BAS Aircraft Engineering Training Centre ..
طبعا المواد في البدايه بتكون نظريه لمده سنتين وبعدها المواد العمليه بعد سنتين .. المجموع = 4 سنوات ..
بس اتقان اللغه الانجليزيه مهم وايد بالنسبه حق هالتخصص . وطبعا هالتخصص مو حق الصبيان بس حتى حق البنات
طبعا نظام الدراسة عندنا :
اول فصل بيكون تمهيدي انجليزي عن الطيران ( وايد سهل والكل ينجح فيه )
والكورس الثاني راح يكون .. ناخذ في كل فترة مادة وحدة يوميا وتالي نمتحن فيها وتالي ناخذ مادة غيرها ( يعني ما ندرس 5 او 6 مواد في وقت واحد مثل الجامعات الاخرى ) النسبة المطوبة للنجاح في المادة 75% .. وحتى لو الواحد رسب في المادة له فرصة ان يقدمها مرتين ( يعني المجموع كامل 3 فرص تدش فيها امتحان ) والامتحانات عندنا كلها دوائر multiple choice . وفي سنة ثالثة لازم الواحد يختار ما بين تخصصين : المكاين الي برع الطائرة او الاجهزة الي داخل الطائرة .
اللي يبي يسجل في هالجامعه لازم يتعب على روحه .. والزين ان اللي يتخرج بتكون عنده سنه كامله خبره .. بمعنى اصح .. اذا قدم حق وظيفه في اي شركه للطيران بيقبلونه وكأنه اوردي مشتغل من قبل سنه ..
في السنه لازم تدفع 4000 دينار .. ولل 4 سنوات تحتاج 16 الف دينار . بس موظفين شركه باس يحصلون نص هالقيمه حق اهلهم .. ترا رسوم هالجامعة مثل اي جامعة خاصة في البحرين تقريبا اذا بتحسبون التسجيل والمواد والكتب ... دوام الجامعة من 8ونص الى 1 وفي من 2 ونص الى 6 .
والشغل ان شاء الله مضمون .. لأن مثل ماتعرفون ان تكنلوجيا الطيارات تزيد يوم عن يوم وتتطور ..
التخرج مابيكون بدبلوم او بكاريوس .. بيحصل المتخرج على Licene تابع لمنظمه اياسا العالميه وشركه باس هي الشركه الوحيده في الشرق الاوسط اللي توفر للطلاب الطيران هالشهاده .. يعني الواحد يقدر يشتغل في اي دولة غير امريكا وكندا لان شهادتهم غير .
اللي يتخرج كمهندس ووده يصير طيار .. يقدر يدرس كورس 6 شهور .. وخبرته بتصير اكثر من الطيار اللي دارس بس طيران .. لانه بتكون عنده درايه كامله بكل اجهزه الطياره وبكل مافيها ويقدر يتصرف في حال حدوث اي عطل عكس الطيار اللي يحتاج لمهندس معاه في الطياره ..
وفرضوا ان واحد تخرج واشتغل .. يقدر وهو يشتغل يدرس بعد اذا كان يبي .. هالدراسه بكون عن التحديثات اللي تنزل من طيرارات وغيرها .. بس اللي مايبي عادي ..
واهم نقطة في هالموضوع والي اهي الراتب ...انا اسمعت ان اول ما نتخرج راح يحصل لواحد اقل شي 700 دينار وتالي راح يرتفع وعادي يطوف 1000 دينار وغير هناك في دورات تدريبية للمهندسين و ترقيات و عروض قوية تجي للمهندسين من شركات طيران مختلفة .
بس حبيت استفسر عن التخصص المعدل يصير اقل من 70؟
ايي يصير لان كليتنا نفس اي جامعة خاصة تقبل اي معدل واهم تعرفين انجليزي اوكي لان هالشي راح يساعدج وايد .. والدفعة الي راح تدش سو معاهم مقابلات شخصية سهلة
مثلا ليش تبي هالتخصص .. يجوفون تعرفين تتفاهمين وياهم بالانجليزي
والشغل بيكون مضموون ؟
تبين الصراحة .. انا وايد سمعت ان هالشغلة مضمونة لان تقريبا فوق 200 اجنبي يشتغل في هالتخصص في البحرين .. فطيران الخليج محتاجة وايد مهندسين بحرينين و بحلول 2010 محتاجة اكثر من 100 مهندس ... و دفعتنا فيها 60 شخص خذونا كلنا عشان نتدرب عندهم وتالي نشتغل عندهم ... وخببرج قطاع الطيران قاعد يتزايد و وايد خطوط جوية تنفتح ...
وشلون اسجل ووين؟
حياج مركز باس لتدريب هندسة طيران صوب المطار ( صاير في نفس الصفة ) وهناك اكيد راح يفيدونج
والمبلغ جم بيكون وجم كورس في السنة ؟
السنة 4000 دينار ... وحق موظفي شركة باس لهم نص السعر
والبنات مضمونة لهم الوضيفة مثل الصبيان؟
شغلتنا مافيها بنات وصبيان ... الي يشد حيله في الدراسة اهو الي بيقدر يشتغل ويترقى و .. الخ
ولو الشغلة مو مضمونة حق البنات جان ما خلوا بنات يدرسون ويانا
وبغيت اعرف شلفرق بين الدبلوم والبكالوريووس و وال licens?
الدبلوم ... شهادة تقدرين تحصلينها في سنتين او 3 سنوات ... وتالي صعبة انج تشتغلين فيها لان اغلب الاشغال وليس الكل يبون بكلريوس
البكلريوس ... شهادة تقدرين تحصلينها في 3 او 4 او 5 سنين ... وهاي الشهادة اغلب الجامعين طموحهم ان يحصلونها واغلب الاشغال تقبل هالشهادة و اغلب الموظفين في القطاعات الحكومية و الخاصة عندهم هالشهادة
license .... شهادة كلش غير عن الدبلوم و البكلريوس ... لان الليسن عبارة عن رخصة دولية تأهلج ان تشتغلين في مجال هندسة صيانة طائرات ... يعني نفس ليسن الطيران .. والشهادة ( الليسن ) يكون من EASA منظمة الاوربية للطيران ... وتقدرين تشتلغين في اي بلدة في العالم ما عدا امريكا و كندا لان شهادتهم غير ... واغلب الطائرات الموجودة عندنا اهي الاوربية و اهي منتشرة بشكل واسع في العالم
منقول من منتدى البحرين
من وجهة نظري أرى أنه أفضل مركز في الشرق الأوسط بسبب أنه يمنح الرخصة الأوروبية B1&B2 وهذي تشمل الهياكل والمحركات والأفيونكس مع الحصول علي تخصص علي أحد الطائرات وإكتساب خبرة سنة عملية
ولكن يجب التأكد من قبول نوع الرخصة في بلدك
كنت أعتقد ان المركز يمنح شهادة البكلوريس بسبب مدة الدراسة 4 سنين ولكن أخطأت
مع التحيه
حياك الله أخي الكريم
كان قصدي بأن يكون ردك على ماهو التخصص الأفضل مابين التخصصين المذكورين أعلاه
وشكراً لطرحك ونقلك الرآقي