السلام عليكم ورحمة الله وبركاته
اخوي كابتن احمد اشكرك اخوي على اجابتك لي .....والله ماقصرت ابدا معي ومافي اي تقصير من ناحيتك جزاك الله الف خير ....... لكن خايف من حاحة بسيطة من الانجليزي الشرح يكون بالانجليزي والله متخوف شوي يعني المدرب يشرح بالانجليزي يكون في صعوبة شوي لكن بحاول ان شاء الله اخد دورة انجليزي يعني مرات يجيني تخيلات ان المدرب يشرح بالانجليزي وانا ما افهم منه الا بعد ارجع البيت مثلا واراجع واترجم وبعدها افهم لكن ان شاء الله بحاول اخد دورات ان شاء الله بالانجليزي ثلاث شهور او شهرين يكون مكثفه في جنوب افريقيا قبل ادخل المدرسة ايش رايك ؟ او ادخل على طول مدرسة الطيران على طول وبعدها ممكن يشرح كلمات تكون معروفة في الطيران تترجم وافهم منها ايش رايك اخوي كابتن احمد .......جزاك الله خير
الفــــــــــــــــــــــــــــــــــائز
هلا ب حبيب قلبي
والله شوف يا كابتن
هوا لازم يكون عندك لغة إنجليزية في دراسة الطيران وطبعا مو هذيك اللغة
أنا أقصد يكون عندك لغة عادية
بالنسبة ليا أنا والله العظيم إني لمن سافرت لدراسة الطيران لغتي كانت عادية وأقل من عادية
ولمن وصلت المدرسة كنت أكلم الشباب أقلهم والله أنا خايف لغتي مو مرة
قالولي لا تشيل هم حتتعلم والله حيكون سهالة لإنو كلنا لمن جينا يادوب كانت عندنا
إنجليزي على قدنا
وسبحان الله مشيت سهالة وقاعد أدرس وكل شي سهل والله والأنجليزي الحمدلله
سار مضبوط
وترا على فكرة المدرب يحاول يشرحلك بأسهل طريقة ما يقلك كلام إنجليزي صعب
أو معقد لإنه عارف إنك طالب وعلى قولك إنتا كمان ترجع البيت وتحاول تفهم زيادة
وتترجم وكل شي يكون كويس إن شاء الله
بس إذا مررررة ما كان عندك لغة أنصحك بدراسة 3 شهور ولا شهرين
وطبعا في الطيران كل ما كانت لغتك أحسن تفهم أكثر وتستوعب أكثر
والله يوفقك يارب
ويقدملك إلا في الخير