[Dreamliner_787]

السلام عليكم
إخواني أنا ناوي أحجز رحلة لـ فيينا على طيران الإمارات
لكن المشكله في رحلة العوده أني سأصل لـ دبي يوم الأحد الساعه 11 مساءَ
ورحلتي التاليه إلى الكويت يوم الأثنين الساعه 4 العصر
فهل سيعطونا إقامه في فندق لمدة ليله واحده أم لا ؟؟!!

[s-a-l-e-m]

والله يا اخوي انا ذيك المره نفس طريقتك عطونا فندق

ماذا اذا من السفريات ولا الخطوط نفسها

[Dreamliner_787]

اقتباس:     المشاركة الأصلية كتبت بواسطة s-a-l-e-m  

والله يا اخوي انا ذيك المره نفس طريقتك عطونا فندق

ماذا اذا من السفريات ولا الخطوط نفسها

مشكوور اخوي سالم على الرد
بس المشكله اني بحجز من النت
ما ادري هل راح يعطونا فندق ولا احجز فندق بروحي ؟

[kuwaity_pilot]

حياك الله اخوي فهد
حاول تكلم مكتب طيران الامارات بالكويت واسألهم اذا يعطونك فندق او لأ
لأن بعض درجات السفر لهم فندق مجاني وبعضهم لا(اعتقد بدون فندق لأنك مسافر بموسم صيف)
اذا عزمت تروح والاماراتية ماتعطيك فندق احجز لك فندق بدبي ترى اسعارهم طايحة بالصيف بحدود250درهم لليلة
ترورح وترد بالسلامة ان شاء الله ولا تنسى التقرير

[Dreamliner_787]

اقتباس:     المشاركة الأصلية كتبت بواسطة kuwaity_pilot  

حياك الله اخوي فهد
حاول تكلم مكتب طيران الامارات بالكويت واسألهم اذا يعطونك فندق او لأ
لأن بعض درجات السفر لهم فندق مجاني وبعضهم لا(اعتقد بدون فندق لأنك مسافر بموسم صيف)
اذا عزمت تروح والاماراتية ماتعطيك فندق احجز لك فندق بدبي ترى اسعارهم طايحة بالصيف بحدود250درهم لليلة
ترورح وترد بالسلامة ان شاء الله ولا تنسى التقرير

يعطيك الف عافيه على الرد أخوي حمد
وإن شاء الله راح أمر مكتب الإماراتيه وأتأكد منهم ...

[THE LORD KSA]

اخوي دريم لاينر راجع المكتب الرئيسي لطيران الامارات عندكم في الكويت
النرانزيت عندك حوالي اكثًر من 15 ساعة راح يعطونك فاوتشر للفندق مجانا مهما كانت الدرجة المسافر عليها
وهذا من واقع تجربه رحلتي كان وقت الترانزيت فقط 7 ساعات واعطوني اقامه مجانيه وفي فندق
واذا حاب تتاكد اكثر ادخل على موقعم وابحث عن المعلومة انا قريتها هناك

تحياتي

[محمود عادل دشتي]

اخوي يمكن يعطونك ويمكن لا بس مااعقتد لأنه موسم الصيف في ملايين يبون فنادق غيرك !! فيقعدونهم بالمطار او يخلون بس درجه اولى ودرجة رجال اعمال حق الفنادق:jumping::jumping::jumping:

[Dreamliner_787]

أبشرك يا جماعه أرسلوا لي أيميل أن لي ليله مجاناً في دبي
ورحت مكتبهم وعطوني ليله في فندق كبثورن في منطقة ديره بالقرب من سيتي سنتر :)
يعطيكم العافيه على المساعده