحب كل شي قدامها يكون جاهز .


خلود : طيبة قلب .. شخصيتها قويه .. محبوبه من الجميع .. دلوعه .. وراسها يابس.


خديجه : خدومه .. و تحب الناس .. و قلبها طيب .. ماتحب الحش .. و تتعامل مع الناس بطيبة قلب .. بس اذا غلط عليها أحد توريه نجوم الظهر.


دلال : .حلوه و جذابه .. بس مشكلتها انها ضعيفة شخصيه .


ديما : قوية شخصيه .. تتعامل مع الشخص مثل مايعاملها .. كلمتها وحده .. و قلبها طيب .. من طيبته يوديها في مشاكل.


دانه : أهلها يموتون فيها .. دلوعه .. و حلوه ولسانها طويل تعلقه على كتفها..


رشا : ياحليلها .. طيبة قلب .. و دمعتها دايم على خدها .. عاطفيه .. بس ياويل من يغلط على أحبابها ولا يدوس لهم على طرف..


روان : دلوعه .. و محبوبه .. بس دايماً تكون ضايعه في الطوشه يعني ماتدري وين الله حاطها.. خبر خير يعني..


رقيه : مخلصه في شغلها .. ماتحب اللي يلعب بذيله .. متحفظه .. وماتحب اللعب و اللف و الدوران..


ريم : طيبة قلب .. و خدومه .. و على نياتها .. مطيعه .. تحب الناس .. بس مقروده مالها حظ..


رنا : حلوه .. حنونه .. و تحب الناس .. اجتماعيه .. واجتماعيتها تسبب لها مشاكل..


رانيا : دلوعه .. ويعتمد عليها .. بس مشكلتها انها ثقيلة دم..


زينب : حلوه و مزيونه .. و لها شخصيه قويه .. خدومه .. و تحب تعبر عن مشاعرها بطلاقه .. و راسها يابس.


زهره : ذكيه وشاطره .. حبوبه .. تحب الصداقات .. مشكلتها غيرتها اللي تذبحها و تذبح اللي حولها .


زكيه : تحب الضحك .. و المزاح .. و المرح .. شاطره .. و حنونه .. بس لسانها دايم يخونها..


سماح : وفيه .. وحبوبه .. و تفكر بعقلها قبل قلبها في الامور العاطفيه .. بس للأسف انها مقروده مالها حظ.


سلوى : قلبها طيب ..مطيعه و خدومه .. و حلوه و مزيونه .. دلوعه .. بس للأسف مالها حظ .


سعاد : شاطره و ذكيه .. بس شرانيه.


ساره : محبوبه .. ذكيه .. طموحه .. عنيده ..و مزعجه.


سلمى : ذكيه .. شخصيتها قويه .. تحب الحريه و التجديد .. لكنها مزعجه.


سناء : حبوبه و خفيفة دم .. و اذا حبت تبيع الدنيا للي تحبه .. مشكلتها انها تفكر بقلبها قبل عقلها .. و هذا يسبب لها مشاكل .


شعاع : ذكيه .. و مجتهده .. و شخصيتها قويه .. واذا حطت براسها شي لازم تسويه .. بس انها شينه..


شريفه : خفيفة دم .. تحب صديقاتها .. و الناس تحبها .. بس وقت الجد جد .. ماعندها مزح و كلام فاضي .. (عسكريه ).


شوق : رقيقه.. و تحب تثبت نفسها .. خوافه.


عبير : مجتهده و شاطره .. و حبوبه و دلوعه .. غامضه .. بس مشكلتها انها متهوره.


عايشه : شاطره .. صبوره .. مخلصه .. اذا حبت أحد تحبه بجنون .. بس مشكلتها انها تمشي ورى هواها.


عزيزه : مخلصه .. رزينه .. ثقيله .. وثقيلة الدم.


العنود : شخصيه قويه .. مزيونه .. محبوبه .. لها شعبيه كبيره .. و ذكيه .. طموووحه .. و ياويل من يتجرء يغلط عليها.


فاتن : حلوه .. حبوبه .. ذكيه .. شخصيتها ضعيفه.


فردوس : ذكيه .. طموحه .. شخصيتها قويه.


لمياء : محبوبه .. تحب تبني صداقات .. و دلوعه .. و ياويله اللي اذا طلبت منه شي و لا جابه لها.


لينا : طيبة قلب .. و على نياتها .. و دمعتها علىطول على خدها .. بس تحس ان محد يفهمها.


ليلى : شخصيه قويه .. ذكيه .. حبوبه . تحب المزاح .. لكنها مزعجه.


منيره : واضحه .. ماتحب اللف و الدوران .. صريحه .. و أم حنون .. بس لسانها طويل.


منال : هاديه .. و حلوه . ودلوعه .. وواثقه من نفسها .. بس انها مغروره .


مريم : طيبه و على نياتها .. عاطفيه .. و مندفعه .. تحب الحش.


منى : هاديه .. و رزينه .. ذكيه .. و تحب المظاهر.


مشاعل : محبوبه .. تحب بناء صداقات .. لكنها غامضه .


نوره : شخصيتها قويه .. ذكيه .. و شاطره .. تفكر بعقلها في الأمور العاطفيه .. تحب تزيد ثقافتها .. صريحه ماتعرف تجامل .. مشكلتها انها ماتعرف تعبر..


نوف : تحب بناء الصداقات .. تحب المغامرات ... تحب التراث .. لكن يا حبها حق الحش .


نوال : شخصيه قويه .. محبوبه .. و تحب الناس .. مطيعه .. و عنيده.


ناديه : شخصيتها قويه .. و تحب تثبت نفسها .. تعتمد على نفسها .. وماتحب تغامر بشي .. تفكر مليون مره قبل ماتسوي أي شي
.
هدى : شخصيه قويه .. يعتمد عليها في أصعب المواقف .. خدومه .. لكنها غامضه .. و تحب الحش.


هناء : رومانسيه.. تتصرف حسب مايملي عليها عاطفتها .. بدون تفكير .. ذكيه .. خدومه ..


هيا : محبوبه .. تحب اللي يحبها بس .. مطيعه .. مخلصه .. لكنها عصبيه .


هند : عاطفيه .. ذكيه و شاطره .. اذا حبت شي تحب تمتلكه لحالها .. غيوره


هنادي : شخصيه قويه .. تحب الدلع و المظاهر .. ذكيه .. ومحبوبه من الجميع


وفاء : شاطره و ذكيه .. بس ياويل اللي هي تحط عينها عليه.


ياسمين : قلبها طيب .. خدومه .. مزيونه .. لكنها متهوره.


يسرى : شخصيه قويه .. تحب تثبت ذاتها .. و تحب المظاهر..

[DUBAI ATCO]

حياج الله معانا في منتدى خط الطيران ومرحبا بج وبمشاركاتج وان شاء الله تفيدين وتستفيدين وبالتوفيق وأما عن الأسماء ( لا تعليق ) ..
وحياج الله مره ثانيه..

[ابو ضاحي]

أهلا وسهلا وحياك الله بمنتداك
قد يتأثر بعض الناس بتكوين أو معاني أسماءهم و(أسماءهن) !,كحال من يقراء الابراج في الصباح الباكرويتعكر صفو مزاجه بدون سبب,ناهيك عن الجانب الديني بهذا الخصوص
إن المرأه العربيه تمتلك مقومات تنفرد بها عن بنات جنسهن,بدءا بهويتها العربيه
ودينها ,ومما لاشك فيه أن الغرب يحاول بشتى الطرق غرس بعض الأفكار الدخيله
والسلوكيات الشاذه على نصفنا الثاني (أنتن)!, ولكن يجدون ويجدون بحمد الله عقولا
أسمى من أن تنصاع لتلك الأفكار ,نفتخر بكون نساءنا (أخوات الرجال) ,ولا يعيبنا
تركيبه الاسم ,بل يوجد أسماء نسائيه لاتتخيلينها لكن نفخر بكونهن أمهاتنا وجداتنا ,
(رأي شخصي ) ومتحفظ جدا من هذي الناحيه .

[B772]

يعطيك ألف عافية بس اخاف البنات يزعلن من بعض المعاني والا وش رايك

[جناح جده]

يعطيك العافيه ردك راقي وجميل يا ابو ضاحي
والمشاركه رايعه نحترم ذوق كاتبها ولاكن
ماذكر كلها لايعدو تكهنات اشخاص الفو كتب وباعوها حتى يجنو من ورأها المال
دون اي قيمه ادبيه او معرفيه
الاسماء لها معني في الغه العربيه وهذا شي معروف وليس فيه جدل
اما تشخيص الاسم وقياسه نفسياً على حامل الاسم هذه مجرد تخمينات لاصحة لها
ومشاركه رايعاه ونحن في انتظار الافضل والجديد وياهلابك

[AboAyoob]

مشكورة أختي ، ولكني إلاحظ أن الصفة السائدة على جميع الاسماء ، طيبه أو حنونه
وعموماً إختيار الإسم شيء غير بسيط ، فقد يحتار الاباء و الإمهات لأيام أو أشهر بما يسمون جنينهم ، و لاحظنا في الأونه الأخيرة (الأغلب بين الشباب) وعند بلوغهم سن الرشد (بين 14 و 17) يطلبون من أبائهم تغيير أسمائهم إلى مثلا (عبدالله أو عبدالمجيد أو غيره كثير) وهذا حق لكل شخص
شكراً لتواجدك و لمشاركتك و اللي أضفوا عليها الاخوان مزيد من الأفكار و التوضيحات

[flysaudi123]

هلا وغلا
مرحبا بضيفتنا عدد ما خطته الأقلام من حروف
وبعدد ما أزهر بالأرض زهور
مرحبا ممزوجة .. بعطر الورد .. ورائحة البخور
مرحبا بك بين إخوانك.. بمنتديات خط الطيران

[flower]

شكرااا ع تجاوبكم ومرررروكم بموضوعي

[عاشق السيارات]

مرحبا بك

[Y.A.F]

الله يحيييييكي اختي
موضوع جميل مع اني ما اصدق ان ممكن الواحد يتوقع الشخصيات بس عن طريق الاسم والنجوم
بس متعوب عليه
وبيني وبينك اعرف كم اسم والصفات انطبقت بالضبط