[داعية الخير]

أمل حبيبتى يا ريت تحكيلنا انتى استعديتى ازاى للانترفيو
وقدرتى تعرفى منين ان اللغة عندك كويسة يعنى انا تخصصى انجليزى ومع كدة قلقانة انتى اخدتى كورسات وبعتى لهم الشهادة مع مؤهلك و السى فى؟ وانا اذا اخدت كورس محادثة ايه الشهادة اللى معترف بيها فى السعودية؟
وكان الامتحان بعد الانترفيو ولا قبله؟وهل كان فى مصطلحات عن الطيران؟ وكان فى writing and speakingولا كان كله grammar اختيارى؟ وامتى قاسوا الطول والوزن قبل ولا بعد المتحان؟
ويا ريت تحكيلنا عن كل اللى حصل فى الانترفيو من البداية يعنى كانت ملابسك فورمال؟وكم واحد كان بيسألك؟ وكنتوا مجموعات ولا كل واحدة لواحدها وهل هم بيسألو اسئلة عن الضيافة يعنى المفروض اروح اقدم فى معهد ضيافة علشان اعرف اجاوب على الاسئلة دى؟يعنى هم بيفضلوا انهم ياخدوا بنات من معاهد ضيافة؟لانى انا سمعت انهم هينزلوا فى معهد ضيافة هل ده صحيح ؟ واذا نزلوا فيه هيعملوا اوبن داى فى فندق فى يوم تانى ولا لا؟ يا ريت يا أمل تجاوبينى وتطمنينى ويا ريت يا أمل اذا شوفتى اساذ خالد الدوسرى سلميلى عليه لانه غيابه عن المنتدى طال وقوليله مينساش بنات مصر
انا عارفة انى سألت أسئلة كتيرة جدا لكن انا عايزة اكون محضرة نفسى كويس لليوم ده وانا مروحتش اى انترفيو قبل كده لانى لما افكر ان هينزلوا مصر باكون متوترة جدا لانى عايزة اشتغل فى ناس وبس ومش اى شركة تانية وانا باطمع فى سعة صدرك اللى انتى معودانة عليهادائما