[Hend]

ياترى حلمنا اخرته ايه فى الزمن والعالم ده ؟؟؟؟؟؟؟؟؟؟؟؟
حلمى من وعمرى 9سنوات وابتديت افهم ان لكل وانسان على الارض حلم ورغبه فى تحقيقه وكنت بشوف مدرستى فى المدرسه مدرسه ذات خلق ودين مدرسه فاضله وكنت بشوف مديره فاضله والى الان شيله جوايه الصوره الجميله لهذه الاخلاق اللى مشفتش زيهم تانى ابدا كانت تلك المدرسه سعوديه الجنسيه والمديره كانت بخارية الجنسيه كانوا مثل اعلى ومازالو فى الاخلاق والضمير المهنى والحمد لله ربنا انعم عليه انى بقى ليه علاقه وطيده بهم فاشهد لهم بالاخلاق الإجتماعى ايضا تمنيت ساعتها انى اكون مدرسه مثلهم عندما اكون فى السن الذى يسمح لى بذالك ....
بعد الحلم ده التقيت فى سفرى بمضيفات الطائرات لقيت فيهم حاجه حلوه واخلاق اجتماعيه وتفاعل مع المجتمع بطريقه سويه وكنت بشوف المضيفه وتعاملها معايه حتى وانا سنى صغير تعامل اكثر من انها تقوم بعملها فقط ومن هذا التعامل ووجود ثمره بداخلى فى حب التعاون وخدمة الاخرين بحب وود تمنيت وحلمت ان اكون مضيفه طيران
اذكر من ضمن رحلاتى ودى كانت اخر رحله ليه على الطيران السعودى كنت احمل صندوق صغير جدا احمل فيه اربع عصافير ولم يكن معى تصريح بهم وحطتهم جنبى وكنت ببكى بكاء شديد جداااااا لانى كنت اعلم انى مش هرجع تانى المملكه وهى بنسبالى وطنى الاول رغم انى مصريه بس عشت فيها احلى ايام حياتى ومعظم حياتى اتعلمت فيها ازاى يكون عندى مبدئ ودين واخلاق مع نفسى ومع الاخرين المهم انى كنت ببكى لقيت مشرف الرحله جالى وقالى انتى ليه بتبكى وجبلى مناديل واعد يهزر معايه علشان ابطل بكاء وفجأه سمع صوت العصافير فقالى ايه الصوت ده اناخفت ليخدهم منى فقولتله معايه عصافير قالى انتى حطاهم فين قولتله اهم جنب رجلى من تحت فتح الصندوق وشافهم ولاقيته بيبتسملى وبيقولى انتى معكيش جواب يثبت صحتهم قولتله اه قالى طيب حطيهم مكانهم ومش تخرجهم وانا هسيبهم علشان تبطلى بكاء انا فعلا حبيت تعامله جدا بما انه عنده تصريح كامل انه ياخدهم منى بس هو معملش كده واتعامل معايه بلطف
فكان من وقتها وانا نفسي اكون مضيفه واتعامل كده مع الناس
ولما جيت مصر كل الاحلاهم انهدمت صورة المعلمه الفاضله انكسرت فى ظل الناس اللى بتشتغل هناعلشان تلاقي لقمة عيشها فقط ماانكرش ان فى ناس هنا طبعا عندها مبادئ واخلاق وضمير اكيد فى كل مكان فى كويس وفى وحش بس فرصة انك توصل ده بنجاح قليله
وحلم الطيران مازال الحلم الذى احتفظ به الى الان
يارب مايوصلش للى وصله الحلم الاول
سمعت جمله من شخصيه ذات سلطه هنا بيقول ايه عن نفسه وعن الناس اللى عندهم سلطه زيه ( احنا بنحلم علشان بنعرف ازاى نحقق الحم بتاعنا..... لكن انتوا بتحلموا علشان تهربوا من الواقع اللى عايشين فيه) للأسف ان نسبة صحة هذه المقوله كبيره جداااا
ورغم من كده وان اللى زينا مالهمش غير ربنا
ورغم انى بدور على شغل بقالى سنين
ورغم ان حياتى لم تكون كما اردت
ورغم ورغم ورغم ..... بس عندى امل فى ربنا .. وبيبقى عندى امل عند طلوع كل يوم شمس جديده بتطلع بأمل جديد رغم ان الحياه مابتتغيرش بس الأمل اكيد عايش
ياترى حلمنا هيروح فيييييييييييين ويوصلنا لفيييييييييييييين

[ابوطالب]

هذه هى مصرنا الحبيبة ففى غياب الدين توقعى اى شى واتمنى من الله ان تحققى حلمك يااختى العزيزة

[fawaz]

ما كل مايتمناه المرء يدركه تجري الرياح بما لا تشتهي السفن
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
دائما تنتهي حياة الانسان وهو لم يحقق كل ما في باله لكن (من يتوكل على الله فهو حسبه)

[A.T.M.Pilot]

أختي الغالية * Hend *

موضوع رائع جدا

و الصبر مفتاح الفرج

واثبت بصبرك تحت ألوية الهدى *** فإذا أصبت ففي رضا الرحمن

و مافي انسان على وجه الأرض إلا له حلم

و علشان نفضل ماسكين بالحلم

لازم يكون عندنا أمل و تفاؤل

فالأمل نور النجاح

و التفاؤل رمز الحياة

ألف ألف لف شكر لكي أختي الغالية هند

على الموضوع الرائع

سلمت يمينك عزيزتي

احترامي و تقديري أختي الغالية

أخوكي : محمد

[robyhanem]

كل مكان فيه الكويس والوحش واحنا الحمد لله احسن من غيرنا بكتيير بس مش صح انك تقولي على بلدك كده !!!!

[Hend]

انا برده ذكرت انه ى كل مكان الكويس والوحش ده طبعا شئ بديهى مش كتبت الكلام ده علشان اقول على بلدى كده دى نقطه فى مليون نقطه فى البلد فأكيد فى نقاط حلوه كتير انا كتبت الكلام ده لنتعرف على احلام كل انسان ونشوف مدى صبرنا عليها ونتعلم من بعض فياريت نفهم بعض ومايتحولش الكلام لمهاجمه من دون اسباب للأسف الشديد ان دى الحقيقه اللى حصلت وياريت كانت تبقى الحقيقه غير كده كنت اتمنى ومكنتش نكرتها وفى الاول والاخر زى ماكتبت قبل كده ان كل بلد فيها الحلو والوحش ومصر بلدى فيها حاجات كتير حلوه بس الحاجات دى مالهاش صله بكلامى اللى بقوله فطبعا لو كان الكلام ليه صله بحاجات كويسه كنت ذكرتها
تكرم لمرورك وابداء رأيك ووجودنا هنا للنقاش والاستفاده لا اكثر
ولك انسان عنده حلم وقصه ليه نستفيد منه ويكتبه لينا

[MoHaB]

اختي هند انا زيك عايش بالسعودية واحب اقولك ان مصر لسه بخير انا معاكي ان في شوية قصور في حاجات كتير في بلدنا بس برده هتفضل بلدنا الي بنعشقها ومنستغناش عن ضفرها هو فعلا الشغل بالواسطة بس هقولك كلمة اخيرة الصبر مفتاح الفرج يارب يحققلك امنيتك يارب يارب العالمين

انا بدرس it ناوي اشتغل فترة وبعد كده انزل اقعد في بلدي الي مليش غيرها واسف على الاطالة واتمنى مكنش دوشتك

تحيا مصر

[Hend]

اهلا بيك مهاب ياجماعه حولتوا النقاش والكلام فى الاحلام لقضيه وطنيه ليه يعنى هتبرى من بلدى استحالى انا بتكلم عن الاحلام والامنيات وتحقيقها من عدمه سواء فى بلدى او غيرها وذكرت حاجات كويسه فى المكان اللى عشت فيه واتربيت طول عمرى فيه
ياريت يفضل النقاش على انه موضوع حلم ونقاش فيه ومش يكبر بشكل انه انا بسئ لمصر على عينى وراسى مصر وماليش غيرها وماليش غير ارضها
ياريت تفهمونى ياجماعه:poster_dont:

[MoHaB]

اقتباس:     المشاركة الأصلية كتبت بواسطة Hend  

اهلا بيك مهاب ياجماعه حولتوا النقاش والكلام فى الاحلام لقضيه وطنيه ليه يعنى هتبرى من بلدى استحالى انا بتكلم عن الاحلام والامنيات وتحقيقها من عدمه سواء فى بلدى او غيرها وذكرت حاجات كويسه فى المكان اللى عشت فيه واتربيت طول عمرى فيه

ياريت يفضل النقاش على انه موضوع حلم ونقاش فيه ومش يكبر بشكل انه انا بسئ لمصر على عينى وراسى مصر وماليش غيرها وماليش غير ارضها

ياريت تفهمونى ياجماعه:poster_dont:

لا يا هند انا مجبتش سيرة وطنية وهتتبري انا بس بقولك انا احنا عندنا فعلا عيوب وان شاء الله الحال يتحسن وربنا يحققلك امنيتك انا خايف بس تفهمي كلامي غلط اني بشكك في وطنيتك ولا حاجة شكلك زعلتي

[امازيغي]

الله يكون في عون الشعب المصري و الصبر مفتاح الفرج

[draculaghost2007]

موضوعك جميل جداً أختي العزيزة هند و إن شاء الله سيتحقق حلمك قريباً و ستصبحي مضيفة جوية في إحدى شركات الطيران السعودية

و بالنسبة لي فأنا حلمي بالطبع هو أن أكون كابتن طيار و ستتضح الرؤية قريباً جداً إن كنت سأدرس الطيران أم لا و أرجو من الله أن يحقق لي حلمي و لكن في جميع الأحوال سأرضى بأمر الله

و فقط لي تعليق عن الكلام الذي ذكرتيه عن مصرالغالية و الحبيية و الفرق بينها و بين المملكة العربية السعودية العزيزة على قلوبنا أيضاً ..... فمصر كان فيها و مازال فيها و سيبقى فيها دائماً مكاناً كبيراً للقيم و المبادئ و الخير و النماء .... كما أن السعودية ليست بهذه الصورة المثالية التي ذكرتيها و يوجد بها مصائب و مشاكل أخلاقية و اجتماعية كبيرة غير موجودة في مصر و أن ولدت بها و أتنقل بينها و بين مصر و أعرف ذلك جيداً و الفساد موجود في كل مكان

قال فضيلة الشيخ عائض القرني و هو سعودي عن مصر في خطبة ألقاها في المسجد النبوي :

(( إن مدحي لمصر و ثنائي على مصر كمدح الأعرابي و ثناء الأعرابي للقمر
كان يمشي في الظلام الدامس و فجأة طلع عليه القمر فأخذ الأعرابي يناشد القمر و يشكره و يقول يا قمر إن قلت جملك الله فقد جملك و إن قلت رفعك الله فقد رفعك
من أين أبدأ يا مصر و كيف أتحدث و بأي لسان أنطق
إنني سوف أدخل التاريخ من أوسع أبوابه إذا ذكرت مصر و إن الدنيا سوف تصفق لي و يصفق لي الدهر إذا ذكرت مصر
مصر المسلمة التي شكرت ربها وسجدت لمولاها ... مصر التي قدمت قلوبها طاعة لربها و جرت دماؤها بمحبة نبيها عليه الصلاة و السلام
إن لك يا مصر في عالم البطولة قصة و في دنيا التضحيات مكان و في مسار العبقرية كرسي لا ينسى أبداً
أي جامعة في الدنيا تحمل الثقافة ليس فيها مصر
و أي مؤسسة علمية في المعمورة ليس فيها مصر
و أي مسار ثقافي لم يشارك فيه المصريون بعقولهم و أبصارهم و بصائرهم
أنزلت سفينة الفضاء الأمريكية على سطح القمر بقدرة الواحد الأحد ثم بعقل المصري ))

هذا ما يقوله العرب جميعاً عن مصر أختي العزيزة فلا يجوز أن نقول نحن المصريين عكس ذلك

فمصر يا أختي العزيزة مهما كان حالها فهي و رغم أنوف الحاقدين كانت و ما زالت و ستبقى تاج الشرق و سيدة الشرق و قائدة العرب و المسلمين دائماً في أي مجال ديني أو أدبي أو علمي ... كما أنه سيأتي النصر للعرب و المسلمين على الغرب على يد مصر و بقيادتها كما كان الحال دائماً و ما يحدث فيها الآن حدث كثيراً مثله على مدار تاريخنا العريق و لكن قريباً جداً ستتحسن الأحوال في مصر و ستعود لسابق عهدها بلداً للخير

و لو لم أكن مصرياً لوددت أن أكون مصرياً

و آسف على الإطالة

و تقبلي تحياتي

[robyhanem]

يا اخت هند انا مش بهاجمك ولا حاجه لان ببساطه انا مفيش بيني وبينك حاجه بس انا يمكن اكون عنصريه شويه .. انا كمان كنت زيك عايشه في قطر فتره طويله ومع ذلك لما رجعت مصر الحمد لله قدرت اتأقلم واعيش حياتي اكيد في سلبيات بس كمان في ايجابيات ومن فضل ربنا عليه اني بعد ما خلصت الجامعه اشتغلت على طول والكلام اللي بيتقال ان مفيش شغل والكلام ده انا ضده تماما لان في شغل بس للي يعرف يفكر ويحدد هو عاوز ايه بالضبط ويركز ويتعب وقبل كل حاجه الدعاء الى الله .. كمان عاوزه اقولك اني كمان كان نفسي اشتغل مضيفه والحمد لله رب العالمين ربنا وفقني وهبقى مضيفه ان شاء الله ومفيش حاجه صعبه ولا مستحيله ومش عيب اننا نحلم بالعكس الانسان الشاطر هو اللي يقدر يحول الحلم لحقيقه .

[desertrose]

السلام عليكم
احب ابتدي كلامي بجمله غريبه جدا وتكاد تكون مش مفهومه !!!
( احنا بنحلم علشان بنعرف ازاى نحقق الحم بتاعنا..... لكن انتوا بتحلموا علشان تهربوا من الواقع اللى عايشين فيه)
مين احنا؟؟ ومين انتو ؟؟ انا مبقصدشي اشخاص انا بقصد فئات
يا ريت اعرف عشان اقدر احط تعليقي علي الجمله دي
اما بالنسبه للاحلام فدي اجمل شئ هوه حد يقدر يعيش من غير ميكون جواه احلام او طموحات او امنيات.. بس سبحان الله رغم ان ممكن الانسان يكون بذل اقصي ما عندو عشان يحققها يكون ملوش نصيب فيها او تتحقق بس تكون كابوس بيعيش فيه طول حياتو.
اتمنالك من كل قلبي تحققي حلمك ونصيحتي ليكي ابذلي كل ما في وسعك وسيبي النتيجه علي ربنا متحبطيش احلامك بالكلام بتاع وسايط ومش عارف ايه وكوني راضيه بالي ربنا قسمو ليكي ,, وانتي وقدرك الي لا يمكن حد مهما بلغ من قوه او سلطان هيقدر يتحكم فيه غير ربنا عز وجل .

[nadia nawnaw]

:f45ar: حبيبتي هند أنا متفقة معاكي بس كلامك بينطبق على البلدان كلها مش مصر لوحدها.أي بلد فيه حجات حلوة و حجات كويسة. لكن دي بلدنا ولازم نحبها ونموت فيها رغم عيوبها.البلد زي الأم تحبيها حتى لو كانت مش كويسة.وانا كمان أقولك الصبر مفتاح الفرج

[Sr.Flight Attendant]

شكرا اخت هند على الموضوع ,,
بس تنويه بسيط
سيتم اي مشاركة تخرج عن الموضوع الاساسي وارجو عدم الخروج عن الموضوع والدخول في المواضيع سياسة الدول لتجنب حذف الموضوع ,,

[المعتز]

السـلام عـليكم

جـمعة مـباركة عـليك ياهـند

خـليك مـتفائلة ياهـند وان شـاء الله اللـي فـيه الـخير يـقدمه رب الـعالمين

قـد لاتـكون الـخيرة فـي مـهنة الضـيافة وتـكون فـي غـيرها وقـد تـكون الـخيرة

بالضـيافة لـكنها مـسألة وقـت أخـتي الـفاضلة تـمسكي بالـصبر والـتفاؤل
واجـتهدي ولـتكن الايـة الـكريمة الـتالية
نـصب اعـيننا

قــال تــعالى :
"وعـسى أن تـكرهوا شـيئا وهـو خـير لـكم وعـسى أن تـحبوا شـيئا وهـو شـر لـكم ، والله يـعلم وأنـتم لا تعـلمون " البقرة الاية 216

كـوني واثـقة ياهـند ان تـحقق حـلمك فـهو خـير لك وان لـم يـتحقق فـهو شـر قـد صـرفه الله عـنك

اسـال الله العـلي العـظيم ان يـوفقك لـما فـيه الـخير

[Cap.Shilli]

شكرا علي الموضوع..

[Hend]

اتمنى من الله ان يحقق احلامنا ويفل جوانا امل وحلم نعيش بيه وليه فى اى زمن وعلى اى ارض اتمنى من الله عز وجل ان يكون بعوننا وينور دربنا وتتحسن احوال المسلمين جميعا ويكونوا يد واحده يارب ده الامل اللى عمره مايخلص من عالارض ابدا بعيدا عن سبب وجودنا عليها من بداية الخليقه
بشكر كل من شارك فى هذا الحلم وحاول يرفع معنويات اى حد محققش حلمه
ربنا يكرمنا كلنا يااااااااااااااااااااااارب