Chang
شانق
هذا الرولر كوستر الواقع في مدينة العاب السكس فلاقز في مدينة لويس فيل بولاية كنتكي الامريكية بلغ تكلفة إنشاءه 12 مليون دولار و تم تشغيله لأول مره في عام 1997.
يبلغ أقصي ارتفاع الرولر كوستر 50 متر و طولها 1300 متر ، و تبلغ أقصي سرعة للكوستر 100 كم في الساعة.
هذه الصورة تم تصغيرها تلقائيا . إضغط على هذا الشريط هنا لعرض الصورة بكامل حجمها . أبعاد الصورة الأصلية 784x452 وحجمها 87 كيلو بايت .
هذي صوره عامه للكوستر من اعلي.
هذه الصورة تم تصغيرها تلقائيا . إضغط على هذا الشريط هنا لعرض الصورة بكامل حجمها . أبعاد الصورة الأصلية 728x494 وحجمها 73 كيلو بايت .
و هذول الركاب بعد تربيطهم في كراسيهم وهم مستعدين للانطلاق ، مبسوطين و يبتسمون ، مدري بيستمرون كذا بعد ما تنتهي اللعبة أو لا.:)
وش رايكم نركب معهم ونجرب.
يله كل واحد يدور له على كرسي ويتربط زين ، ترى إنا مالي دخل في اللي يطيح وينفقش راسه.
هذي اللفة الرئيسية في الكوستر ، مدري هم صاحين ولا راحوا فيها مع اللفة هذي ، حطو في بالكم انه إثناء اللفة هذي سرعة اللعبة وصلت 100 كم في الساعة.
خلوني التفت و أشيك على الشباب أشوف وش أحوالهم.
هذا (
اقرب بنشر) ماشاءالله عليه مبسوط ورافع يديه في السماء وداخل جو.
افاااا ، وين (
راعي وناسة) ، إنا ماني قادر أشوفه ،،، اصبرو هذاكهو إنا شفته ، بس ورآه مدنق رأسه وحاط يده على وجهه (
يستفرغ).
باقي (
مهاجر الدنيا) خلوني أشوف وش صار عليه ،،، ياولد ماني قادر أشوفه ،،، اف اف اف هذاكهو متمدد على الأرض شكله ما تربط زين وسفط على وجهه
،،، إيه إنا مالي دخل إنا نبهته.
هذه الصورة تم تصغيرها تلقائيا . إضغط على هذا الشريط هنا لعرض الصورة بكامل حجمها . أبعاد الصورة الأصلية 722x852 وحجمها 120 كيلو بايت .
و بعد ما تنزل ألعربه اللي عليها الركاب من اللفة السابقة يدخلون في اللفة هذي اللي جايه شوي على جنب.
انا ما اكذب عليكم اني مع اللفه هذي فغصت البنت اللي جنبي ،،، طيب انا وش اسوي هي اللي عصقوله و انا ماشاءالله علي مربرب.
و (
اقرب بنشر) لين الحين مبسوط و قاعد يغني.
اما (
راعي وناسه) فنا معاد شفته شكله انسدح على الارضيه حقت الكراسي.:)
ومن عجائب الكوستر هذي إن اللفه (
اللوب) اللي في ألصوره تجي بشكل جانبي ولا فيه مثلها على مستوي الكوسترز في العالم إلا 3 كوسترز فيها مثل اللفة هذي
و بعد ما يكمل الركاب 5 لفات متتابعة و بعد ما يهضمون قلوبهم من الخوف تصل أللعبه إلي نهايتها مع ملاحظه انه ما فيه الا كوستر ثانية غير هذي على مستوي العالم اللي فيها 5 لفات متتالية.
أتمنى إنكم تكونون انخظيتو بعد الرحلة معي في الكوستر هذا.
ولكم التحية