صباح الخير اخواني ان غلقت الاختبار قبل ساعه و صراحة الاختبار سهل ما فيه اي صعوبة ممكن تواجهكم شوية لخبطة في اختيار الاجابة لكن في اسئله قليل حوالي ١٠ اسئلة يعني الانجليزي حق الثانوي كفاية عليه .
و اكثر شي لفتني هو العدد الكبير للناس يعني ممكن انه اللي كانوا معايا يوصلوا ل ٢٠٠ شخص و صراحه ده شي غريب يعني لدي الدرجة مافي وظائف
الحاصل الله يوفقكم و زي ما قلت الاختبار يعتبر سهل
سلام عليكم اخويا فيصل مع احترامي الشديد لك معلوماتك مغلوطه كانك ما اختبرت معانا ابدا 100 سوال 5خيارات في 75 دقيقةوماذكرت عدد الخيارات وبالنسبة لمعلومة اختبار ((مستوى ثانوية كفاية))جيب طالب ثانوية خليه يحل هذا الاختبار لو قدر سلم عليا
الثانويات عندنا كل دراساتهم مستوى ثاني تقولي مستوى ثانوية كفاية اهدى علينا نحنا في السوشل ميديا وفي وضع الكل يبغى يعرف الصح وخصيصا الموضوع ييتعلق باختبار الاختبار بمستوى جامعي يبغالوا تركيز وانتباه وتجهيز الي ما عندوا معلومات عن الاختبار بعد كلامك ما راح يعملوا حساب دام انوا بمستوى ثانوي والوقت ما يكفي اصلن لاختبار اليوم كان اختباري وبصراحة الاختبار ما يستهان فيه ابدن ذي ما انتا بتقوول الا لو كنت ((اوباما)) ولا ((جون كيري)) ولا ((بل كلينتون)) هذا شي ثاني عشان تستسهل الاختبار لدي الدرجة انا في قلب القاعة افتكرتك وقلت في نفسي شوف يقول مستوى ثانوي في الثانوية عندهم اختباراللغة الانجليزية 5 اختيارات اتحداك واراهنك على كده فمعليش بلاشي معلومات مغلوطه منتى متاكد منها لا تضيعنا معاك بالمعلومات ذي كده والمثل يقول ((قل خير او اصمت)) وبلاشي شغل البلبله الاعلامية