لاء و نسيت أهم حاجة مشتركة بينهم ....
الجرفت الأسود :iconloli:
بس الكوكبيت بيبقي فيها chronometer ( عداد توقيت ) و بيحسب الزمن المتوقع لوصول نقطة معينة , و بيكون التوقيت المستخدم UTC او توقيت جرينيتش , اما ساعات الطاقم بتبقي مظبوطة علي التوقيت المحلي للمدينة , و بالتالي أعتقد ملهاش اي أهمية في قياس الزمن المتوقع للوصول لنقطة ملاحية معينة ..
دا غير ان الطيار لو ماشي ف الطيارة ( جاع و رايح يشطب علي الأكل اللي ف المطبخ مثلاً ) و سأله راكب : احنا فين يا كابتن !! هيقولوا ايه ؟؟؟ , احنا داخلين علي VOR كذا ؟؟؟ اكيد الراكب هيقول ده بيهزر معايا : هي فيه حتة اسمها VOR كذا !! .. بهزر معاك بس مفيش راكب بيسأل طيار هو احنا فين ( أحنا فين دي في عالم الميكروباصات معناها ان السواق يتوقع الراكب يقوله ف أي لحظة علي جنب ياسطي , تخيل بقي طيارة تركن علي جنب ).. أكيد لو هيسأله هيسأله هو فاضل قد ايه علي الوصول ..
ثانياً لو حصل depressurization في الطائرة لا قدر الله , اول أجراء يتبعه قائد الرحلة هو النزول من أرتفاع الكروز لأرتفاع 10,000 قدم و هو الأرتفاع اللي بيبدأ عنده يكون الأوكسجين بنسبة تسمح للتنفس السليم بتاخد تقريباً كحد أقصي حوالي 9 دقايق .. لو هنحسبها بمثال بسيط .. طيارة علي أقصي أرتفاع ممكن توصله طيارة متوسطة زي الـ 737 .. 41 ألف قدم .. عشان تنزل من 41 ألف لـ 10 ألاف هتحتاج تفقد 31 ألف قدم , و مع أستخدام الـ Flight Spoilers هتنزل الطائرة بمعدل هبوط 4000 قدم في الدقيقة , يعني هتاخد بالظبط 7.75 دقيقة ... و خزانات الأوكسجين بتغذي الكابين 15 دقيقة , يبقي ايه فايدة الساعة ؟؟؟ كدا كدا الأوكسجين عمره ما هيخلص قبل وصول الأرتفاع الأمن ( معمول حساب كل حاجة في الطيران ) ..
ايه فايدة الساعة مع طفاية الحريق ؟؟؟
قياس النبض انا معاك فيها , من ضمن تدريبات الأسعافات الأولية لطاقم الضيافة ..
و ياريت برضو لو تقول ايه فايدتها في الأخلاء !!
بس بجد موضوع جميل جداً
علي فكرة انا بحكم شغلي كمرحل جوي شفت طيارين و طواقم ضيافة كتييييير مش لابسين ساعات
.. أكيد بيبصوا في الموبايل ..
اولا طفاية الحريق ايضا لها ذمن معين وتخلص فيه وده على حسب نوع الطفاية المستعملة ولكل لها ذمنها الخاص علشان لما تقرب تخلص تكون مجهذ الطفاية الاخرى وتستبدلها
اما اخلاء الائرة فأن الذمن القياسي للاخلاء يختلف من طائرة لأخري فمثلا الايرباص 310-300 الاخلاء فيها 90 ثانية وهكزا
اما عدم لبس المضيفين للساعة دهيعتبر مخالفة وتقصير يحاسب عليه بس اكيد البيرسرات متهاونين معاهم
واخيرا انا لم اقل ان الساعة مفيدة فى حالة الديبرشرايزيشن لكن شكرا ذكرتني ان الساعة مهمة فى حالة الديكومبريشن ولا ايه رايك ؟؟؟؟
ولك التحية ,,,,,