[تنهيدةملاك]

السلام عليكم ورحمة الله وبركاته
اخواني اعضاء ومشرفي خط الطيران المحترمين حبيت اخدمكم مثل ماخدمتوني ووقفتم معاي مرات كثيره انا محمد واحد من طلاب اكاديمية الشرق الاوسط ومع احترامي الشديييييييد اكاديميه فاااااااااااشله اداريا وتدريسيا بمعنى الكلمه وماعندهم خوف من الله يبيعوا كلام للطالب قبل التسجيل عندهم ويهموه باشياء غير موجوده فالاكاديميه ولما تسجل وتدفع الفلوس وتبدأ بالدراسه تلقى الكلام مختلف تماما عن الواقع اعطيكم امثله لما اتواصلت معاهم وباقي زملائي قالوا بنوفرلكم سكن بفندق لمدة اسبوع مجانا على بال ماتلاقوا سكن ولما توكلنا على الله ووصلنا الاردن وزرنا الاكاديميه ووقعنا العقد معاهم نتفاجئ بعد ثلاث ايام انه حجزنا انتهى بعدها اتصلنا بالاكاديميه وخبرناهم بللي حصل لكن بدون اي فائده وقالوا نحن ماقلنا لكم اسبوع!!! بعدها اضطرينا نطلع بس ربك كريم وماينسى حد سهلها علينا ولقينا سكن وايضا بموضوع التأمين الطبي قالوا تأمينكم بيكون فرست كلاس بس اتفاجئنا ونحن فالاكاديميه انها سكند كلاس طبعا كل شي ضهر بعد توقع العقد وطبعا هناك بند من بنود العقد يقول اذا كنت حاب تفسخ العقد تدفع غرامه ماتقارب 2500دولار اتعاب الاكاديميه!!! وازيدكم من الشعر بيت لو حد دخل عالموقع تبعهم اتحدى واحد يعرف كم عدد الطائرات اللي عندهم؟تدرون ليش بسبب قلة عدد الطائرات الموجوده عندهم!!! والشئ السلبي الاخر انك ماتقدر تطير الا اذا نجحت في امتحان السلطه عكس باقي الاكاديميات اللي مايشترطوا عليك الطيران بالنجاح فالسلطه, وهذا يوفر كثييييييير من الوقت طبعا والمشكله انهم يدرسوك الجراوند سكول لمدة ست اشهر ويبغالك كم يوم اذا ماكان كم شهر عشان تذاكر وتروح تختبر يعني تطير بعد شي ست الى ثمانية اشهر!!!!!!!! لا وكمان يقولولك نحنا نوفرلك دورات انجليزيه مجانيه لمدة ست اشهر اذا لغتك ضعيفه والمدرسين اجانب وناطقين باللغه الانجليزيه بس والله العظيم انه تدريسهم جددددا فاشل ومايعرفوا يشرحوا القواعد صح ومايعطوك لسننق ورايتنق واسبيكنق لانهم كل يوم يدرسوك وحده كامله عشان كذا مافي وقت للسننق والاسبيكنق والرايتنق :protest: ..
بالمناسبه في اداريه هناك اخذت جوازاتنا على اساس تكمل باقي الاجرائات واسمها "مريم عوده" بس اتضح انها صادرت الجوازات عشان تضمن وجودنا فالاكاديميه وتوقيع العقد معاهم ودفع الرسوم؟ والله نصب !!! وكمان في شخص اخر اسمه عبدالقادر الرمحي وهو مدير الماليه ودارس علم نفس وانا قبل مااتسجل فالاكاديميه كنت اتفقت مع والدي اني اخذ رخصة ال بي بي إل واكمل بمكان ثاني لكن دكتور علم النفس اتصل للوالد واقنعه بكلام لو تشوفوا كيف عشان اكمل معاهم باقي الرخص ووالله العظيم من جد اتكلم والله على مااقول شهيد..
ملاحظه: انا في وقت من الاوقات علقت في هذا المنتدى على اكاديمية الشرق الاوسط وللاسف كنت متسرع لاننا علقت عليها في اول يوم من وصولي للاردن وزيارة الاكاديميه لانهم كانوا متخفيين وراء اقنعتهم المزيفه.. حسافه الكثير كان يضحك ع الفلبين ومن النصب اللي فيها لكن انصدمنا فالاردن كمان!! :1icon_g1:
اتمنى من ادارة المنتدى ماتغلق الموضوع هذا عشان ينتبه الجميع ومايوقعوا بنفس غلطتي وانتم سيد العارفين بمثل كذا اشياء واي حد عنده سؤال او تعلق يتفضل...

[Dr.Alrefaey]

الله يفرجها عليك اخي تنهيده ملاك و يسهل امورك. الموضوع مفتوح و لن يتم اغلاقه لافاده الاعضاء الاخرين.
مع ضروره التذكير ان اداره المنتدى تخلي مسؤوليتها عن دقه الكلام المذكور فهو بذمه ناشرها..*

[inventor]

يعطيك الف عافيه على التنبيه والله اعتقد كل الدول العربية لااااتقربها العب على المضمون
روح امريكا او كندا او غيرها ارخص واضمن

[الطيار97]

لا حول ولا قوة الا بالله العلي العظيم

[طيار الميج]

الله يجزيك الخير أخي العزيز
فعلا أمر مقلك و معلومات هامة للطلاب للي كان عندهم رغبة للدراسة في الأردن

[future captain]

لا حول ولا قوة الا بالله العلي العظيم

[Capt.Albahar]

شكرا لك اخي الكريم على هذا التنبيه مع ان الاكاديميه كانت احدى خياراتي للدراسه. لم يبقى لي سوى ان ادرس في الولايات المتحده او الفلبين و ربنا يسهل..

[jordan first]

يا خوي والله خوفتني كثير مع اني بدرس باكاديمية الطيران الملكية الاردنيه بس الحمدلله لحد الوقت ماشوفت غير كل خير منهم .

[southwind]

اكادميات الاردن سئيه جدا ونصابه عوضك على الله

[تنهيدةملاك]

سلام عليكم شباب كيفكم وايش اخباركم؟ ان شاء الله تكونوا بأتم الصحه والسلامه
مثل ما خبرتكم من قبل على اللي صارلي رح اواصل كشف الاعيب واستهتار الاكاديميه
قبل فتره كان ياشباب معانا امتحانات تجريبيه وطبعا المدرسين اللي معانا حدث ولاحرج ومن الاساليب الجديده فالغش انه الطلاب يصوروا اوراق اجاباتهم ويتراسلوها عبر البلوتوث ايش رايكم؟ ""طبعا وصلوا لهذا الحد من التصرف والوقاحه نتيجه لشخصية واستهتار المدرسين اللي عندنا فالاكاديميه""!!! بالله كيف بيكون الطالب متفوق ويجتاز امتحانات السلطه اذا ماكان فيه جديه وحزم ومتابعه من المدرسين؟؟!!!قاعدين يضحكوا على الطلاب بعلامات الامتحانات اللي يعطوها له فالاكاديميه عشان يفرح الطالب بالاكاديميه والمدرسين اللي فيها وبعدها ينصدم بامتحانات السلطه!!!ليش هذا الاسلوب الشنيع والاستغلال للطلاب؟؟؟؟
ايش رايكم لو قلت لكم انه رئيس الكباتنه واسمه درويش ظاظا لما كنت اتكلم معاه بموضوع الدراسه قال ""الطلاب اللي هنا انا عارف انهم بيشتموني وباقي المدرسين!!! قسم بالله مااكذب عليكم.. خلاااااااااص ماعاد في حياء ولاخجل.. وكل واحد عقله براسه ياشباب