[العميـد]

ياشباب لا تحسبون الي راح هو أصعب شيــئ باقي الدراسة والتوقيف ما لها داعي بكرا تصير من المواقيف وبالتوفيق للجميع ..!

انا باروح اليوم ان شاء الله بافصل بدلة مموهه وباشتري جزمة لماع الله يكرمكم الي معطينا اثقل من البسطار :D

وباخيط الباجة واضيف كلية الملك فيصل لبدلة الخروج والنيم تاج باجيب 3 ...! ايه صح نسيت بدلة التعليم بافصل واحده واقيف الي عطونا .


وبخصوص الدفعة الثانية : لا تنسون!
1- معطر الجسم

2-معطر الغرفة الي يجي علب زي التونه جب 3 او اكثر

3- بسطار من برا كل الي دخلوا ولا شروا شروه في نص الدورة يعني وفر على نفسك

4-شرابات واجد

5-مكينة حلاقة < تذكروا كلامي خخخ

6-لزاق جروح

7-محفطة للفلوس + مبلغ 100 او اكثر كلها ريالات صرف يعني عشان تقدر تشتري من المكائن.

8- ساعة يد + ساعة خراش عشان تقوم مبكر وتعرف الوقت

9-حبوب زكمة الي ما تجيب النوم << جايب الي تجيب النوم وكلتها في الصبح طيب ما سكرت ولا شيء :P

10-معاليق بيضاء بلاستك الي تجيب مثلثه يعني تقدر تعلق البنطلون << تراها مهمة ..!

11-مناديل للجيب وللغرفة <<<<مهممممممممممم عاد انتم في الشتاء يعني خذ عطاس ..!

12-اكياس عدد 3 ,4 مهمة عشان اذا وديت ملابسك للمغسلة او للملابس الوسخة بدال ما تحطها في الشنطة وكذا.

13-قلمين ازرق ودفتر ابو 40 او أقل موب لازم واجد

14- مصحف << أهم شيء ما يسرع الدورة الا كلام الله .

15- سجادة .

16-صابون جسم , مقص اضافر , اعواد اذان .

هذا الي اتذكره الي احتجناه بشدة ..!

وشدوا حيلكم ولا تدخل وانت تحس ان الكلية فلة :P خخخ اكلمكم جد في ناس دخلوا يحسبون بيجيهم دلع وفي النهاية

انصدموا عشان كذا توقع اي شيء يجيك انا جينا في الحر والشمس حمست وجيهنا والزفلت حار ويدينا انتفخت

انتم بتجون في البرد يعني اخف شوي مع انكم منتب لابسين شيء على راسكم يعني مخك بيصير سلاش :D

وبالتوفيق للجميع ان شاء الله وشدوا حيلكم ...!

اول يومين بنطقطق عليكم تحملونا شوي P: ..!