معلش ياداني ممكن اسألك في موضوع الكتابة ب 50 كلمة و 150 و 250 كلمة ده هو احنا بنعد الكلمات :D و لا بنكتبه ازاي ممكن حضرتك تشرحهولي , و شكراً ليكي يا جميلة
انا حبيت أقولكم تجربتى بالتفصيل يمكن تساعدكم
انا روحت قدمت يوم 7 /9/2012 الاحد بتروحى المبنى الجنوبى الى فى المجمع الادارى لمصر للطيران خلف وزارة الطيران بالاوراق المذكورة فى الاعلان والى ما اشتريتش الدمغة ما تقلقش فى الخزينه بيبيعوا وانتى بتسددى ال 20 جنيه تشترى منهم دمغه التقديم مش بلبس فورمال عادى جدا لانك مش بتعملى اى مقابلات فقط بتقابلى الموظف المسؤل الى بياخد منك الورق وده ملهوش علاقه بحاجه بعد كده بيحددلك مكان تيجى فيه يقولك امتى ميعاد امتحانك وبرضه ده مش محتاج لبس فورمال لانك بتعرفى هتمتحنى يوم ايه وتمشى انا كان امتحانى امبارح الاتنين 17/9/2012 الامتحان فى الجامعه الامريكيه فى التحرير مركز الاممتحانات 24ش الفلكى باب اللوق بتروحى باى لبس مش لازم فورمال لان المقابلة مش هناك بتاخدى معاكى قلم رصاص واستيكه لان الاجابه فى الامتحان بالرصاص وكمان 185 جنيه مصاريف الامتحان بتسدديهم فى خزينه الجامعة الامريكيه الامتحان بقى غير كل الامتحانات القديمه عبارة عن امتحان oral بتدخلى كل واحدة لوحدها مع اتنين ستات بيمتحنوكى هما كويسين جدا محدش يخاف ولا يتوتر ابدا لانهم طيبين ومتعاونين جدا بيتكلموا انجليزى الانجليزى بتاعهم سهل ومفهوم هما مصريين الاسئلة اول حاجه هتقولك عرفى نفسك كله بالانجليزى الاسئلة والاجوبه هتتكلمى عن نفسك اسمك وسنك وحالتك الاجتماعيه متجوزة مخطوبه مش مرتبطه دراستك ايه اشتغلتى فين قبل كده هى بتسالك من كلامك يعنى هتقولى كنت بشتغل فى المكان الفلانى هتقولك سبتيه ليه ياريت الرد يكون اى حاجه غير المرتب هتقولك ليه عاوزه تبقى مضيفه ياريت الرد برده يبقى اى حاجه غير السفر لانها قالتلى قوليلى اى حاجه غير السفر لان كل البنات الى دخلولها قبلى قالولها عاوزين نسافر فهى قالتلى قولى اى سبب تانى انا قولتلها لان الوظيفه دى بتتمشى مع امانياتى الشخصيه وبتيحلى فرصه استغل طاقتى الاجابيه واتعرف على ثقافات مختلفه ولانى لا افضل الوظائف الاداريه بفضل الوظائف الى بتستوجب التحرك والتفاعل مع الاشخاص كما انى افضل العمل فى مجموعات بالانجليزى بقى i applied fo this job as i'm looking forward for an non adminstrative job which gives me the space to achieve success in my career life as it matching my qualifications also it's offer me a large scale of knowlage and communications بعدين قالتلى انك تكونى مضيفه دى حاجه صعبه برايك ايه الحاجات الصعبه فى الشغلانه دى قولتلها طبعا دى وظيفه مش سهلة لانك احيانا تشتغلى لساعات طويلة دون توقف ولازم تكونى مركزة مع اكثر من راكب فى نفس الوقت وانك بتتعاملى مع اشخاص من مرجعيات مختلفه لازم يكون عندك القدرة تلبى طلباتهم قالتلى طيب ايه الحجات السهله او مميزات الشغلة هتقولى نفس الاسباب الى عاوزه تتوظفى عشانها سالتنى تعرفى الراتب هيكون كام او هيدوكى كام قولتلها انا معرفش قالتلى تتوقعى هيكون كام قولتلها اتوقع انه يكون مقبول وفى مقابل المجهود الى هقدمه واعتقد كما ذكروا فى الاعلان انه هيكون وفقا لساعات العمل والطيران الست دايما مبتسمه الست الاخرى سالتنى انتى بتعملى ايه فى وقت فراغك كل واحده تحكى عن هواياتها بعدين قالتى شكر وانا شكرتها وخرجت بعد كده بتاخدوا بريك لان الى جى تقيل امتحان مقسم لجزئين جزء writing وجزء اسئلة حوالى 10 قطع وعليهم اسئلة وجزء استماع
اولا الامتحان ده جروب بيدخلوا مش كل واحده لوحدها زى الى قبله مقسم لكل جزء مده ومفيش بريك الا الوقت الى الست بتشرح فيه ازاى هتجاوبى فى الورقة
الاستماع بتشغل سى دى الصوت فى واضح والكلام ايضا واضح بيزداد صعوبته تدريجيا بس انا مش عاوزه اعقد حد لازم الانجليزى بتاعك يكون كويس عشان تحلى كويس بيكون عبارة عن ناس بتتكلم dialogue وبعدين فى السى دى بيسال سؤال عن المحادثه الى سمعتيها وانتى تختارى الاجابه من الاختيارات الى معاكى فى ورقة هى تسلمهالك وتعلمى على الاختيار معاكى 20 ثانيه للاجابه على كل سؤال بعدين بيديكى وقت تقلبى الصفحة وهكذا نصحتى ليكم فى الجزء ده تركزوا كويس فى الكلام الى بتسمعهوه ومتشتتوش نفسكم بقراءة الاختيارات قبل ما تسمعوا عشان هتتوهووا هتلاقوا نفسكم بتدوروا على اجابه من الى موجودين وفوتوا حجات ممكن يحى عليها سؤال بعد كده وكمان الى ميعرفش اجابه سؤال ينسى ويركز فى الى بعده عشان ميفوتش الى بعده لان مفيش وقت وبيعدوش السمع تانى ده بيكون حوالى 36 سؤال بعدين جزء الاسئلة انا كنت متوقعه يبقى زى امتحانات قبل كده كلمات وجرامر بس للاسف مفيش ولا كده ولا كده عباره عن قطعة وعليها اسئلة عن القطعه حوالى 10 او 15 قطعة مش فاكرة بالضبط مش كلها سهلهه لان فيها كلمات صعبه بس ركزى وحاولى تقرى القطعة كويسه مع كل سؤال تجاوبيه ده معاكى فيه حوالى ساعة بعدين يجى ال writing ده حوالى ساعه كان 3 اسئلة اول سؤال كان عبارة عن صورة لعائلة بيحتفلوا بعيد الميلاد وبيقولك اوصفى الصورة فى من 30 ل 50 كلمه تانى سؤال عبارة عن خطاب رسمى موظف باعة لمديره خطابه بيقوله انه نحج يعمل عقد كويس للشركه هو وفريقه وانه بيطور خطة العمل عشان يحصل على عقود تانية وبيطلب من المدير ترقيه عشان يكون عنده صلاحيات اكتر تساعده فى تحقيق تقدم للشركة المطلوب انك تردى على الخطاب ده الرد لازم تعرفى شكل الخطاب الرسمى يعنى زى الى عندك فى السؤال هتستخدمى الفورمة Dear Ms. .......المرسل اليه بعدين تردى على اموضوع بعدين فى الاخرsincerely واسم الراسل وامضائة ووظيفته وده بيكون حوالى 100 ل 150 كلمة خلى بالك ممكن السؤال يبقى انتى ابعتى خطاب اكتبى فى كذه مش تردى زى ما جالى الجزء التالت من ال writing اكتبى وجه نطرك فى حوالى 250 كلمه عن الموضوع الاتى موضوعى كان عن ان معظم الناس بتسخدم محمول ب كاميرا لتصوير لحظات للذكرة والبعض الاخر بيستخدمه يصور الاخرين ويضايق حرياتهم فما وجه نظرك هتكتبى بقى فى الموضوع ده مش شرط يجيلك نفس الموضوع الفكرة ان ال writing بيكون عبارة عن 3 اجزاء اول حاجه صورة تتوصف تانى حاجه خطاب رسمى او تقرير ودول ليهم فورمة معينه 3 حاجه موضوع عام تخيلى والسؤال فيهم بيبقى مكتوب بالانجليزى والعربى الاجابه بتكون فى كراسه اجابه بتسلمهالك للجزء ده فقط اما الباقى بيكون فى ورقه حمرا بتعلمى فيها على الاختيار الى اخترتيه ممنوع الكتابه فى ورقة الاسئلة وبتسلمى الورقه وتمشى احنا قالولنا نتيجتكم هتعرفوها من مصر للطيران خلال اسبوع خلى بالكم هما مش بيكلموا حد انتى لازم تروحى بنفسك تسألى عن نتيجه امتحانك انا صحبتى قدمة فى نفس اليوم الى انا امتحنت فيه كان رقما من المتقدمين 1123 وادوها معاد الامتحان فى نص نوفمبر قالتلهم كل ده قالولها علشان الامتحان فى الجامعة الامريكيه وهما مش بيمتحنوا غير 40 واحدة فى اليوم كل ما قدمتوا بدرى كل ما امتحانكم كان بدرى لان اعداد كتير بتقدم المرحلة الى بعد الامتحان ده هى المقابله الى بيحددوها فى مصر للطيران ودى الى بتكون فورمال انا لسه ممرتش بيها مستنيه نتيجة الامتحان ادعولى ولو ربنا وفقنى هقولكم ايه الى حصل معايا بالظبط يمكن اكون افادتكم اى حد عنده استفسار انا موجودة