[قايدة-الغزلان]

اممم الحمدلله اجتزت أول امتحان الفيزيا و الماث ..
و باجر عندي انجليزي ..الي خوفتي الريال قال صعب و يباله ><
كيف يعني ؟؟ اذا حد عنده فكرة عن الموضوع بلييز ><

[uaeson]

انا اليوم امتحنت الماث كان سهل بس الفزيكس ماعرف كيف ممم مع اني كنت متحمس انه الفزكس سهل بس طلعت ناسينه من 2007 بل خخ

انت متى ردو لكم خبر عقب ها الامتحانين لان ابا اعرف شو سويت بموت ابا امتحن الانجليزي ادعو لي يااااااااااااااااااااااااااااااااااااااااااااااااا اااااارب

[uaeson]

قايدة الغزلان

متى سويتي الامتحان ومتى ردو عليج

[أبو احمد]

يسلموووووووو

[uaeson]

up up

ابوس ايديكم حد يرد علي محتاج اسألة الفزياء ضروووووووووووووووووووووووووووووووري

[airalgerie]

شكرا لك أخي وأتمنا لك من كل قلبي ان تحقق حلمك وأن تنجح في الإمتحان لكي تصبح طيارا
تقبل تحياتي

[uaeson]

up up

بليز جماعه ابا الفزياء شو السالفة الله يخليكم اللي ماعنده لا يطلع برع الموضوع لان حطيت موضوع يديد ويباله وقت شكله وماعندي

[uaeson]

up up up up up up

[alkhaja5]

انا ياخوي امتحنت السنه اللي طافت ونجحت بس كيف الله اعلم احيد ان كان غلس


بس نسييييييت كل شي

وعندي امتحان يوم الاحد


اللي انصحك فيه تدرس الخصائص وماحيد شو بعد :(

[alkhaja5]

ـ غيرو طريقه الامتحانات النموذج مايفيد عليكم على المساءل الكلامية الفيزيا والماث مع بعض

[كابتن مهره]

للحين ماردو عليه
انا من تاريخ 4/7 امتحنت الرياضيات والفيزيا وللحين ماتصلو ولا ححدولي موعد امتحان غيرهم
وسويت التوفل بعد
ومايردون يوم اتصل
شو الحل

[alkhaja5]

والله يا اختي بما ان ماردو عليج اتوقع انج رسبتي....

لان نحن ردو علينا وامتحنا الانقلش و السايكوموتر من كمن يوم ..

نحن امتحنا اول 8 الفزكس والماث

[Єℓ мαηṡσυяi ✿]

..![ تسلم خويه ع النموذج !

هم يمتحنونـآ

[ ريآضيآت & فيزيآ & انجليزي ] بس ؟!

و كيف انعرف شو الدروس اللي لازم انذاكرهآ ؟؟!

أحس يبآآآله و رد خويه اللي فوقيه وترنيه ازيآدهـ !

لاهنت خويه و لك منيه تقييم . .

[alkhaja5]

السلام عليكم يااخواني وخواتي


لاتذاكرون من النموذج

الامتحانات تغيرت هذا كان على النظام الجديم


والامتحان الحين ماث وفزكس مع بعض حوالي 22 سؤال لنص ساعه حوالي
مسائل كلاميه

و بعدين شي امتحان الحسابات سهل هذا..

عقب اذا نجحتو بتمتحنون انقليزي..والانقليزي الحمدالله وااااااااااااااايد سهل مايباله شي...

وان شاءالله اذا نجحتو في الانقليزي بتمتحنون السايكوموتر اللي هو بالكمبيوتر مدته ساعتين..يباله تركيز وفهم وسرعه وحفظ....
وان شاءالله يوم بتنجحون شي امتحان السوموتر شي جي مادري شو اسمه بالظبط


هذا مثل امتحان ال IQ و اسئلة لتحليل الشخصيه...
عقبها ان شاءالله شي القروب...

ايمعون قروب من 8 حوالي ويعطونهم اسئلة يجاوبونها مع بعض او روحهم ويشوفون كيف الشغل

عقبها الفحص المبدئي مال النظر قصر وطول وعمى الالوان والوزن والطول وعزكم الله البول...


وعقبها يودون السفاره حق الفيزا...و الانترفيو و اذا اوكي يبتدي الفحص الشامل......



السنه اللي طافت نجحت في كلشي ووصلت عند الانترفيو بس ماسويته لاني مانقبلت عشان الفحص

لان نظريه كان -3.25 وكان عمري 20

الواحد لو كان نظره اقل عن -3
لازم يكون عمره فوق 21 عشان يقبلونه.....


الحين وصلت لامتحان ال IQ وان شاءالله خير


الله يوفقكم يا اخواني وخواتي وان شاءالله خير...

شدو حيلكم.....


ولاتعتمدون على النموذج لان ولاشي يا منه
100% غير......

النظام تغير


اختكم
alkhaja5

[كابتن مهره]

اليوم سويت اعاده الماث والفزكس وانشااالله انقبل يارب

[Єℓ мαηṡσυяi ✿]

اقتباس:     المشاركة الأصلية كتبت بواسطة alkhaja5  

السلام عليكم يااخواني وخواتي


لاتذاكرون من النموذج

الامتحانات تغيرت هذا كان على النظام الجديم


والامتحان الحين ماث وفزكس مع بعض حوالي 22 سؤال لنص ساعه حوالي
مسائل كلاميه

و بعدين شي امتحان الحسابات سهل هذا..

عقب اذا نجحتو بتمتحنون انقليزي..والانقليزي الحمدالله وااااااااااااااايد سهل مايباله شي...

وان شاءالله اذا نجحتو في الانقليزي بتمتحنون السايكوموتر اللي هو بالكمبيوتر مدته ساعتين..يباله تركيز وفهم وسرعه وحفظ....
وان شاءالله يوم بتنجحون شي امتحان السوموتر شي جي مادري شو اسمه بالظبط


هذا مثل امتحان ال IQ و اسئلة لتحليل الشخصيه...
عقبها ان شاءالله شي القروب...

ايمعون قروب من 8 حوالي ويعطونهم اسئلة يجاوبونها مع بعض او روحهم ويشوفون كيف الشغل

عقبها الفحص المبدئي مال النظر قصر وطول وعمى الالوان والوزن والطول وعزكم الله البول...


وعقبها يودون السفاره حق الفيزا...و الانترفيو و اذا اوكي يبتدي الفحص الشامل......



السنه اللي طافت نجحت في كلشي ووصلت عند الانترفيو بس ماسويته لاني مانقبلت عشان الفحص

لان نظريه كان -3.25 وكان عمري 20

الواحد لو كان نظره اقل عن -3
لازم يكون عمره فوق 21 عشان يقبلونه.....


الحين وصلت لامتحان ال IQ وان شاءالله خير


الله يوفقكم يا اخواني وخواتي وان شاءالله خير...

شدو حيلكم.....


ولاتعتمدون على النموذج لان ولاشي يا منه
100% غير......

النظام تغير


اختكم
alkhaja5

خيبه وآيد امتحانات ><" !!!

هم ما يسألونج شو اتريدين بالضبط يعني اي مجال في الطيران ؟؟!

[uaeson]

شباب سؤال بلييييييييييييييز

انا امتحنت الاسبوع اللي طاف الخميس نفس اللي قلتو عليه وهو كان ثاني مره بالنسبة لي اللحين ماردو لي خبر لليوم بكمل اسبوع باجر شو السالفة هم يطولون يعني هل كثر

احاول اتصل بعبد الرحيم مااااااايرد حرقت تلفون مكتبهم


صراحه انا ابا اعرف عسبت لو لا اشوف لي مدرسة واروح ادرب ماريد اضيع وقت


منو امتحن امتحان اعادة او يوم الخميس اللي طاف ودقو له اففففففففف بموت بنجلط من التفكير بليز بليز ردو علي

[uaeson]

كابتن مهره انتي بـأي يوم يوم الخميس ؟؟؟؟؟

شكلج كنتي بدفعتي خخخ مايت اسلم عليج

[Єℓ мαηṡσυяi ✿]

هههههههههههههههههههه جلطه مره وحده !

و ان شاء الله اتسلم ع الكابتن مهره في المرات اليايه !!

انته سجل في كذا مكان , ,

جآن مآ ردو عليك يعني راسب للأسف !

بس انته حاول تتصلبهم بأي شكل من الأشكال

[uaeson]

لانهم يقهرون

لا بالعادة انا يتصلون بي ويقولون لي راسب من جي مستغرب

هاي المره لا حس ولا خبر

المشكله انا اوردي مهندس طيران وماله داعي ايلسوني كل ها الاختبارات

افففففففففففففف هيه ياخوي الواحد ينجلط من ها الاسلوب الحلو اللي يعاملون فيه الناس ش بيستوي بهم لو ردو على التلفون علشان الواحد يعرف راسه من ريله ومايتوهق ويسجل في مدرسة ولا شي

[كابتن مهره]

هههه
لا لا انا البارحه مسويه الامتحان
وانشالله يردون علي ويقولون اني نجحت

الله يسمع منك المنصوري واستوي كابتن

واخوي انته مهندس وانا انشالله كابتن to be يعني مب في دفعتك هههه

[alkhaja5]

هممم...في بعض الامتحانات كنسلوهن على ماظن


مثل القروب...واتوقع الاسبوعين الحين يودون راس الخيمه مب مثل اول برع الدوله...
النظام تغير اشوي..لين الحين من الفزكس والماث لين الساكوموتريك والتجييك المبدئي يكون قبل السايكومتروك متأكده منهم... الباقي ان شاءالله اذا نجحت في امتحان اليوم بقولكم شو بيكون عقب....



اخواني تفاؤلو بالخير...
وانا انصحكم تتصلون عقب 7 او 8....


بس ها كان قبل رمضان الحين ماعرف كيف توقيتهم في رمضان...ماشاءالله عليه عبدالرحيم ماينعرف توقيته.....



خير ان شاءالله...شدو الهمه...عشان نكون ظربه :D


المنصوري شو قصدك ان يسؤلونك...؟؟

يعني مهندس ولا طيار او طيار بشكل عام...؟؟؟

انا اللي اتكلم عنه الحين عن الطيارين.....

[uaeson]

وييييييييييييييييييييه شكلنا مطولين جماعه يوم مهره امس مسوتينه انتي متى بيردون لج الشهر الياي هيه شكلج مب دفعتي للاسف خخخخ جان حصلت حد اعرفه عنبو ماعرف حد اخر متحان يلست اتصدد يمين ويسار خخخ شكلي كان اهبل شوية يالس اقول بخاطري منو بيصير طيار فينا ياترى

اللي قاهرني مايردون على التلفون بطو جبدي بط استغفر الله ابا اسجل بمدرسة طيران جان مابيقبلوني فكونا بس يلوعون بجبد الواحد

مادري خلو القروب هني شغال واي شيء يصير بليز حطوه بليز بس الطيارين


انا يوم الاحد بطرش ربيعي يتخبر هو يداوم هناك خل يشوف السالفة ترى ماصارت لاعت جبدي بالله متى يعني انا اوني ماخذ ليف من دوامي واتخقق جدامهم يمكن مارد اقولهم خخخخ وين بودي ويهي خخخخخخخ يلا انشاء الله خير يااااااااااااااارب كثفو دعواتكم وخلونا متفألين بها الشهر الكريم يارب يوفقكم ويوفقنا

[كابتن مهره]

بس الله اييسر ويوفق الكل انشالله
والله انا على اعصابي :s

[uaeson]

يلا انا بيب الخبر اليقين من عندهم الا مايب قرارهم خخخخ على قولة رضيعتي انا زلقة خخخ ماعندي كرامة

وانتي لو اتصلو بج ولا شيء بليز بعد حطي وانا نفس الشيء عسبت نعرف

انا اول مره طولو لين ماقول لي تعال عيد طلعو روحي ها وكان امتحان كمبيوتر ها بعد ورق يعني اعتقد بيعمر عندهم شوية انا اتوقع الاسبوع الياي بتيصلون بنا

وتستمر حملة حرق تلفوناتهم مايب بهم الا جي خخخخ

[كابتن مهره]

ههههه
وانت الصادق والله
انا ماعرفت انه في اعاده الين ماتصلت فيهم وقالولي نفس اليوم الي اتصلت فيه ان شي امتحان اعاده وسويته والحين اتريا النتايج
والله يعين ويصبرنا

[uaeson]

ماعليه نذل عمارنا شوية عشان نوصل للي نباه
وبعدين هاي بلدنا ولنا حق احسن مايوظفون المهنده وغيره

[ميثاء ع]

السلام عليكم ورحمة الله وبركاته

مرحبا فيكم أخواني ..
كل عام وانتوا بخير ومبروك عليكم الشهر

أنا معاكم كنت بالامتحان يوم الخميس 12/8
وكان أول امتحان لي صعب وايد مب متأكده الا من سؤالين
لاني متخرجة من 5 سنين ومعلوماتي والله انها عليها غباااار ..
والامتحان الثاني كان سهل وااايد كله يعتمد عالحاسبة ..

أتريا انهم يردون علي بفارغ الصبر مثلكم ..
وقبل ما اطلع كلمت الأخ اللي امتحنا وقلت له متى بتكون النتايج
قال آخر الاسبوع ان شاء الله بنتصل لكم وبنبلغكم ..

والله قاعده انتظر على أحر من الجمر ..

الله يوفقكم وأشوفكم كلكم طيارين ..

[uaeson]

طع ميثاء عيل والله انه جذاب تخيلي شو قالي انا قال لي اليوم ولا باجر حتى انا فججت عيني تيمت اطالعه جي انه تتمصخر علي حضرتك شو خخخ

مممم انتي كنتي البنت الوحيده اللي في القاعه اذا جي يعني انتي دفعتي لان كانت ويانا بنت وحده بسسس ها اللي شفته

عيل انا شو اقول انا متخرج مب من خمس انا من 2003 خخخ بس دارس هندسة طيران ببريطانيا بس والله مول مايخصه الهم انا خبصت الدينا


يلا بنتريا واللي بالجدر يطلعه الملاس

اول مايردون عليج ياختي لا تنسين الله يخليج اكتبي وانا نفسج اذا ردو عليه بكتب والله كريم عنبو اليوم الاثنين متى بعد

[ميثاء ع]

هلا بك اخوية / uaeson

أنا كنت دايرة جدام وفي وحده بعد دايره ورا شفتها وأنا طالعه من الامتحان من كثر الشباب اتلومت أطالع كنت منزلة راسي لين ما امتحنت وطلعت .. بروحي كنت متاخرة وضيعت وايد لين وصلت الكلية .. وبعدين أنا امتحنت الخميس 12/08 .. انته الخميس اللي قبله 05/08

اما بخصوص الأخ (ما عرفنا على اسمه) بس مبين عليه لبق وايد .. شكله ما يريد يقول لنا متى علشان ما نحرق تيلفوناتهم .. بس انا سالته متى بتردوا قال على نهاية الاسبوع ان شاء الله قلت له واذا رسبنا قال بعد بنرد عليكم ..

وان ردوا علي بطمنك يا أخوية ..
ما كنت متوقعه هالفرصه تييني .. وصارت كل تفكيري الحين ..
ان شاء الله كلنا ننجح ونستوي طيارين ..

و ما عليك لا اتحاتي في اعادة على شهر 12 على ما اعتقد ..
الله يوفقنا يا رب ..