[onemanmedo]

يا أخواني انا اعرف ان مواعيد الإمتحان بتتحدد علي حسب رقم تقديمك الي علي الوصل.. يعني انا ميعاد امتحاني يوم 8/8
يا ريت لو حد عارف حاجه تانية يعرفني

[celitic2010]

انا حضرت الامتحان يوم 9/8/09 وكان الامتحان فعلا 100 سؤال 50 سمعي و 50 قراءه وكلهم اختياري لكن الغريبة اللي الاسئلة السمعية كالاتي : كل سؤال مده الاجابه بتاعته 17 ثانية فقط ومش يبنفع انك تعيد سماع السؤال مره اخري ودي كانت مشكلة فعلا معايا ومع الاخريين وعالفكره احنا امتحنا في معهد القوات المسلحة اللي عند كوبري الفنجري في القبه وبقول ربنا يسترها معانا ويوفقنا ان شاء الله كلنا وهما قالوا النتيجه هتطلع يوم 4/9/09 هنعرفها ..... اتنمني التوفيق للجميع

[celitic2010]

فين الردووووووووووووووووووووووووووووووووووووووووووود

[هيثم الطائر]

اللى يعرف اى معلومات عن النتيجه ممكن يقولنا عايز اعرف ممكن للحضرات للمشاركين وعايز اعرف ان كان فيها كوسه ولا عشان الشركه دى كيانها غريب وانا اعتقد انى اهم حاجه الكوسه من وجهه نظرى بس معتقد بحاجه مهمه لاذم كل الناس ممكن تعرفاها انى اللى عايزوا ربنا هو اللى حيكون وربنا يوفق الجميع

[ahmedabagia]

احب انصحك لله بس انا قدمت في مصر للطيران ثلاث مرات على فكره
بس احب اقوللك انها اصلا اصلا كوسه في اغلب الاشياء
وشوف حاجه غيرها واتوكل على الله وماتحطش اي امل عليها اهم حاجه

[ahmedabagia]

وبصراحه انا متابع الاعلانات بتاعة مصر للطيران علشان عندي واحد حبيبي اوي وجارنا يعرف يظبطهالي لكن المره اللي فاتت اتكوست قبل الكوسه بتاعتي شكلها كده
هنعمل ايه بس يا جماعه غصب عن الواحد والله مع اني بكره نظام الواسطه ده وربنا يعلم
لكن الدوله بتجبرك على الاساليب الحقيره دي علشان الواحد يعرف يلاقي مكان بس في الشغل هنعمل ايه
وربنا يسهل بيها او بأي حاجه غيرها

[Ahmed mido]

عايز اقول حاجه ياجماعه انا مدرس انجليزي دخلت الامتحان وكان عادي مش صعب وكنت خارج وانا بقول ناجح باذن الله وخالي اتصل بواحد زميل له وجبلي النتيجه ونجحت ولكن لما روحت اشوف اسمي ملقتهوش انا معرفش في ايه بالظبط قدر الله ما شاء فعل وكان في كشوفات محطوطه تخيليوا لما يتجروا باحلام الشباب في كل مره يقدموا فيها عشان وظيفه في مصر الطيران ويدفعوا ويكعوا 20 جنيه والكوسه اللي دايما بنسمع عنها وحسبي الله ونعم الوكيل

[هيثم الطائر]

هى النتيجه ظهرت جماعه فى القاهره ممكن اللى نجح يقول انوا نجح ولا كل اللى فى المنتدى مش معاهم كوسة وناس طيبين عايز اعرف النتيجه ظهرت ولا اتاجلت ولا فى ايه جماعه ممكن اعرف

[سماالاناقة]

بالتوفيققققققققققققققق

[celitic2010]

انا للاسف مش كان ليا نصيب اللي ادخل فيها وسقطت وبقولها علني واللى نجح 345 ازاي ؟ معرفش بس هاعمل ايه وكل ده عشان هما كانوا عاوزيين خمسه بس يتعينوا وهما معروفيين دا اللي حبيت اوضحه ...
لكل واحد نصيبه ربنا الوحيد اللي يعلم كل واحد ورزقه فين واكيد هايكون احسن من كدا ان شاء الله وانا متفاءل ...

[celitic2010]

بالنسبه للاخوه اللي نجحوا وهايكملوا ان شاء الله بالتوفيق طبعا وهايعملوا كالاتي :
هايكون عندهم امتحان انجليزي تاني وامتحان كمبيوتر يوم 26/9 فى معهد القوات المسلحة بمدينة نصر الساعة 8 صباحا واللي هاينجح فيهم هايتحدد له يوم المقابلة وهايكون فيه شوية اسئلة كدا عامة واللي هاينجح هو اللي هايستحق الوظيفه (يعني من الاخر هي عملية تصفيه للوصول لخمس افراد فقط يتم تعينهم وهما اكيد معروفيين) دا بالنسبه لوظيفة اخصائي جوده
وبالتوفيق ان شاء الله

[أمير القلوب]

أخى العزيز أخوك محمد من أسوان على فكره احنا امتحانا يوم 16/9/2009 يا ريت لو فى اى معلومة عن الأمتحان تقولولى عليها علشان دى أول مرة أدخل امتحانات مصر للطيران ارجوك ساعدونى أعمل ايه و ازى و ربنا يوفقنا و يوفقكم و تكون من نصيبنا و نصيبكم *

[هيثم الطائر]

هو ليه اختبار انجليزى تانى مش المفروض المقابله وخلاص على كده ولا همن ناويين يتعبوا الناس تانى وتالت ولا هو فى ايه بالظبط يعنى لو انا ضعيف فى الانجليزى او كويس يعنى ومعاى واسطه حدخل ولو ممتاز ومش معاى واسطه حروح صح كده اريد استفاده من خبراتكم ولكم جزيل الشكر

[هيثم الطائر]

اللهم اجبر بخاطرالمسلمين ووفقهم من عندك انت الموفق وانت المعطى وانت الوهاب اللهم اكرمنا بحق جاه النبى المصضطفى والايام الكريمه من عندك ياماللك المللك سبحان الله وبحمدك سبحان الله العظيم اللهم عينا على الصبر وقوينا على كل متكبر ظالم وطاغ يارب العالمين يارب يارب اللهم لااله الاانت سبحانك انى كنت من الظالمين اللهم عافنا واعفو عنا وارحمنا اللهم لا نطلب الامنك سبحانك ربى رب العالمين

[هيثم الطائر]

لاتيسوا من رحمه الله الله قادر على كل شى وهى اسباب من عند الله ان كانت واسطه او اى شىء فى الدنيا عايز اقولكم حاجه فى نفسى اقولها لكل الناس اللى سمعانى وبتقرا هذه الاشياء ان الله الموفق والمستعان وياريت الواحد يسعى اذاى يكلم اى حد له علاقه بالحلم اللى بيحلموا من يعرف ممكن يكون سبب من عند الله عز وجل وربنا قال اسعى ياعبد وانا اعينك ربنا يوفق الجميع

[ahmedabagia]

السلام عليكم
اولا ردا على الأخreda bond (HR)
ان مش العشرين جنيه هما المبلغ المهول انا معاك
لكن يا افندم العشرين جنيه دول في كل اعلان
وكل اعلان بيتقدمله عدد مهوووووووووووووووول من البشر
مش هحسبها معاك علشان الرقم بس مايخضكش
اقدر اقوللك يا سيدي الفاضل ان الشركات الكبيره بتعتمد على اسمها في الحاجات دي واللي مش عاجبه يخبط دماغه في الحيط
لو الحيطه طلعت طريه يبقى يعض في الارض
زي اي قطاع اثتثماري مثلا او خاص
وعلى حد علمي انها جزء من الشركه تابع للحكومه والباقي خاص
ولما نحسبها يدوي بأه معلش ونفرض ان عدد الاعلانات الشهريه مثلا عشره
كل اعلان بيجيله وليكن عشر ألف في عشره 10.000عشرة الاف جنيه نقدا وعدا
والله انا امتحنت تقريبا في سنه 2002 سمعت ان المتقدمين وصلو لفوق العشرين الف يعني مش كل الاعلانات زي بعضها واللي عايز
يروح يشوف العدد يروح
مكان التقديمات ده مش بيهمد ابدا عامل زي قسم البوليس
أما بالنسبه يا افندم لكلمة ده تمن امتحان الانجليزي والانتر فيو
انا مثلا اخر امتحان ليا هناك اتلغى امتحان الانجليزي
اما بالنسبه للإنتر فيو يعني حضرتك هما بيأكلونا ايه هناك يعني
دي كانت اسوأ معامله من الراجل اللي بيلم الورق وازبل اسلوب اسف بس في الالفاظ
لكن هيه دي الحقيقه
الحاجه التانيه بالإضافه للعشرين جنيه يا افندم فيه مواصلات رايح جاي
فيه كل شويه تروح علشان تسأل على امتحان بيتأجل
فيه انك لو شغال بتاخد اجازه او بتعتذر مش كل ده بفلوس؟؟؟؟؟؟؟
فيه انه حاجات كتيره اوي
نسيت كمان انا اخر مره قالولنا لازم كارنيه النقابه هههههههههههههههههههههههه
يا افندم دفعنا اكتر من 250 علشان نعمله وكمااااااان ماقبلناش
دي مصيبه انا نسيتها وكأنهم بيوانسو مع النقابه ويقسمو مع بعض
زي مايكون شهادة المعهد مش كافيه
وبعدين يا افندم لو هما عايزين كرنيه نقابه كانو يشترطو نعمله بعد ما نقبل ولا اييييييييييييييييييييييييه
وبعدين مش العشرين جنيه دي عايزين يجيبو منها اجور العمال
يا حرام الشركه فقيره جايين الناس الأغنيااااااااء اللي بتقدم لشغل تصرف على الشركه
وكلام حضرتك (وعلى فكرة عدم إشتراط المؤهل دى ليها سببين أولهم هو إتاحة الفرصة لأكبر عدد من الشباب الغلبان انه يقدم فى الوظيفة )
ردا بأه على الجمله دي انا اخر امتحان كان في 12 اللي فات تقريبا كان عددي في الكشف بعد رقم 600
وكنا في الاواخر
عرفت بعد كده انهم كانو فعلا عايزين خمس اشخاص واتكوست كالعاده ده من واحد بيتعامل مع مسؤول الصيانه او حاجه زي كده
المهم يعني مركز وظيفي ممتاز يعني
ما اكدبش عليك انا كان معايا كوسه والراجل قاللي اتكوست قبل الكوسه بتاعتك هههههههههههههههههههههههههههههههههه
او برضه يحتمل الكوسه بتاعتي مش قويه
يبقى بأه ده اسمه ايييييييييييه مش برضه ضحك ع الدقوووووووون يا استاذي ولا ايه
ومش عارف حضرتك بتدافع عن الشركه كأنها بتاعة اخوك ولا ابن عمك او ورث ليه مش عارف
بتدافع عليها بضراوه ياعيني وصعبانه عليك
ياريت نحس بالشعب المتفرتك مش علشان يا جماعه كل واحد حالته كويسه مايحسش بغيره
أسف على الإطاله وبالرغم من عدم ردي على الاخ بالتفصيل الممل وحكاياتي وقرفي معاهم
لكن مع احترامي لصاحب الرد كان رد اكثر استفزازا بالأخص للي زيي وقدمو كتير
واللي خلاني اصلا ادخل الموقع اني لسسسسسسسه بتعلق بنفس القشايه
وهيه اخر اعلان لمصر للطيران 77\2009
وأخيييييييرا وليس ااااااااااخرا
هيه دي مصرررررررررررررر مصر للطيران هههههههههههههههههههههههههه مش فارقه كتير

[Doda gh]

هههههههههههههههه الله ايه الكلام الجميل ده لا ده شئ مطمئن جداااااااااااااااا
ربنا معانا بقي