[تفـارق]

يا رب تطلع النتائج في اقرب وقت ،

ويا رب يطلع اسمي وما يطلع :(

وربي ودي انه يطلع لاني ابي الكليه ،
و ودي انه ما يطلع عشان شغله ثانيه ..


ما اقول الا ( الله يكتب اللي فيه الخير )

[yasser_vip]

ششبآآب ظنكم اللي مايقبلونه كطيار يحولونه فني
ادري انههم يقولون لن يتم تحويل اي طالب الى تخصص اخر لكن السنه اللي فاتت كان نفس الكلام وفيه طلاب حولوهم

[Sultan RT]

اذا كنت كاتب لك رغبة ثانية في الورقة الي في اختبار اللياقه

بيحولونك لها او للرغبة الثالثه او الرابعه او الخامسه

اذا ما كنت كاتب ولا رغبه غير الطيار ولا قبلوك طيار خلاص مايحولونك والكلام هذا قالوه قبل ما يعطونك الورقه

ان شاء الله ظهور النتائج قبل يوم الاربعاء

والله يوفق الجميع ..

[fisail]

اذا ما كنت كاتب ولا رغبه غير الطيار ولا قبلوك طيار خلاص مايحولونك والكلام هذا قالوه قبل ما يعطونك الورقه

ما يقال غير وما يتم فعله غير ...

< اسئل مجرب ولا تسئل خبير هههههه

~

ههههههه يب يب انا فنليه سوداء < ما شاء الله شلون تذكرني !؟
انا ما اعرف بالكليه بالغصب احفظ اشكالهم كيف اسمائهم ! ..
هههه يا رب نجتمع واحلا فله بالـ 45 يوم < عز الله متنا ~

[Sultan RT]

الله يستر

الحين انت فكر بالقبول والكشف الطبي النهائي

ثم فكر بالـ 45 يوم ههههههه

وان شاء الله جميعنا مقبولين

[yasser_vip]

للأسف لان اسم كطيار لم يرفع للكلية (مصآدري الخ ـآص ـهـ
ان شاء الله اكون ظمن المقبولين مبدئي
الله يجعلنا من المقبولين بالجويه
:balbal:

[FLAVA-SAVA]

يا فيصل انا حافظكم واحد واحد .. تبغى تسالني عن احد اسال p:

يا ياسر وضح كلامك ما فهمته والله حق اسم طيار ما يرفع للكلية ؟؟

[fisail]

ههههههه ما شاء الله عليك ^^

هو قصده يعني تم تحويله لتخصص ثاني ~ < مثلي هههههه
بالتوفييق اجمعين ي رب .

[yasser_vip]

آوما حولوك تخصص ثآني الله يعين
حلآتها طيآر :(

[FLAVA-SAVA]

طيب يا عيال كيف اعرف اذا انا حولوني ولا لا ؟؟

[fisail]

ههههه ادع ان شاء الله انك مقبول .. بعدها راح يكتبون وش تم قبولك فيه .

ونصيحه .. لا جاك سئلك أحد صرت ضابط .. ؟ قل والله مو اكيد .. لآن جد ترا احتمال اي لحظه يتم رفضك .. حتى لو كان معك واسطه !

وانا واحد من خوياي .. واسطته لواء وللآسف من كثر ما يسولف للناس يقول بصير ضابط .. سبحآن الله بنفس اليوم حق اختبار اللياقه صار له شيء المهم ترقد بالمستشفى وعطوه ابر .. وما قدر يروح للأختبار .! ويوم رجع يقول عندي عذر .. ما قبلو عذره .. لآنه مستشفى أهلي ><

يعني قسم ترا العين ما ترحم بالسعوديه .. وحنا للحين ما صرنا ضبآط !!

بعدين مراحل الضباط .. غير عن المراحل الأخرى .. لآن اذا تبي تضمن انك راح تنقبل .. لازم عندك عشرين واسطه ! بكل مكان فيه اختبار لازم واسطه ! .. بعض الناس يحسب خلاص اذا واسطه راح يتم قبولك .. وللآسف ذا مو صحيح بالعسكريه >< بس تعتبر مساعد جيد .
< يا زينك وانت مسكر فمك خخخخ

[yasser_vip]

اقتباس:     المشاركة الأصلية كتبت بواسطة fisail  

ههههه ادع ان شاء الله انك مقبول .. بعدها راح يكتبون وش تم قبولك فيه .

ونصيحه .. لا جاك سئلك أحد صرت ضابط .. ؟ قل والله مو اكيد .. لآن جد ترا احتمال اي لحظه يتم رفضك .. حتى لو كان معك واسطه !

وانا واحد من خوياي .. واسطته لواء وللآسف من كثر ما يسولف للناس يقول بصير ضابط .. سبحآن الله بنفس اليوم حق اختبار اللياقه صار له شيء المهم ترقد بالمستشفى وعطوه ابر .. وما قدر يروح للأختبار .! ويوم رجع يقول عندي عذر .. ما قبلو عذره .. لآنه مستشفى أهلي ><

يعني قسم ترا العين ما ترحم بالسعوديه .. وحنا للحين ما صرنا ضبآط !!

بعدين مراحل الضباط .. غير عن المراحل الأخرى .. لآن اذا تبي تضمن انك راح تنقبل .. لازم عندك عشرين واسطه ! بكل مكان فيه اختبار لازم واسطه ! .. بعض الناس يحسب خلاص اذا واسطه راح يتم قبولك .. وللآسف ذا مو صحيح بالعسكريه >< بس تعتبر مساعد جيد .
< يا زينك وانت مسكر فمك خخخخ

كلآم سليم
وان شاء الله نكون جميعنا من المقبولين نهآآئي

[fisail]

يالبييييييييييييييييييييه ..


مبروووووووووووووك لكل مقبووول وعقبال النهائي ان شاء الله ..

[عاشق التايفون]

يا حضكم

كان ودي اشاركم

لكن للأسف سقطت بأختبار النظر الله يخلف

كنت حاط املي في هالكلية احبها لدرجة الجنون لكن الحمد لله على كل حال

من بعد ما طلعت من الفحص وانا نفسيتي تعبانه وما انام زين ضاق صدري

لكن الحمد لله الذي لا يحمد على مكروه سواه

[fisail]

اخوي .. ربي سبحآنه وتعالى يعرف وش الاحسن لكل شخص .. فعندما يغني شخص ويفقر شخص .. فهذا من قضاء وحكمة ربي ..

قال تعالى : { وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ }

[علي8]

اقتباس:     المشاركة الأصلية كتبت بواسطة fisail  

يالبييييييييييييييييييييه ..


مبروووووووووووووك لكل مقبووول وعقبال النهائي ان شاء الله ..

ابشركم انقبلت ماشاء الله مثلك

بس السؤال وش نسوي الحين ؟؟؟

[عاشق التايفون]

ماشاء الله تبارك الرحمن

الف مبروك لكم يا طيارين المستقبل

[fisail]

تسوي ذا :

يسر اللجـنة المـركزية لـقـبول طــلاب الكليات العسكـريــة إن تعـلن عن ظهـور نتــائج القبول المبدئي لخريجي الثانوية العامة المتقدمين للكليات العسكرية التابعة لــوزارة الدفاع والطيران والمفتشية العـامة , على موقع القبول الموحد للقوات المسلحة (WWW.AFCA.GOV.SA) .
وعلى الطلاب المرشحين مبدئياً مراجعة مكتب التسجيل بمقر ( كلية الملك عبدالعزيز الحربية سابقاً والواقع أمام مركز الشعلة التجاري بشارع الملك عبدالعزيز بمدينــة الرياض) بحيث تبدأ المراجعة إعتباراً من يوم الأحد الموافق 21 / 9 / 1432 هـ حتى نهاية دوام يوم الاربعاء الموافق 24 / 9 / 1432 هـ من الساعة التاسعة مساءً إلى الساعة الثانية عشر صباحاً ,
مصطحبين معهم:

• رقم التسجيل
• بطاقة الأحوال المدنية ( الأسـاس )َ
• وعدد (12) صورة شمسية مقاس (4*6) مكشوف الرأس

لاستكمال إجراء الكشف الطبي المخبري وإنهاء إجراءات القبول .

[fisail]

اقتباس:     المشاركة الأصلية كتبت بواسطة دعولي  

ابشركم انقبلت ماشاء الله مثلك

بس السؤال وش نسوي الحين ؟؟؟

مبروووووووووك يالغلا .. بانتظار المقبولين الباقيين ..

[العميـد]

1. رقم التسجيل ؟؟ الرقم ولا الورقة الصفراء كلها وأن شاء الله ما يحولون أحد لغير الي يبي قولوا آآمين .

ومبروك لكل المقبولين مقدماًَ! والي ما أنقبل أن شاء الله أنها خيرة ,.

[yasser_vip]

فيصل الف الف الف مبروك
انا نتعذر والله ماندري وش الخيره
عقبال مانشوفك معلق النجمه

[fisail]

هههههه ياسر قلبي .. ورب البيت انا ما فرقت عندي .. يعني زي بعض .. بس الفرق ان بالجامعه تدرس اكثر وتتوظف .
اما العسكريه تدرس اقل وتتوظف .. يعني كلهن زي بعض .. والحمد لله انا كسوول مالي مال الدراسه ..

وبالأخير .. هي ببآلك لو تبي عسكريه .. يمديك تدخل بعد الجامعه /. بس سلآمات بعد الجامعه اخذ وظيفه اطلق من العسكريه بمليون مره .!



--------

العميد ههههههه اكيد كلهن ..

ان شاء الله ما يحولون احد .. بس انا اللي شفته كل المقدمين يبون طيار ! والكلية تشترط عشره او عشرين من كل تخصص غير الطيار !

يعني الله يستر !

< وما نزال نخاف حتى بعد القبول !

[yasser_vip]

المشكلة اني دآفور لكن >يمدح نفسه :)
اكره شي عندي دراسه
شباب يقولون بآقي جامعه الامام يمديك تسجل تروح لهم عمادة القبول وتسجل
صح هالمعلومه ولا لا

[fisail]

ياربي .. الحين دامك دافور ..

والشباب يقولون جامعه الامام يمديك تسجل .. !
وش قاعد تنتظر بالضبط ؟؟ يجون ببيتكم ويقولون حضرة السيد ياسر تكفى سجل معنا ؟
بسرعه سسسسجل بكل شيء لا تترك شي ء ..

انا الحمد لله شهادتي بجامعه الملك سعود وباخذها بعد العيد ان صارت اموري زين بالكلية واذا صار شيء غلط .. بكمل دراسه بالجامعه ..

وبالتوفيق لك اخوي وشد حيلك .. ترا شهادة بدون معدل ما تسوى .

[yasser_vip]

اقتباس:     المشاركة الأصلية كتبت بواسطة fisail  

ياربي .. الحين دامك دافور ..

والشباب يقولون جامعه الامام يمديك تسجل .. !
وش قاعد تنتظر بالضبط ؟؟ يجون ببيتكم ويقولون حضرة السيد ياسر تكفى سجل معنا ؟
بسرعه سسسسجل بكل شيء لا تترك شي ء ..

انا الحمد لله شهادتي بجامعه الملك سعود وباخذها بعد العيد ان صارت اموري زين بالكلية واذا صار شيء غلط .. بكمل دراسه بالجامعه ..

وبالتوفيق لك اخوي وشد حيلك .. ترا شهادة بدون معدل ما تسوى .

لا والله لكن فاتني التسجيل بكرا ان شاء الله وانا عندهم
وان شاء الله تضبط كل امورك
موفق يالغلا

[العميـد]

ألأمام ما زالوا يسجلون ؟؟ ما ظنتي والله :(

وش تتوقعون المواد حقتهم ؟

[العميـد]

^^^^
مواد كلية الملك فيصل

[FLAVA-SAVA]

يووووووووووووووووووووووووووووووووووووووووووووووووو وووووووووووووووووووووووووووووووووه
قبلوني قبلوني قبلووووووووووووووووووووووووووووني يا عيااااااااااااااااااااااال


يووووووووووووووووووووه مش مصدق عنيه يا لهوييييييييييييييييييييييي

والله لو تشوفون اهلي كيف الحين اقسم بالله كأني متزوج من الفرحه

يووووووووووووووه

الحمدلله الحمدلله الحمدلله يااااالله لك الحمد حتى ترضى واذا رضيت وبعد الرضا

يوووووووووووووووووووووووووه

والله ماني مصدق توني قايم واجي اشوف الرسالة في الجوال واحك عيوني من الغمممص واتأكد صدق ولالا

يوووووووووووووووووووووووووووووووووووووه

الحممممممممممدلله .. يالله يا رب لك الحمد

[FLAVA-SAVA]

فيصل كيف اصور الشاشة مثلك انا نظام جهازي ماكنتوش

[fisail]

ههههههههههههههههههههههههههههههههههه

مبرووووووووووووووووووووووووووووووووووووووك

ههههههه انا اهلي بيسوون عشاء هههههههه < من الحين هههههههههههه

شسمه جهازك والله ما عندي خلفيه . . هههه بس وش لك بالتصوير .. اهم شيء انقبببلت

وعقبال ما نشوفك بالكليه ..