[islamm2moon]

بالنسبة لاعلان مصرللطيران اللي طالبيين فيه مرااقبيين جودة ارجو الاستفسار عن عدة اشياء ارجوكم:1-هل في وسايط وكوسة لاني والحمد لله ماعنديش وسايط ولا معارف
2-مانوعية الامتحانات علشان محددين لية يوم17-7-2009أجي علشان اعرف ميعاد الامتحان
3-هل امتحان اللغة صعب جدا لاني مش خريج مدارس لغات
4-مامعني مراقب جودي لاني مقدم ومش عارف اية هية
5-تنصحني بايه في الامتحانات والمقابلة ان ربنا كتبلي اكمل وشكرا اخي العزيز علي مجهودك الرائع

[Mahmoud_123]

الصديق العزيز والله لقد اضحكتنى برسالتك هذة موووووت
اسأل الله بان يكون لك نصيب فيها ان شاء الله
وعلى فكرة انا قدمت فى وظيفة هناك ومستنى قول كدة بتاع 3 سنوات . بس انا عندى امل انهم يكلمونى , لو مش السنه دى يبقا اللى بعدها ههههههه
ربنا يكرمك والله الموفق

[zag]

هههههههههههههههههههههه

لو كان نهر النيل ( صلصة ) مش هايكفي الكوسة اللي في مصر للطيران مش اللي في البلد

ولك ان تستوعب ؟!!!!!!!!!!!!!!!!!!!!!!!!!

[tamer_sawaby]

أيوة مصر للطيران كلها كوسة ليك شوق في حاجة

[tamer_sawaby]

انا شاء الله يكون لك نصيب في مصر للطيران والحاجة دي بتاعت ربنا
قول يارب

[dark_eagle]

اقتباس:     المشاركة الأصلية كتبت بواسطة tamer_sawaby  

أيوة مصر للطيران كلها كوسة ليك شوق في حاجة

مــــــــالك يــا حــج

[برنسيسة]

لا حول ولا قوة الا بالله

ياجماعة

ربنا دايما يعمل الصالح

يمكن مصر للطيران مايكون فيها خيير ليكم

وان شاء الله تنولوا اللي فبالكم

ولا تفقدوون الامل احسنوا ظنكم بالله

واحب اقول شيء

كل شيء فالدنيا قسمة ونصيب

لكم مني دعاء بظهر الغيب ان ينير الله لكم الطريق ويجعل قسمتكم خيير وفي افضل الاماكن امييين

[salmanjassim]

بالتوفيق للجميع

[kholio2150]

بسم الله الرحمن الرحيم

السلام عليكم ورحمة الله وبركاته

عزيز أحب أقولك إن مصر للطيران دي شركة مصرية والكوسة عنوانها.
أنا كنت مقدم علي ضابط حركة تحميل وكنا 12000 واحد مقدم ودخلنا إمتحان اللغة في معهد لغات القوات المسلحة بكوبري القبة وهو مش صعب بس عايز تركيز هو عبارة عن 100 سؤال إختياري 50 إستماع و50 عادي. بس المشكله حاجه هما نجحوا 820 واحد بس يعني حوالي 11000 سقطوهم ليه ماحدش يعرف خالص. أنا ما بخوفكش. أنا برده مقدم في الجوده زيك. وربنا معانا إن شاء الله معلومه ليك مافيش حد قدم للجوده وهو عارف هي إيه؟
يوم 17 / 7 هتروح تعرف موعد إمتحان اللغة ومش هبقي بعيد أوي ممكن يبقي يوم من 21/7
والنتيجة بعدها بحدود 15 يوم. وربنا يوفق الجميع

[islamm2moon]

الف الف شكر اخي العزيز هل اهتمامك وردك علي سؤالي وشكرا علي معلوماتك واسال الله ان يوفقك ويكتبك من الناجحين ان شاء الله

[celitic2010]

انا حضرت الامتحان يوم 9/8/09 وكان الامتحان فعلا 100 سؤال 50 سمعي و 50 قراءه وكلهم اختياري لكن الغريبة اللي الاسئلة السمعية كالاتي : كل سؤال مده الاجابه بتاعته 17 ثانية فقط ومش يبنفع انك تعيد سماع السؤال مره اخري ودي كانت مشكلة فعلا معايا ومع الاخريين وعالفكره احنا امتحنا في معهد القوات المسلحة اللي عند كوبري الفنجري في القبه وبقول ربنا يسترها معانا ويوفقنا ان شاء الله كلنا وهما قالوا النتيجه هتطلع يوم 4/9/09 هنعرفها ..... اتنمني التوفيق للجميع