[diamond DA-20]

بسم الله الرحمن الرحيم

كيفكم ياشباب ياحلوين....

طبعا هذي اول مشاركه لي معاكم مع اني اتابعكم من زمان وان شاء الله تطلعون مني بفايده.
المهم انا دوبي راجع من امريكا ما لي كم يوم والحمد لله رجعت بالppl الرخصه الاولى زي ما اغلبكم عارفين والحمد لله الف مره انو الموضوع كان في وقت قصير وهذا الي شجعني اكتب في المنتدى لاني شايف ناس كثير بتسأل عن المدارس, وبصراحه اتوفقت في المدرسه وكانوا معايه مره متعاونين لابعد الحدود لارتباطي بعمل وان شاء الله راجع ثاني خلال شهرين يعني على العيد تقريبا .
الموضوع في اعتقادي يهم الناس الي مرتبطين باعمال وماعندهم وقت كافي وبصراحه من الاخير فلوسهم جاهزه ومافي اي وقت للمتعه هناك يعني 3 او4 رحلات يوميا ولغتهم تكون كمان اوكي وجاهزين ويبدأوا الدراسه والقراءه من الان عشان مايضيعوا وقت هناك.
الطيران اغلى شويه عشان على DA-20 طياره جميله جدا وجديده واهم شي انو الهنود بعيدين عنها وما يشغلوها تعرفون الهنود في كل مدرسه طيران في العالم (طفش) بس زي ما قلت اختصارا للوقت.
الي يبغى اي معلومات اضافيه وبالتفصيل الممل يرسلي على الخاص او الايميل حقي وياليت يرسل رقم جواله وماحأقصر معاكم.
يشهد الله انها مساعده لوجه الله

واتمنى التوفيق للجميع

والسلام عليكم ورحمه الله وبركاته

[جالطهم]

اولآ : الحمد لله على سلامتك
ممكن تضع معلومات المدرسة بموضوع كامل . والجميع يستفيد من موضوعك

وشكرآ لك

[zmsx1@hot]

أي والله لو تحط معلومااات المدرسة أحسن للشباب ويكون مجهوود تشكر عليه...

[abu tufa]

الف مبروك وعقبال الكميرشل............

[C.Hassan]

ألـــــــف مــبــروك

[Sr.Flight Attendant]

ياريت اخي الكريم اسم المدرسة وتقرير لفائدة الاعضاء افضل من شغل المراسلة بالخفاء لأنو كدا بتحسس الناس انو فيه شي مو طبيعي في الموضوع وماتبغى احد يعرف عنو
زي مدرسة ناسا في الفلبين
طلعت تبيع الرخص زي المدرسين اللي يبيعو الاسئلة

فخلو بالكم ياشباب واختارو مدارس لها سمعتها

[Captain AMMAR]

وانا اوافق باقي الأعضاء في الرأي بانو تعطينا معلومات كافيه ووافيه عن الأكاديمية وتكون على العلن.. تقبل مروري..

[ترياق777]

اقتباس:     المشاركة الأصلية كتبت بواسطة Captain AMMAR  

وانا اوافق باقي الأعضاء في الرأي بانو تعطينا معلومات كافيه ووافيه عن الأكاديمية وتكون على العلن.. تقبل مروري..

أنا معاك يالحبيب:iconloli:

[alwafi]

السلام عليكم

عزيزي لو كلامك صحيح ياليت تعطينا معلومات اكثر لأن مسألة الوقت واختصار المدة من صالحي وهذا شي اسعى له بسبب ارتبطاي بعمل والكثير من الإخوان ها اتمنى منك انك تعطينا على الأقل اسم المدرسة او موقعها

[serag eldin]

شكرا ومبروك على الرخصة
الى الامام دائما
تقبل مرورى

[diamond DA-20]

بصراحه انا خليت الموضوع شويه عايم عشان الجديه واذا فيه واحد محتاج اكيد حيراسلني وزي ما قلت ماحاقصر معاه.

بعدين الله يهديك يااحمد موسى خوفت الناس بعدين ايش مصلحتي اني اخبي اي شي الموضوع ومافيه الجديه .

ويا وافي كلامي صحيح واذا حبيت ارسلك رقم جوالي او اقابلك ماعندي مانع او اي واحد ثاني انا في جده كل الي نبغاه التوفيق لنا ولكم وبيني وبينكم قبل الخصخصه احسن ما احد يعرف ايش حيحصل بعدها.

على العموم لا احد يزعل هذا موقع المدرسه https://www.usflightacademy.com/

وهذا ايميلي [email protected]
راسلوني في اي وقت

[ترياق777]

عزيزي احنا نبغى تفاصيل كاملة عن المدرسة
وهذا أريح لك من انو كل شوي وواحد طالعلك عالبريد ويسأل عن نفس الموضوع الي انت كل شوية كاتبه
وهذا الي تكتبه ممكن جميع الأعضاء يستفيدوا منه
ولا انت لك رأي ثاني

[هارون]

طيب لقيت برنامج في نفس الا كاديميه شوفوه وردوProfessional Pilot - CFI

PROFESSIONAL PILOT COURSE
ZERO TIME THROUGH CERTIFIED FLIGHT INSTRUCTOR (CFI)

Tuition $36,000*

Licenses and ratings included:
Private pilot
Instrument rating
Single engine commercial rating
Multi engine commercial rating
Certified flight instructor

Total flight hours - 202
Total ground instruction - 169 hours
Dual flight instruction - 116


* Books, supplies, and check ride fees are not included. Tuition is for quoted flight and instruction time, if additional training is needed additional charges will apply

[kareem_0]

الف شكر يا غالي

[diamond DA-20]

اخوي هارون وباقي الاخوان

زي ما انت عارف الاسعار شويه تختلف من الموقع عن الواقع زي باقي المدارس بالنسبه لي انا كلفتني الرخصه الاولى 8000 دولار مع 50 ساعه طيران مع الشك رايد بس لانه على طائره DA-20 ساعتها ب110 دولار والانستركتر 45 دولار بس عشان ماعندي وقت وكنت ابغى اخلص بسرعه , لكن الطياره ماكان عليها زحمه زي( السيسنا وساعتها ب80 دولار).

ويابطل اي استفسار انا تحت امرك

[raaad]

بالله عليك يااخي الفاضل كم طولت المدة حتى حصلت على الرخصة وكم تكاليف الاقامة خلال فنرة الرخصة ... مع الشكر.

[iron man]

السلام عليكم

كم تقريبا تكاليف الاقامة و السكن و ما هو رأيك ؟

كم تكلف رخصة الطيران التجاري بشكل فعلي (لا كما في الموقع)؟

ما هي السلبيات الموجودة هناك؟

و اذا ممكن معلومات اكثر عن الكلية


و شكرا

[CN235 PILOT]

الله يعطيك العافيه وشكرا للمبادره

[Captain AMMAR]

ويا ريت اخوي تعطينا طابع عن مدينة دينتون اللي تقع فيها الأكاديمية والحياه فيها والناس وزي كذا..

معليش شكلي حثقل عليك يا ريت تقلي ايش هيا اسهل وسيلة نقل توصلني لدينتون اذا كان في شركة باصات يا ريت تذكرها واذا ما عليك امر ممكن تقلي كيف انت وصلت لدينتون

وتقبل مروري ومعليش على الأسئلة السخيفة:iconloli:

[diamond DA-20]

اخوي راااد
المده الحمد لله اخذت مني شهر بس كنت مذاكر قبل ما اروح تمام وعملي قريب من الطائرات وهذا سهل عليه كثير وتكاليف السكن 350 دولار مع رووم ميت او 750 لوحدك والباقي طبعا راجع لك .

اخوي ايرون مان
بصراحه مااقدر اقلك كم التكلفه الكامله لاني ماوصلت لتلك المرحله بس الاكادميه تقول التكلفه الكامله 36000 لكن انته حط في الحسبان 40000 الى 45000 وعلى فكره انا اتكلم عن طائرت diamond DA-20 ساعتها ب110 دولار , ومن ناحية السلبيات ماني شايف عليهم اي شي بصراحه ما أدري يمكن لانه كنت مشغول بالدراسه والطيران ,الاكادميه زي ماقلت متعاونين .

كابتن عمار
دنتون مدينه صغيره وتعتبر جامعيه يعني حلوه للدراسه مافي شي يشغلك شمال مدينه دالس يعني اذا طفشت مره تقدر تروح تفرفش وتغير جو كلها نص ساعه وانت هناك , وسيله النقل.... انا صاحبي هناك يدرس ومعاه سياره بس اعتقد تقدر تاخذ تاكسي الى دنتون من مطار دالس .

اي خدمه ياشباب وعلى فكره راجع هناك في العيد ان شاء الله

[ahmed fouad]

ممكن معلومات اكتر ياكابتن عن مدة الدراسة لppl+cpl وكل التكلفة المالية والاقامة وحقيقى انا ناوى انشاء الله التسجيل فى الاكاديمية ياريت تساعدنى اكتر لو مافيها شئ

[diamond DA-20]

اخوي احمد فؤاد عيوني انت تأمر
معروف ان دراسه الطيران تعتمد على الشخص ومدى اسيعابه فتختلف من شخص لاخر وكمان الجو له دور اساسي فكلما كان صافي كل ماخلصت اسرع وكمان المدرسه او الاكادميه ومدى توفر الطائرات لديها وتوفيق الله فوق كل شي.
واذا فيه سؤال او اسأله معينه اسأل.
حياك

[Eagle Driver15]

اخوي ساعة السسنا ب 80 دولار .؟؟؟؟؟
انا لقيتها 170 دولار في مدارس فلوريدا

[diamond DA-20]

اخوي eagle driver الساعه ب80 او85 دولار وعندك كمان ساعه المدرس 45 دولار و الوقود اعتقد 10 دولار يعني تطلع عليك ب140 او 145 دولار.حياك اخوي

[Eagle Driver15]

تسلم على المعلومات القيمة والله يوفقك وتكمل الباقي . لكن سؤال لو سمحت ممكن اعرف نوع فيزتك ؟ انا طبعا قدمت على TSA
عشان التصريح لكن مدري بيمشونها ولا لا ؟لأن فيزتي A2

[aljohani]

على العموم شكرا ماقصرت وتقبل مروري

[diamond DA-20]

اخوي eagle driver

بصراحه ما عندي فيزا مولود هناك بالنسبه للفيزا لازم تكون عندك I-20 من المدرسه وتقدم للسفاره على فيزت M1 او اذا انك هناك تعدل وضعك عن طريق الجوازات وتقلهم انك تبغى تدرس لانه ماتبغى تدخل نفسك في اي مشاكل واعتقد ان المدرسه ماتقبل اصلا لكن انت انوي واستخير الله واستشير والباقي على ربنا وبالتوفيق.
وبالنسبه لTSA ان شاء الله ماتخذ وقت فيه واحد من الهنود جاته في 5 ايام و واحد ثاني في 7 ايام.

اخوي الجهني اهلا بمرورك

[هارون]

الاكادميه تقول التكلفه الكامله 36000 لكن انته حط في الحسبان 40000 الى 45000
ياكبتنdiamondليش الفارق المهول ماهو السبب وهذا الكلام ينطبق على كل الاكاديميات اوحتى بعضهى كيف اعرف انهو في زياده في السعر ..0نبهتني لنقطه مهمه جدا وعفوا اذا طولت وشكراااا

[diamond DA-20]

طيب يا اخ هارون
احاول اشرح لك على قد ما اقدر وعلى ما انا شفت... الاسعار اول شي قدميه في المواقع ثاني شي اسعار البترول زادت, من ما زاد كل شي معاه تقريبا.
بعدين زي ما المده تختلف من طالب لطالب ايضا الاسعار تختلف من طالب لاخر.....اقلك كيف.....نقول انه في طالب خلص البرايفت في 50 ساعه و واحد ثاني خلصها في 65 ساعه....زي ما احنا عارفين مطلوب منا تقريبا 10 ساعات سولو (طيران بدون مدرس) والباقي مع مدرس, فالاول طار 40 مع المدرس والثاني 55 مع المدرس وساعه المدرس ب45 دولار فهنا الفرق وهذي طريقه اغلب المدارس والاكادميات في اللعب بالاسعار يقلك انته مو جاهز للشك رايد (اختبار الرخصه) لكن اش نسوي ما نقدر نقول شي لانه احنى اصحاب الحاجه ولازم نسايرهم.
بس اهم شي ما تسايرهم مره وتكون ساكت حاول تكون لهجتك معاهم قويه شويه.
ان شاء الله تكون استفدت مني
تحياتي

[امريكي232]

اخوي لو سمحت هل يقبلون الي فينسس ايد
بعدين اضفتك في الهوت ميل وما شفتك
يعطيك العافية