[ckoky]

من حقنا طبعا ان احنا نقدم فى الخطوط المصريه لان معظم البنات هنا محجبات

[Mido Black Flame]

ربنا معاكو بس الامور مش هتتظبط الا لو الوزارة اتظبطط و جابو واحد يتقى ربنا ان شا الله
بالتوفيق

[butterfly_spring]

اقتباس:     المشاركة الأصلية كتبت بواسطة Princess sara  

انا بصراحه مش متفقه معاكم المفروض لكل وظيفة مقياس ومتطلبات مينفعش نغصب صاحب الشغل انه يقبلنا والا بعد كده القصيرات اوي هيتظاهروا ويقولوا لازم يقبلونا واللي معندهومش لغه واللي شكلها وهيئتها مش مناسبة وممكن بعد الحجاب نطلب النقاب وهكذا
يعني شركات الطيران طالبين مواصفات معينة وموظفتش حد بالعافيه وبعدين ماهو ممكن يقولوا احنا بنقبل المحجبات ويبقي قرار صوري بس واول ما تتقدموا يسقطوكوا باي سبب تاني
المفروض ان كل واحد يكون مرن في احلامه يعني لو الوظيفه دي مش مناسبه عشان انتي محجبة اختاري وظيفة تانيه او شركة طيران تانية تناسبك وتناسب حجابك واعرفوا ان دايما الانسان مش هياخد كل حاجه لازم يكون في تضحيات
انتي بقي شوفي تقدري تضحي بايه او متقدريش تتخلي عن ايه ورتبي اولوياتك وربنا يكرمنا ويوفقنا كلنا

والله يا أنسة يعنى المفروض شروط الوظيفة ماتبقاش احداها حاجة تخالف شرع ربنا سبحانه وتعالى وكمان أسباب كتيير اعتقد انك مش واخدة بالك منها
أولا احنا ف بلد اسلامى والحمد لله (ومش معنى كدة اننا بنجبر حد على حاجة انما دة معناه ان المفروض يكون فى حريةودة ال احنا مش لاقيينه ف بلدنا الحمد لله وخللى سيادتك تقولى كدة )
ثانيا لو احنا بننادى بالحرية الشخصية وبنقول ان كل واحد حر يبقى طالما بندى الحرية لل عايز يقلع يقلع يبقى كمان فى حرية شخصية لل عايز يلبس ويحتشمم براحته
ثالثا عييب أوى وعار علينا لما تبقى دولة علمانية زى تركيا ولبس المضيفات محتشم وبحجاب ودولة تانية زى ماليزيا وبردوا لبسها بحجاب وحتى الخطوط البريطانية بتدى الحرية للمضيفة لو عايز تلبس حجاب أوتبقى من غيره واحنا نبقى كدة
رابعا لو حضرتك تعرفى حد من مضيفات مصر للطيران وسألتيها هاتعرفى ان عقد الشغل بتاعهم مافيهوش أى بند بينص على شرط عدم حجاب المضيفة
خامسا اكييد دة مش عدل لما يبقى ألاف المضيفات اللى فى ناس منهم بقالهم سنين ف الوظيفة دى وماعندهمش خبرة ف حاجة غيرها ويتم نقلهم لوظائف تانية أقل أو يتم رفدهم بس بسبب انهم قرروا يلتزموا بكلام ربنا سبحانه وتعالى
اخيرا بقى وارجو ان ماكونش طولت عليكم
ماحدش عايز يلزم مصر للطيران انها تخللى كل المضيفات يتحجبوا انما بنطالب بالحرية الشخصية ال عايزة تتحجب او تشتغل بحجابها ماحدش يمنعها

ملحوظة
بالرغم من انى شخصيا الحمد لله طولى مناسب الا ان تهكم حضرتك على البنات القصيرات ف الطول ماعتقدش انه مقبول من أى انسان متفتح ومثقف وعيب قوى ان انسانة متعلمة زى حضرتك تتريق على خلق الله
وأحب أذكرك بقول الله تعالى (لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن )
وربنا يهدينا جميعا
وعلى فكرة الخلاف ف الرأى لا يفسد للود قضية

[ESNAWY]

والله كلامك جميل جدا وكلو زووق