السلام عليكم ورحمه الله وبركاته
احب اشكر القائمين على المنتدى استفدت منه الحمدلله وهذي رحلتي البسيطه
طبعا انا قدمت على الوظيفه في 6/18 وعديت الاختبار وجاني موعد للمقابله تقريبا شهر 10 لما رحت اخذ وزني وكنت زائد عن المطلوب 7 كيلو تقريبا المهم بعد مادخلت عندهم وشيكو على باقي الاشياء من اسنان ويدي ورقبتي وكوعي خرجت استنى وكان العدد لاباس ممكن 20 او 25 بعدها في ناس اختاروهم للمقابله وانا ماكنت منهم كلمني المسؤول وقالي نزل وزنك وفي تقديم بيفتح بعد شهرين قدم وتعال طبعا خرجت وكنت اقول في نفسي "تصريفه" المهم بعدها بشهرين فعلا فتح تقديم اللي تقريبا كان في ديسمبر قدمت عليه وفعلا جاتني رساله اني مجتاز اختبار الانجلش بعدها جاني ايميل بتحديد موعد للمقابله اخترت اخر يوم بحكم الوزن لما رحت كنا ممكن 12 او 13 واظن كلهم من الناس اللي نفس وضعي رجعوهم اول مره شافو الوزن دي المره +3 كيلو توقعت ما ادخل المقابله لكن كان اسمي موجود والامور تمام كانت مقابلتي اخر شي طبعا لما دخلت المقابله كانت كلها بالانجلش المهم خلصت منها وكانت الامور طيبه كان يوم خميس طبعا جاني ايميل يوم الاحد ترا عديت المقابله الحمدلله حسب اللي قرات في المنتدى بعد كدا تجيني رساله او اتصال بموعد الكشف الطبي والله يكتب اللي فيه الخير.
طبعا اعذروني على الاستطراد في الطرح لكن انا استفدت من المنتدى وحبيت اضيف التفاصيل عشان يمكن في ناس تستفيد واذا في احد عنده سؤال انا حاضر.
ألف مبروك تجاوزك للمقابلة وعقبال توقيع العقد.
لو تسمح لي عندي اسئلة عن المقابلةواعتذر لو طولت
- هل سألوك عن معلومات تتعلق بالطائرات أو أي سؤال بخصوص الوظيفة؟ مثلاً "كيف تتصرف مع الراكب المزعج أو الاطفال أو الحريق والطوارئ بالطائرة؟ "
- ايش الزي المناسب لحضور المقابلة ؟
- كم مدة المقابلة تقريبًا ؟
- جنسية الشخص اللي عمل معك المقابلة؟
شكرًا واتمنى لك كل التوفيق