[plane nose]

بص يا اسلام اللي حيحصل معاك كلاتي..
اولا حتروح تقدم السي في, ولو نجحت ان شاء الله حيتصلوا بيك ويقولولك تعالي يوم كمان,
وفي اليوم التاني حتلاقي تلات ممتحنين او اتنين,وحيكون معاك كل اتلناس اللي اتقبلوا من اليوم الاول, وانتو اول متدخلوا حيدوكوا استيكارات وكل واحد حيلزق الاستيكر يتاعه علي كتفه وده الغرض منه انهم يعرفوكوا من بعض يعني لما يلاقوا واحد سرحان حيقيموه غير واحد مركز معاهم, و حيفرجوكو علي فيديوهات عن الشركه و يعدين حيسالوكوا اسئله عن الفيديوهات زي مثلا بتعرفو ايه عن الايميرتس اوي دبي وكده يعني... كل ده عادي حيطلعوكوا بره و حيقولولكو بعد ربع ساعه و طبعا فيه ناس حتكمل و ناس لا, و اللي حيكملو معاهم حيدخلوا علي المرحله اللي وراها ودي حتكون فيها اختيار مهارات التواصل مع اصدقائك اللي فمجموعتك.. يعني مثلا حتختاروا موضوع تتكلموا فيه و هما حيراقبوكوا وكده.. و حيكون فيها قياس الطول, ونفس الحكايه حيطلعوكوا يره وطبعا فيه ناس حتكمل و ناس لا واللي حيكملوا حيدخلوا علي امتحان انجليزي تحريري, ويعدين حيطلعوكوا بره و يعد النتيجه فيه ناس حتكمل وناس لا... وهكذا,ده تقريبا اللي حيحصل... وبالتوفيق.