[3bdulaziz]

السلام عليكم

لشركات الطيران مواسم معينه ترتفع فيها اسعار التذاكر بشكل كبير ثم تعود للإنخفاض بعد هذه المواسم

هل احد عنده خلفيه شامله عن الموضوع

مثلا شهر يوليو واغسطس وسبتمبر هذي صيف ودائما مطارات زحمه وحجوزات صعبه واسعار مرتفعه
هل هناك فترات اخرى ترتفع فيها الأسعار

مثلا انا سافرت في شهر فبراير وفي ابريل كانت الخيارات كثيره و الأسعار منخفضه جدا والحجوزات متوفره والطائرات فاضيه
خلاف اغسطس بالذات

الي عنده خلفيه يفيدنا جزاكم الله خير

تحياتي

[ولـــ زايـــد ـــد]

هلا فيك اخوي

موسم الصيف أكثر المواسم ازدحاما

بدايته المقيمين يسافرون لبلدانهم

وايضا المواطنين يصيفون برع

وآخر الصيف العودة للمقيمين من بلدانهم والمواطنين من سفرتهم


وايضا الأعياد (عيد الفطر وعيد الأضحى)

يكون في ضغط على الحجوزات

وتكون الحجوزات مركزة على الدول العربية ودول الخليج بشكل عام

لكن هالسنه عندنا في الإمارات

المدارس الحكومية وبعض المدارس الخاصة راح يبدوون الدراسه بعد العيد

فما راح يكون في ضغط وااايد للسفر خارج الدولة في العيد

على عكس العودة إلى الإمارات اللي راح تشهد ازدحااام في المطارات


وايضا الكريسماس بالنسبه للأجانب

وإجازة نصف السنة تشهد إزدحام ولكنه خفيف

واليوم الوطني لدولة الإمارات تصير زحمه شوي

وايضا موسم الحج ورمضان تشهد الحجوزات غلى جدة والمدينة طلب غير طبيعي

ولكن هالسنه خف شوي نتيجة انفلوانزا الخنازير

[عبد الله المهنا]

هلا أخوي عبدالعزيز الشق الأول من سؤالك جاوبك ولد زايد ما قصر

بخصوص السعر مو دايما الحجز مبكر تحصل التذكرة رخيصة

لأن المعروف في شركات طيران تحط سعر مبدئي على التذكرة و اذا قرب وقت الرحلة و ما في حجوزات تخفض بشكل كبير

ادخل موقع أي شركة طيران و حط مثلا رحلات شهر 2 القادم و شوف الأسعار

فالواحد يحسب حساب الشغله هاذي

تحياتي

[3bdulaziz]

اقتباس:     المشاركة الأصلية كتبت بواسطة ولـــ زايـــد ـــد  

هلا فيك اخوي

موسم الصيف أكثر المواسم ازدحاما

بدايته المقيمين يسافرون لبلدانهم

وايضا المواطنين يصيفون برع

وآخر الصيف العودة للمقيمين من بلدانهم والمواطنين من سفرتهم


وايضا الأعياد (عيد الفطر وعيد الأضحى)

يكون في ضغط على الحجوزات

وتكون الحجوزات مركزة على الدول العربية ودول الخليج بشكل عام

لكن هالسنه عندنا في الإمارات

المدارس الحكومية وبعض المدارس الخاصة راح يبدوون الدراسه بعد العيد

فما راح يكون في ضغط وااايد للسفر خارج الدولة في العيد

على عكس العودة إلى الإمارات اللي راح تشهد ازدحااام في المطارات


وايضا الكريسماس بالنسبه للأجانب

وإجازة نصف السنة تشهد إزدحام ولكنه خفيف

واليوم الوطني لدولة الإمارات تصير زحمه شوي

وايضا موسم الحج ورمضان تشهد الحجوزات غلى جدة والمدينة طلب غير طبيعي

ولكن هالسنه خف شوي نتيجة انفلوانزا الخنازير

حياك اخي ابو زايد

شاكر ومقدر لك مشاركتك
وفعلا ايام المناسبات يكون هناك ازدحام

واذا تبي تشوف الزحمه على اصول تعال السعوديه وشف المطارات الداخليه قبل العيد او نهايه اجازه شي خيال
والناس تحجز قبل الإجازات بشهر وشهرين خاصه للي يبي يروح لمطارات اقليميه
اما المطارات الدوليه كجده والرياض والدماام اسهل من الأخرى

اكرر شكري لك

[3bdulaziz]

اقتباس:     المشاركة الأصلية كتبت بواسطة عبد الله المهنا  

هلا أخوي عبدالعزيز الشق الأول من سؤالك جاوبك ولد زايد ما قصر

بخصوص السعر مو دايما الحجز مبكر تحصل التذكرة رخيصة

لأن المعروف في شركات طيران تحط سعر مبدئي على التذكرة و اذا قرب وقت الرحلة و ما في حجوزات تخفض بشكل كبير

ادخل موقع أي شركة طيران و حط مثلا رحلات شهر 2 القادم و شوف الأسعار

فالواحد يحسب حساب الشغله هاذي

تحياتي

وهذا الي متأكد منه لكن ماقد شفته هههههههههه
المفروض ان اسعار التذاكر تنزل اذا كانت الطياره فاضيه

طيب اخوي عبدالله ليه احيانن يوم من بين الأيام تحس سعره شاطح فوق ؟؟
بضربلك مثال على اليوم والسعر

يوم 22 يكون السعر 5500
يوم 23 يكون السعر 5500
يوم 24 يكون السعر 5500
يوم 25 يكون السعر 6800 ؟؟؟؟
يوم 26 يكون السعر 5500
يوم 27 يكون السعر 7100 ؟؟؟؟؟
يوم 28 يكون السعر 5500

احيانن اشوف حجوزات زي كذا
هل يعني ان الإمكانيه قلت على الرحلات الي جنبها ؟؟؟؟؟
رغم انها مو شرط انها توافق اجازه اسبووع

شاكر ومقدر ردك ومشاركتك اخوي عبدالله المهنا
تحياتي