[منصوري الدوله]

السلام عليكم ورحمة الله وبركـاتــه

طبعا مدارس الطيران في الامارات كلها بنفس المستوى تقريبا ؛ لكن الوحيدة اللي تقدر تفكر تدخل فيها

أكاديمية الفجيره للطيران لان سعرها محترم شوي ؛ اما مدرسة الامارات للطيران فسعرها اقل لكـن

للاسف قائمة الانتظار طويلـه جدا ؛ اليوم اتصلت عليهم وقالو لي ان الانتظار قد يستمر الى ثلاث او اربع

سنوات ؛ طبعا انا مش قادر اصدق للحين بس هذا اللي حاصل ؛

https://www.emiratesaviationservices.com/

وطبعا فيه اكاديميه معروفه في مدينة العين وهيه اكاديمية الافق للطيران بس عيبها ان اسعارها خياليه

يعني الهيلكوبتر توصل 198 الف درهم للبرايفت وحاليا موقــّــف ,,

والكوميرشال هيلكوبتر توصل للـ 700 الف درهم

اما الطياره العاديه فيوصل السعر الى 400 الف درهم للكوميرشال

ولايوجد عندهم برايفت في هذا الوقت الحالي

سبب ارتفاع الاسعار في اكاديمية الافق على ما اعتقد هو العقود المبرمه مع حكومة ابوظبي وطيران

الاتحاد والجيش ؛ !

على العموم انا انصح بكلية الفجيره لان اسعارها مقبوله نوعا ما ؛ وتقدر تحصل على تمويل من بنك ابوظبي الاسلامي اذا كنت تعمل ؛

بنسبة فايدة 5%

نوع الدراسة في كلية الفجيره JAAR

وعندهم ATPL عباره عن دراسة عن بعد ؛

سعر البرايفت بايلوت 64 الف درهم

وطياراتهم سسنا 172

وسعر الكوميرشال اللي يتضمن برايفت وانسترومنت وكوميرشال تقريبا 250 الف درهم ؛

ويقومون بتحويل الرخصه الامريكيه عندهم بمبلغ تقريبا 12 الف درهم وبعد ثمان ساعات طيران

عيوب كلية الفجيره ان الدراسة الارضيه تاخذ لها شهر ونص ولازم تحضر كلاسات يوميه في هذه المده يعني لازم تبات في الفجيره

وموعد الدراسة الارضيه مش مرن ؛ يعني هم بدأو من شهرين الجراوند سكول واحتمال بعد ثلاث شهوور يبدون للدفعه الجديده وهكذا

بس الميزه انك تقدر تقسم وقتك على كيفك وتخلص الاربعين ساعه الباقيه على راحتك

بس اهم حاجه ان مبلغ الاربع وستين الف يندفع على اربع شهور فقط

الفجيره مدينه ابدن مش غاليه ورايقه وع البحر ومطارها مش مزدحم ؛ يعني اذا انته من الخليج ماراح تحس بالغلا ان شاء الله

https://www.fujaa.ae/index2.php

انا عن نفسي قاعد ابحث عن معاهد طيران في مختلف بقاع الله الواسعه ؛ ومقتنع بالفجيره ؛ لكن للحين ماقررت خصوصا اني اريد اجرب الهيلكوبتر ايضا وعندي ضروف العمل ماتسمح اني اتفرغ للدراسة الارضيه في الفجيره لمدة شهر ونص ! وعقب راح اقرر ؛ صديقي انهى البرايفت في الفجيره ويمدحهم لي والشاهد الله ؛ ولا تحاتون ترى معترف فيها وهيه اقدم اكاديمية في الامارات ؛

احتمال ازورها بكره ؛ فاذا كان فيه اي اسئله انا راح ابحث عن اجابات لها من المصدر

اخوكم في الله

[منصوري الدوله]

أحد الطلاب اخبرنـي انه عملو لهم خصم من 64 الف الى 55 الف درهم ! هذا الكلام للدفعه السابقــه ؛
والجيــش الامــاراتــي يرســـل بعض من الضبــاط الى هذه المدرســـه . :)

اما الخبر غير المفرح :

ان الطلاب الحاليين في المدرسة الارضيه اخبروهم ان التطيير ( الطيران الفعلي ) سوف يتأخر لمدة شهرين.
لاسبــاب لا اعلمهـــا بصراحـــه ؛


بانتظـــار اي استفســـار لاني الى الحيــن مازرت الكليـــه !

[Qutb]

السلام عليكم اخي الكريم
اخوك احمد من مصر
30 سنه
مهندس معماري
ينفع ادرس ولا في مشكلة بسبب السن ؟
السعر لي كام ؟وتكلفة الاقامة طول مدة الدراسة ؟
مدة الدراسة ؟
الشهادة وفرص العمل ؟
جزاكم الله خيرا

[pilotqtr]

اقتباس:     المشاركة الأصلية كتبت بواسطة منصوري الدوله  

السلام عليكم ورحمة الله وبركـاتــه

طبعا مدارس الطيران في الامارات كلها بنفس المستوى تقريبا ؛ لكن الوحيدة اللي تقدر تفكر تدخل فيها

أكاديمية الفجيره للطيران لان سعرها محترم شوي ؛ اما مدرسة الامارات للطيران فسعرها اقل لكـن

للاسف قائمة الانتظار طويلـه جدا ؛ اليوم اتصلت عليهم وقالو لي ان الانتظار قد يستمر الى ثلاث او اربع

سنوات ؛ طبعا انا مش قادر اصدق للحين بس هذا اللي حاصل ؛

https://www.emiratesaviationservices.com/

وطبعا فيه اكاديميه معروفه في مدينة العين وهيه اكاديمية الافق للطيران بس عيبها ان اسعارها خياليه

يعني الهيلكوبتر توصل 198 الف درهم للبرايفت وحاليا موقــّــف ,,

والكوميرشال هيلكوبتر توصل للـ 700 الف درهم

اما الطياره العاديه فيوصل السعر الى 400 الف درهم للكوميرشال

ولايوجد عندهم برايفت في هذا الوقت الحالي

سبب ارتفاع الاسعار في اكاديمية الافق على ما اعتقد هو العقود المبرمه مع حكومة ابوظبي وطيران

الاتحاد والجيش ؛ !

على العموم انا انصح بكلية الفجيره لان اسعارها مقبوله نوعا ما ؛ وتقدر تحصل على تمويل من بنك ابوظبي الاسلامي اذا كنت تعمل ؛

بنسبة فايدة 5%

نوع الدراسة في كلية الفجيره JAAR

وعندهم ATPL عباره عن دراسة عن بعد ؛

سعر البرايفت بايلوت 64 الف درهم

وطياراتهم سسنا 172

وسعر الكوميرشال اللي يتضمن برايفت وانسترومنت وكوميرشال تقريبا 250 الف درهم ؛

ويقومون بتحويل الرخصه الامريكيه عندهم بمبلغ تقريبا 12 الف درهم وبعد ثمان ساعات طيران

عيوب كلية الفجيره ان الدراسة الارضيه تاخذ لها شهر ونص ولازم تحضر كلاسات يوميه في هذه المده يعني لازم تبات في الفجيره

وموعد الدراسة الارضيه مش مرن ؛ يعني هم بدأو من شهرين الجراوند سكول واحتمال بعد ثلاث شهوور يبدون للدفعه الجديده وهكذا

بس الميزه انك تقدر تقسم وقتك على كيفك وتخلص الاربعين ساعه الباقيه على راحتك

بس اهم حاجه ان مبلغ الاربع وستين الف يندفع على اربع شهور فقط

الفجيره مدينه ابدن مش غاليه ورايقه وع البحر ومطارها مش مزدحم ؛ يعني اذا انته من الخليج ماراح تحس بالغلا ان شاء الله

https://www.fujaa.ae/index2.php

انا عن نفسي قاعد ابحث عن معاهد طيران في مختلف بقاع الله الواسعه ؛ ومقتنع بالفجيره ؛ لكن للحين ماقررت خصوصا اني اريد اجرب الهيلكوبتر ايضا وعندي ضروف العمل ماتسمح اني اتفرغ للدراسة الارضيه في الفجيره لمدة شهر ونص ! وعقب راح اقرر ؛ صديقي انهى البرايفت في الفجيره ويمدحهم لي والشاهد الله ؛ ولا تحاتون ترى معترف فيها وهيه اقدم اكاديمية في الامارات ؛

احتمال ازورها بكره ؛ فاذا كان فيه اي اسئله انا راح ابحث عن اجابات لها من المصدر

اخوكم في الله

مرحبا فيك اخوي المنصوري .. ومنور بتواجدك
ويعطيك الف عافيه على هذا التقريررر .
بس على حد علمي انك كنت ناوي تسافر لـ اكاديمية Aviator اللي في فلوريدا
الاكاديمية اللي طرحها اخونا امير النهرين .. اتمنى لك التوفيق بس عندي كم سوال
انا من قطر كم مدة الدارسة لخذ الرخصه كلها وكم سعرهم النهائي في اكاديمية الفجيرة
وايضا هل هناك تعاقد بين الاكاديمية والناقل الرسمي لبعض الخطوط الاماراتية
مثل الاتحاد او الاماراتية لتوظيف الطياريين المتخرجين من الاكاديمية ..

دمــت علىطآعتة

[منصوري الدوله]

والله يا طويل العمر انا كتبت هالموضوع قبل لا اقرر اني اروح لامريكا ! الاكاديميه طيبه لكن لو بتقارنها بامريكا راح تلاحظ ان امريكا افضل بكثيــر ؛؛ من ناحية مدة الدراسه والتكاليف والجو العام للتطيير في امريكا احلــى ؛؛ بعدين اذا بغيت تكمل للرخص اللي بعد البرايفت امريكا راح تطلع عليك ارخص ؛؛ انا قريب مسافر وترقب تقرير لي عن الافييتر وتوكل عقبها ؛؛
كلية الفجيره ماعندها اي تعاقدات مع اي شركه على حسب علمي ؛ لان الدراج في الامارات انك تروح للجيش او لاحد خطوط الطيران وهم يرسلونك على كلية طيران !
طيران الاتحاد يرسل طلبته على كلية الافق في العين
وطيران الامارات يرسلهم الى اوروبا ؛ و ع فكره انا اذكر ان الامارات جاتهم فتره يرسلون طلبتهم على قطر بس هذا من زمان شوي ؛؛



همممم بالنسبه لاخوي المهندس المعماري تكلفة الدراسة للبرايفت ليسن 64 الف درهم
وينفع تدخلها يا طويل العمر ماشي اي مشكله ان شاء الله ؛
اما بالنسبه للعمر فترى هذا العمر المناسب لدراسة الطيران لان الواحد ع الاقل جمّع له فلوس ؛


الله يحفظكم

[dxb_8788]

كلام سليم ,لا ازيد على كلام اخوي منصوري الدوله

انا افضل المدارس الاوروبيه من ناحية الاجواء البارده والتكاليف , الدراسه في الامارات مكلفه اما امريكا فهي
تكاليفها مقبوله واجوائها تعتبر الافضل

أكاديميه الفجيره تكلف 273 الف درهم مع ATPL
طيران الامارات 550 الف درهم بدون ضمان الوظيفه والتدريب في أسبانيا
كلية هورايزن بحوالي 400 الف درهم
الامارات لخدمات الطيران , الاسعار لادنى المتطلبات وراح اكتب متوسط السعر للي درسوا فيها
PPL 52,000 التوسط 70,000
IR 90,000 المتوسط 100,000
CPL 60,000 المتوسط 70,000
MEIR 27,000 المتوسط 35,000
ولا يوجد عندهم ATPL
يعني من 200 الف الي 280 الف كحد أقصى

[a7m4d]

حاب اتداخل في نقطة

اقتباس:

وتقدر تحصل على تمويل من بنك ابوظبي الاسلامي اذا كنت تعمل ؛

بنسبة 5%

[منصوري الدوله]

مش موضوعنا هنيه انه نتكلم عن بنوك ؛؛
وجزاهم الله خير البنك يساعدون الواحد انه يحقق حلمه ؛
على العموم : فيه نقطه مهمه : الفرق بين الدراسه في الامارات واي مكان ثاني في العالم تقريبا 100 الف درهم !!!
بس انته حط في بالك رسوم التحويل من الليسن الامريكي او الاوروبي او غيره الى الليسن الاماراتي : تقريبا يكلف ال20 الف
ويبي له دراسه يعني الفرق يقل !!! هذا اذا كنت ناوي تحوله لليسن الاماراتي اذا حاب تشتغل في الامارات الحبيبه

[a7m4d]

اقتباس:     المشاركة الأصلية كتبت بواسطة منصوري الدوله  

مش موضوعنا هنيه انه نتكلم عن بنوك ؛؛
وجزاهم الله خير البنك يساعدون الواحد انه يحقق حلمه ؛
على العموم : فيه نقطه مهمه : الفرق بين الدراسه في الامارات واي مكان ثاني في العالم تقريبا 100 الف درهم !!!
بس انته حط في بالك رسوم التحويل من الليسن الامريكي او الاوروبي او غيره الى الليسن الاماراتي : تقريبا يكلف ال20 الف
ويبي له دراسه يعني الفرق يقل !!! هذا اذا كنت ناوي تحوله لليسن الاماراتي اذا حاب تشتغل في الامارات الحبيبه

بس برضوا حرام ي اخوي تاخذ قرض بفائدة.
هذا ربا.

[Abo Alyaa]

شكرا اخووي على هالمعلومات ،، الله يوفقك ي رب