لو سمحتي يا داني تقولي لينا الكشف0 الطبي كان عباره عن ايه بالظبط
ويا تري في مبلغ بيدفع في الكشف الطبي ولا لا
الكشف الطبى بتروح يومها صايم متكاش اى حاجة من بليل لكن تشرب ميه عادى لو عايز لكن بتصوم بس عن الاكل وبندفع 930 جنيه وبتاخد بيهم وصل لازم يفضل معاك لانك لما بتقبل وتشتغل بتديهم الوصل ده يرجعولك الفلوس تانى
اول حاجه يتعملها تحليل دم وبول والحجات اللى لازم متكونش موجوده فى التحاليل دى المخدرات والسكر وامراض زى فيرس c و HIV
لكن اى حاجه تانيه مش مشكله يعنى مثلا انميا وكده عادى لو عاليه بيدولك فترة تظبتها تاخد ادويه وتظبط نسبتك وبعدين نرجع تكشف تانى لكن عادة بتمشى عادى
بعد كده فى كشف بطنه وعظام ورسم قلب وضغط واشعة على الصدر وسونار على البطن وكشف اسنان لو عندك اى مشكلة فى سنانك لازم تظبطها لان لو فى حاجه الدكتور لقاها هيقولك روح ظبطها الاول وارجع وده هيأخرك وكمان فى كشف انف واذن وحنجرة وكشف رمد لو بتلبس نظارة لازم تروح بيها عشان بتعمل كشفين بيها ومن غيرها وكشف نفسى عبارة عن اسئلة عاديه عنك وهواياتك واسرتك ولو عندك اى ادويه نفسيه بتاخدها
والمفروض فى نهايه اليوم بتاخد نتيجة الكشف