[أبوسليمان]

السلام عليكم
هلا شباب اشلونك ؟؟؟
صح كلامكم وكلامكم وايد حلوو بس في شباب مو مستعدين يروحون يدرسون وكلفون علي عمرهم والتكلفه مو شويه طبعا
وبدون قبول من الي خطوط يعني مجازفه وبعدين يقولولهم احنا مكتفين طيارين
وطبعا بعدين يروحون خطوط اجنبيه ويسوي معاهم عقد 6 سنوات او اكثر عايش بره ديرته

[KUWAIT ATC]

انا عن نفسي اقبل اني اعمل بره 5 او 6 سنين..........لاحول ولا قوة الا بالله.......هذا حلمي ولازم احققه


وبعدين تخيل انك تدرس دكتوراه بره نفس الشي :p

[s-a-l-e-m]

عبدالمجيد " ماضنتي"

الله كتب لي في الماضي وداعك
كن ضياعي إنكتب لي من ضياعك
ضيّعتني حسبي الله عليك
وتقول إنّ الوفا هو من طباعك
ماظنتي

ضيّعتني حسبي الله عليك
:ANSmile15:

[أبوسليمان]

السلام عليكم
هلا اخوي kuwait atc
الحلو الواحد انه يحقق حلمه بس لا يشد علي نفسه و يتغرب بره ديرته
بس الدكتوراه لما ترجع ديرتك مايقولولك عندنا اكتفاء دكاتره
بس انشاله انشاله انشاله يتحقق حلمك

[s-a-l-e-m]

السلام عليكم

هلا شباب شنو اخر التطورات

في طيران ولا مافي

وياريت ابي نصايحكم لان خلاص وصلت عندي حدها
مافي وقت للانتظار


ابي نصايحكم شنو اسوي
من دون ما استخدم الواسطه
؟؟

[RVMinds]

السلام عليكم

يا هلا بالشباب
انا كويتي و طموحي اجازف و اكون طيار
بس بعد ما اخلص الثانويه (الله يسهل)

لكن الله يوسع عليكم ويسهل دربكم اشوفكم متعسرين و ماكو وظايف ؟

و انا غير ملم بعلوم الطيران كلش
لكن شنو سبب تفضيل الكويتيه على الغير ؟
و شنو الشهادات المقبوله لكل الخطوط جويه؟

وهل صعبه دراستها ؟

وللامانه انا غير مهتم للمعاش لان الى بقطه عالشهاده دبل المعاش
لكن احب التنقل الحر بين البلدان لكن مادري شلون طبيعه وظيفه الطيار دوام يوميا ولا مره بالاسبوع او شلون



وشنو ppl acp atp

وشلون اعرف الطيارات وانواعها و ايضا الافضليه منها

و اكاديميات الطيران من ناحيه الجوده والسعر والمؤهلات

وقواكم الله

[KUWAIT ATC]

اقتباس:     المشاركة الأصلية كتبت بواسطة RVMinds  

السلام عليكم

يا هلا بالشباب
انا كويتي و طموحي اجازف و اكون طيار
بس بعد ما اخلص الثانويه (الله يسهل)

لكن الله يوسع عليكم ويسهل دربكم اشوفكم متعسرين و ماكو وظايف ؟

و انا غير ملم بعلوم الطيران كلش
لكن شنو سبب تفضيل الكويتيه على الغير ؟
و شنو الشهادات المقبوله لكل الخطوط جويه؟

وهل صعبه دراستها ؟

وللامانه انا غير مهتم للمعاش لان الى بقطه عالشهاده دبل المعاش
لكن احب التنقل الحر بين البلدان لكن مادري شلون طبيعه وظيفه الطيار دوام يوميا ولا مره بالاسبوع او شلون



وشنو ppl acp atp

وشلون اعرف الطيارات وانواعها و ايضا الافضليه منها

و اكاديميات الطيران من ناحيه الجوده والسعر والمؤهلات

وقواكم الله

هلا اخوي...........والله مافي مشاكل لكن البعض يفضل الكويتيه....بس جذي:iconloli:

في مشاكل بسيطه انه شركات الطيران مو قاعد تدرس طيارين على حسابها......او تعطيهم عقد ضمان وظيفي على الاقل



اما عن الدراسه فالدراسه سهله ويفضل تكون في كلية اوكسفور او كاب ايري او اتلانتيك سيتي وكلهم في بريطانيا......


الPPL و CPL وATPL هذي اللياسن الخاصه بالطيران

PPL = ليسن الطيار الخاص........وهو اول ليسن راح تاخذه
CPL = ليسن الطيار التجاري.......هذا الثاني وهذا يعتبر كافي لبعض الشركات.....لكن الحين الشركات الكبيره مايكفيها هذا الليسن
ATPL= هذا ليسن طيار الخطوط الجويه وهو اقوى الشي airline transport pilot

وطبعا كلهم تركبهم....يعني الاول تجيب ppl وبعدين cpl وبعدين atpl:iconloli:

انت لا تهتم لهالسوالف هذي.........كليات الطيران تدربك من الصفر الى الاحترافيه بسعر مناسب 28 الى 35 الف

[b.meriem]

السلام عليكم . أنا مغربية الجنسية و مقيمة بالمغرب ،حاصلة على شهادة البكالوريا+سنة اولى جامعة و أريد أن أدرس الطيران لكي أصبح طيارة معتمدا لدى طيران الامارات . فما هي متطلبات الدراسة هناك ؟
ليس لي اهل هناك

[KUWAIT ATC]

والله يا اختي طيران الامارات بالنسبه لواحد مو اماراتي..............حلم ابليس بالجنه

[s-a-l-e-m]

اقتباس:     المشاركة الأصلية كتبت بواسطة KUWAIT ATC  

والله يا اختي طيران الامارات بالنسبه لواحد مو اماراتي..............حلم ابليس بالجنه

هههههههههههه تطلع جنسية ومالوه :iconloli:

[كوك]

ياحليلكم ياهل الكويت كلكم تتمنون الطيران وطيراتكم كلها ماتتعدى 20 طياره !!!

[KUWAIT ATC]

لا والله ياخوووووووك غلطااان...........
يران الجزيره عنده 16 طياره و 30 بالطريق...........ونفس الشي مع طيران الوطنيه........والكويتيه بسبب خصخصتها قلت طائراتها ورحلاتها لكنها راح تعود............ثانيا يكون بمعلومك عدد الطيارين الكويتين مايتعدى ال400

وبعدين شكو 18 طياره!؟........الكويت لو تبي تشتري مصنع ايرباص وبوينج نفس السلام عليكم............لكن اصلا احنا ككويتين مو محتاجين عدد كبير من الطائرات

ولاتنسى في طائرات عسكريه وطائرات شحن وطائرات خاصه للتاجير وغيرها ;)

[هوايتي الطيران]

اقتباس:     المشاركة الأصلية كتبت بواسطة KUWAIT ATC  

لا والله ياخوووووووك غلطااان...........
يران الجزيره عنده 16 طياره و 30 بالطريق...........ونفس الشي مع طيران الوطنيه........والكويتيه بسبب خصخصتها قلت طائراتها ورحلاتها لكنها راح تعود............ثانيا يكون بمعلومك عدد الطيارين الكويتين مايتعدى ال400

وبعدين شكو 18 طياره!؟........الكويت لو تبي تشتري مصنع ايرباص وبوينج نفس السلام عليكم............لكن اصلا احنا ككويتين مو محتاجين عدد كبير من الطائرات

ولاتنسى في طائرات عسكريه وطائرات شحن وطائرات خاصه للتاجير وغيرها ;)

30 طيارو بالطريق هاذي أول مرة أسمع فيها معلومة جديدة

ولا عليك أمر ........ ممكن أعرف شنو نوع الطيرات أخوي بما إنك ذكرت الموضوع

[KUWAIT ATC]

طيران الجزيره طالبها طائرات a320 ونفس الشي مع طيران الوطنيه

[KUWAIT ATC]

وعددهم 30 بالنسبه للجزيره واتوقع ايضا عدد قريب منه بالنسبه لطيران الوطنيه

[RVMinds]

اقتباس:     المشاركة الأصلية كتبت بواسطة KUWAIT ATC  

هلا اخوي...........والله مافي مشاكل لكن البعض يفضل الكويتيه....بس جذي:iconloli:

في مشاكل بسيطه انه شركات الطيران مو قاعد تدرس طيارين على حسابها......او تعطيهم عقد ضمان وظيفي على الاقل



اما عن الدراسه فالدراسه سهله ويفضل تكون في كلية اوكسفور او كاب ايري او اتلانتيك سيتي وكلهم في بريطانيا......


الPPL و CPL وATPL هذي اللياسن الخاصه بالطيران

PPL = ليسن الطيار الخاص........وهو اول ليسن راح تاخذه
CPL = ليسن الطيار التجاري.......هذا الثاني وهذا يعتبر كافي لبعض الشركات.....لكن الحين الشركات الكبيره مايكفيها هذا الليسن
ATPL= هذا ليسن طيار الخطوط الجويه وهو اقوى الشي airline transport pilot

وطبعا كلهم تركبهم....يعني الاول تجيب ppl وبعدين cpl وبعدين atpl:iconloli:

انت لا تهتم لهالسوالف هذي.........كليات الطيران تدربك من الصفر الى الاحترافيه بسعر مناسب 28 الى 35 الف

هلا اخوي كويت
حياك الله
ويعطيك الف عافيه على شرح الرخص
بس
شمعنى بريطانيا و امريكا ؟

انا شفت اشخاص يفضلون اكاديميه الاردن و الامارات بس بسئلك ومادري اذا معتمده عندنا او لا

شنو مفهوم المعتمد عندنا بالكويت ولا مجرد اسنخدام فيتامين واو ويصير معتمد ؟

و دزلي ايميلك بالخاص يالغالي بتواصل معاك

[RVMinds]

اقتباس:     المشاركة الأصلية كتبت بواسطة أبوسليمان  

السلام عليكم
هلا شباب اشلونك ؟؟؟
صح كلامكم وكلامكم وايد حلوو بس في شباب مو مستعدين يروحون يدرسون وكلفون علي عمرهم والتكلفه مو شويه طبعا
وبدون قبول من الي خطوط يعني مجازفه وبعدين يقولولهم احنا مكتفين طيارين
وطبعا بعدين يروحون خطوط اجنبيه ويسوي معاهم عقد 6 سنوات او اكثر عايش بره ديرته

يعطيك العافيه اخوي بو سليمان

بس ما اظن خطوط اجنبيه تاخذ عربي وتوظفه عندها
وحتى احنا كعرب عندنا هالشي وكل دوله تاخذ من مواطنيها
عنصريه
كمثال الخطوط الاماراتيه ماتقبل غير الاماراتي

:)

[كوك]

اقتباس:     المشاركة الأصلية كتبت بواسطة RVMinds  

يعطيك العافيه اخوي بو سليمان

بس ما اظن خطوط اجنبيه تاخذ عربي وتوظفه عندها
وحتى احنا كعرب عندنا هالشي وكل دوله تاخذ من مواطنيها
عنصريه
كمثال الخطوط الاماراتيه ماتقبل غير الاماراتي

:)

لاعنصريه ولاشي بلعكس الخطوط الاجنبيه تحترم اكثر من العربيه ونصيحه للي درس الطيران وماتوظف اتجهوا الي الخطوط الصينيه محتاجه طيارين من اي جنسيه وشروط يحبه قلبكم وراتب يتعدى 60 الف ريال بالشهر وعندي بعض الروابط للتوظيف ولكن المشكله عقد 5 سنوات يعني غربه طويلة..

[أبوسليمان]

السلام عليكم
يعطيكم العافية شباب
ويعطيكم العافية علي الردود الحلوه والوافيه
بس حبيت اذكركم بخصوص القبول بخطوط الخليجية مثل الاماراتية والكويتية والقطرية
هذول شركات معروفه ما تقبل مني والدرب إذا مارحت عن طريقهم انسى انك راح تشتغل عندهم وبعدين الاماراتية والقطريه والكويتية يبون مواطنين
وحتي لو يبون اجانب مو اي واحد راح قدم اقبلوه يا شباب في شي اسمه خبره وعدد ساعات مو اقل من 3000 ساعه او اكثر وهذا العدد مو شوي هذول خطوط معروفه تمثل الدول مو خطوط خاصه
وشاكرلكم *

[s-a-l-e-m]

اقتباس:     المشاركة الأصلية كتبت بواسطة كوك  

ياحليلكم ياهل الكويت كلكم تتمنون الطيران وطيراتكم كلها ماتتعدى 20 طياره !!!

اي والله كلامك صح لكن. مستغرب منه انه ثروه الكويت تصل ضعف ثروة الامارات تخيل قارن. شركات الطيران في الامارات و في الكويت ً... شي ما يدخل العقل

[s-a-l-e-m]

السلام عليكم

شباب أنا تعب من خياس الكويتية و الطيران المدني الكويتي
وصلت لمرحله جنونية

خلاص أنا تعبت وحاولت أني ادخل مجالات ثانية وفعلا دخلت ولكن
ماقدرت اكمل حاولت اكثر من مرة

ابي طريقه أتقبل الواقع وأعيش مثل باقي الشباب
الحين صارلي سنه لا دراسه ولا شي قاعد بالبيت
شباب ابي أتقبل الواقع قووولولي شلووووون

[كوك]

اخي:s-a-l-e-m
الامارات السياحه والاجانب اكثر من الكويت عشان كذا مجال الطيران عندهم متطور اما اذا تبي حل انا عندي ايميل كابتن طيار بالخطوط الكويتيه وانت اسئله كل اللي تبي ويخبرك بعد كذا قرر وش تسوي واللي كاتبه ربك بيصير..

[s-a-l-e-m]

اقتباس:     المشاركة الأصلية كتبت بواسطة كوك  

اخي:s-a-l-e-m
الامارات السياحه والاجانب اكثر من الكويت عشان كذا مجال الطيران عندهم متطور اما اذا تبي حل انا عندي ايميل كابتن طيار بالخطوط الكويتيه وانت اسئله كل اللي تبي ويخبرك بعد كذا قرر وش تسوي واللي كاتبه ربك بيصير..

هلا اخوي والله يعطيك العافية انك ودك تساعدني باي
طريقه جزاك الله خير .... لكن انا اعرف طيارين بالكويتية معرفه شخصية ما فادوني بشي هاذا مثلهم الطيارين مساكين ما بيدهم شي

[s-a-l-e-m]

اخبار تعيسه


الكويتية بتخصخص انشالله تاريخ 19 مارس 2011


سيتم طرد كل من دخل بواسطه و سيتم طرد عدد من الطيارين يعني الزبده بياخذون الي محتاجينه على 17 طياره مالتهم هه

والباقي مع السلامه


وراح تصير صعبه حيل على الي مثلنا الي توه ما درس ولا شي


الله يلعن الي كان السبب


يارب ارني فيه عجائب قدرك

وان كان ميت

يارب احرقه بقبره مثل ما حرقني

[هوايتي الطيران]

اقتباس:     المشاركة الأصلية كتبت بواسطة s-a-l-e-m  

اخبار تعيسه

الكويتية بتخصخص انشالله تاريخ 19 مارس 2011

سيتم طرد كل من دخل بواسطه و سيتم طرد عدد من الطيارين يعني الزبده بياخذون الي محتاجينه على 17 طياره مالتهم هه

والباقي مع السلامه

وراح تصير صعبه حيل على الي مثلنا الي توه ما درس ولا شي

الله يلعن الي كان السبب

يارب ارني فيه عجائب قدرك

وان كان ميت

يارب احرقه بقبره مثل ما حرقني

طول بالك شفيك شبيت عليهم

هدي شوي إن شاء الله ربك يسرها

[Eng.Noor]

اقتباس:     المشاركة الأصلية كتبت بواسطة s-a-l-e-m  

اخبار تعيسه

الكويتية بتخصخص انشالله تاريخ 19 مارس 2011

سيتم طرد كل من دخل بواسطه و سيتم طرد عدد من الطيارين يعني الزبده بياخذون الي محتاجينه على 17 طياره مالتهم هه

والباقي مع السلامه

وراح تصير صعبه حيل على الي مثلنا الي توه ما درس ولا شي

الله يلعن الي كان السبب

يارب ارني فيه عجائب قدرك

وان كان ميت

يارب احرقه بقبره مثل ما حرقني

تفاءلوا بالخير تجدوه :)

[s-a-l-e-m]

حبايبي لازم نشوف حل

بيت بيت دار دار زنقه زنقه

غير الواسطه

[kuwait-Towers]

السلام عليكم ورحمه الله وبركاته
مساء / صباح الخير
قريت كل موضوعكم وبكل صراحه اكتشفت انه فيكم اشوي يأس وخمول وكل شخص ينتظر من الثاني جواب
دائما نقول الكلام ماخوذ غيره
اخذوا الفعل لاتاخذوا الكلام
ولكل مجتهد نصيب .. اسعى ياعبدي وتوكل علي وابارك سعيك
وادعوا الله ان الله لايضيع اجر من احسن عملا
سالفه الكويتيه وكلام الواسطات كل مكان بالعالم فيه واسطات بس بس عندنا ( بالعرب ) كثير منها
وانا نفسي وبعيوني الثنتين داش غرفه الكابتن وفيها شخصين طيار كويتي ومساعد طيار اجنبي او العكس
وعلى فكره الطياران ماعندهم عنصريه حق ابناء وطنه ولاكن عندهم شروط معينه لقبولك كا طيار
عالعموم اتمنى لكم التوفيق وشدوا حيلكم وعسى الله يوفقكم ان شاء الله ونلتقي وياكم يوما على متن طائره ويقودها الكل منكم
استودعكم الله وتقبلوا مروري

[zezo011]

شباب شنو رايم اتوكل على الله وادرس عن طريق طيران الجزيرة, قالو لي قدم اوراقك والدراسة على احسابك وراح تضمن الوظيفة وبالنسبة للكويتية ما كو فايدة قالو كلم مدير العمليات ممكن يساعدك *

[هوايتي الطيران]

اقتباس:     المشاركة الأصلية كتبت بواسطة zezo011  

شباب شنو رايم اتوكل على الله وادرس عن طريق طيران الجزيرة, قالو لي قدم اوراقك والدراسة على احسابك وراح تضمن الوظيفة وبالنسبة للكويتية ما كو فايدة قالو كلم مدير العمليات ممكن يساعدك *

أخوي إذا درست عن طريق طيران الجزيرة ما تدفع شي بس اعتقد لازم يكون عندك ضمان بنكي يعني مبلغ معين . وبعدين أنا كلمتهم ما يقلولك أي شي عن طريق التلفون كل ما أسألهم شي يقول تفضل عندنا بالمطار وبتلقى الجواب على كل أسألتك

أنت كلمتهم ولا رحت لهم المطار ؟