[Buca]

السلام عليكم

انا كنت عايز استفسر علي حاجة ضرورية وارجو كل اللي يعرف عنها حاجة يقولنا عشان في ناس اكيد عايزة تعرف وبرضو الفائدة تعم

انا كنت عايز اتدرب في الحجوزات في مصر للطيران بس مش عايز اخد الكورس التدريب انا عايز اروح يوم بيوم كدة يعني وانا كنت سمعت ان اليوم ب 100 جنية او الاسبوع تقريبا فمش عارف هل الكلام دة صح ولا لا ولو مش صح اية اللي المفروض يتعمل عشان اروح اتدرب هناك واية المتطلبات سن ومؤهل واوراق
ولو صح المفروض اروح فيين اطلب التدريب دة او اسال علية فين

ارجو كل اللي يقرا الموضوع ويعرف حاجة يفيدني وبسرعة ضروري واسف عالاطالة وشكرا

[safarycenter]

شوف ياريس اللى اعرفه انك لازم تكون فى كلية وكمان اسبوع التدريب ب100 جنيه واقل حاجة اسبوعين تدريب ولو انت ابناء عاملين فى مصر للطيران او ليك قريب هيكون المبلغ النصف على طول

ممكن تكون معلوماتى ناقصة لان الكلام ده من 3سنوات مش عارف ايه الوضع حاليا

[Buca]

شكرا يا باشا علي الافادة بس دة يبقي رخيص قوي
وكمان كل الناس ممكن تروح تتدرب
بس في سؤال
هو انا ممكن اخد الكورسات في اي سن بس بشرط يبقي معايا البطاقة صح
هتفرق اية لما اروح اتدرب وانا في الكلية او وانا في ثانوية عامة مثلا ما انا كدة ولا كدة ممكن اخد التدريب بالفين 2000 جنية بعد ما اخد الثلاث كورسات البيسك وبرضو هتدرب بس مش وانا في الكلية
ياريت حضرتك ترد عليا وتقللي ممكن ولا لا وكلامي صح ولا غلط
واسف عالاطالة
وشكرا

[reda1920]

والله يا برنس انا رايي انك تخليك في دراستك حاليا لانك لو اخدت لكورسات دي دلوقتي اكيد هتنسي كل حاجه

بس ده ميمنعش انك تبقي متابع المجال ده وتعرف عنه كل جديد علشان لما تبقي تيجي تبدأ تبقي عارف انت بتعمل ايه ويبقي عندك كل المعلومات الكافيه


والله الموفق والمستعان

[nohayaa]

[QUOTE=Buca;1111614]شكرا يا باشا علي الافادة بس دة يبقي رخيص قوي
وكمان كل الناس ممكن تروح تتدرب
بس في سؤال
هو انا ممكن اخد الكورسات في اي سن بس بشرط يبقي معايا البطاقة صح
هتفرق اية لما اروح اتدرب وانا في الكلية او وانا في ثانوية عامة مثلا ما انا كدة ولا كدة ممكن اخد التدريب بالفين 2000 جنية بعد ما اخد الثلاث كورسات البيسك وبرضو هتدرب بس مش وانا في الكلية
ياريت حضرتك ترد عليا وتقللي ممكن ولا لا وكلامي صح ولا غلط
واسف عالاطالة
[SIZE=5]وشكرا[/

ربنا يوفقك يارب

في حاجة موش قادرة افهمها .. تدريب اية اللي بي 2000 وبعد كورس الثلاثة البيسك

ممكن توضح لي !!!!

[Buca]

الكورسات في مصر للطيران 4
اول حاجة 3 كورسات كل كورس 10 ايام ب 1000 جنية كل كورس يعني 3000 جنية ودول بيسك
تاني حاجة كورس اماديوس عملي ودة تقريبا فية تدريب ب 2000 جنية برضو 10 ايام
الكلام دة اي حد يقدر يقدم علية
لكن اللي انا بتكلم فية هو التدريب اني اروح علي طول مكتب مصر للطيران واتعامل مع النظام ومعايا الموظف يساعدني ويفهمني الكلام دة احسن من الكورسات بكتير

يارب تكون المعلومة وصلتلك
واي طلب او استفسار انا في الخدمة