ردك اختي ممتاز واعجبني صراحه لكن بعض النقاط ماهب صحيحه من كلامك
نبدا باول شي المظيفه مالها دخل بتفحص الطائره والحالات الطائره السوبر فايزور اللي بالطياره رئيس المظيفين هو من ينقلها ... والنقطه الكبره انه المظيفه مو شغلتها تخدم الركاب هنا تحتا الف خط والف علامه تعجب جنبها !!! اختي الخطوط السعوديه ليست طيران اقتصادي عشان ماتخدمني ! بل حتى الطيران الاقتصادي اذا دفعتي حق الاكل يخدمونك كيف المظيفه ماتخدمك ! غريبه النقطه هذي ! اذا المظيفه ماتخدم الركاب ومو وظيفتها الاساسيه اجل يكفي بالطياره يكون فيه كابتن ومساعد طيار و مسؤول امر الركاب ! يعني اسم المضيفه لحالها يكفي ماسموها مضيفه عشان سلامه الركاب كلمه مضيفه من الضيافه و الضيافه هي الخدمه
خلاص اذا كذا كل شركات الطيران بدال ماتجيب مضيفات ومتعددات اللغات وماادري وش ودفع رواتب يجيبون مسؤول سلامه واحد او اثنين بالطياره يكفون ! . واشكرك اختي على الرد الرائع لكن هذي النقاط استغربتها لانها شاذه من الرد الرائع .
اما عن بعض الاخوان اللي يتعذرون بان المضيفات يتعرضون للمضايقات ترى مب بس مضيفاتنا اللي يتعرضون للضايقات بكل طيران بالعالم يتعرضون للمضايقات والتحرش بانواعه وبعض خطوط العالم يكون فيها مسكرات واذا بدر شي من الشارب يتعاملون معه باحسن معامله ! اما احنا عذرنا والله يتعرضون للمضايقات عذر اقبح من ذنب .. هذا شغل المضيفه لازم تتحمله واذا واح يشوف نفسه مايقدر يتحمل في ١٠٠٠٠٠ شغله بالعالم غير الضيافه !
اانا بقول موقف بسيط بس انا كنت حاجز رحله من الدمام الى جده بوسط الرحله قلت للمضيفه ممكن تجيبين شاهي وابي فيه سكر قالتلي يعني مثلا بحط ملح !!!!! يعني هذا اسلوب ؟ قولولي بعد عشان المضايقات وتحرشت فيها والله شي غريب والله اسوء طاقم ضيافه موجود هو بالخطوط السعوديه ماعدا اشخاص قليلين ووالله نحطهم فوق راسنا اما الباقين والله مايستاهلون غير جزمه وانتم بكرامه وتخب عليه ! اسمحولي والله الكلام هذا من قهر
هلا بك اخي الكريم الكثير مثلك مر بمواقف انا عندي رحلة بعد إسبوع أو إسبوعين
على الرياض وإن شاء الله نحصل لنا مضيفة أخلاقها حلوة :)
شكرا على مرورك
تحياتي وتقديري