اول شي مشكووور يانرجس على الموضوع الجميل الي اخذت منه فكرة بسييطة عن طريقة الاحتفال بالعيد في المغرب
وبالنسبة للعيد عندنا في الرياض في الوقت الحالي ماله طعم ,,,,
يمر يوم العيد مثله مثل اي يوم عادي او في بعض الاحيان يكون ملل
يعني مافي شي تسويه غير انك تزور اقاربك وبعدها ترجع للبيت وانتها العيد ,,,, يمكن اول لما كنت صغير كنت استعد قبل العيد باسبوع وتلقيني مجهز كرتون الصواريخ والشروخة ,,,
ولما يجي يوم العيد تشوفيني اول واحد يصحى من البيت ثم نروح عند جدي ونقعد نلعب انا وعيال عمي بالصواريخ ونزعج الجيران وبعضهم يكونون لسى نايمين
وكم مرة راحو يشتكون عند عمي وكنا ننحاش بس كان عمي يهاوشنا وياما كنت انا الضحية بس في النهاية كنا عايشين في وناسة وفرحانين....
اما الحين ... وانا اتكلم عن نفسي طبعا ... تلقيني اروح اشتري ملابسي ليلة العيد واذا خلصت اروح عند الشباب ونسولف
واذاجا الفجر اصلي وبعدها ارجع لغرفتي ووسع المخدة وانام .... ومتى ماصحيت ابدل ملابسي واروح اتعيد
عيدك مبارك بندر
ان شاء الله ينعاد عليك بالف صحه وسلامه
احلى شي عجبني لما عمك يهاوشكم وانت تكون الضحيه
ههههههههه
يا حلوك
بالنسبه للصورايخ للحين العب بيها وفي ناس ثانيه بعد:iconloli: