ميرسى ياماجى بصى هو امتحان اللغه كان تقيل شويه وكان عبارة عن اسئلة اختار وباراجراف ودة بيبقى جماعى بعد كدة واحدة واحدة بتدخل للشفوى وبتتسألى برضه شويه اسأله بالأنجليزى وانا كانت اسألتى
tell me about your self
why would you like to be a flight attendant
why would you like to join Egypt air
what do you know about cabin crew
what do you benefit from your faculty
what do you plan for the future
لازم طبعآ تكونى واثقة من نفسك فى الأجابه وتكون اللغه عندك كويسه لانهم بيتكلموا بسرعة بس لو الإستماع بتاعك كويس هاتفهمى كلامهم واهم حاجه ماتتهتهيش فى الكلام لان دى اكتر حاجه بتضايقهم وتخليهم يرفضوكى يعنى قولى اجابتك بثقة واللى ماتعرفيهوش قولى انك ماتعرفيهوش افضل .
اما بالنسبه للبراجراف فكان بعنوان
how the media effects on the people's behavior
وطبعآ فى امتحان اللغه بتروحى فورمال بس اى لبس انتى تحبيه
وكدة امتحان اللغه خلص لو نجحتى بيحددولك ميعاد للأنترفيو ودة لازم تبقى لابسه جيبه عند الركبة ودة شرط اكدوا عليه لكل اللى نجحوا المهم بتدخلوا كلكوا فى مكتب وبياخدوا مقاسات واحدة واحدة وبيسجلوها فى ملفك وبعدين بتنتظرى لما الجنه تجتمع وبتدخلوا واحدة واحدة طبعآ بيبصوا على شكلك ومظهرك ودى اهم حاجة بالنسبه ليهم فى اليوم دة وبعدين بيتكلموا معاكى فى المعلومات اللى انتى كاتباها فى السى فى وفى خبراتك لو عندك خبرة او فى مجال عملك اللى مكتوب فى السى فى وبعدين بيدوكى ورقه فيها موضوع بالأنجليزى وبيطلبوا منك تقريها وبعدين بيشوفوا المقاسات بتاعتك مقبوله ولا لأ (بس أنا عندى احساس ان اليوم دة كان يوم الوسايط يعنى بيشوفوا مين عندة واسطه ويعلموا عليه مش أكتر لانهم كانوا كويسين اوى ودى حاجه ماتطمنش ) المهم بعد كدة بيشكروكى وبتخرجى واللى بعدك تدخل وبعدين بيحددولك ميعاد تتصلى عشان تسألى على النتيجة وقالولان لو نجحتوا هايبقى فى انترفيو تانى............ ودة كل اللى حصل وانا مستنيه النتيجة بتاعتى وربنا يستر
طيب ايه نظام المضيفات المحجبات ؟؟؟؟؟ انتى بتقولى روحتى بجيب وكمان عايزة اعرف الكلام ده كان امتى بالضبط اما روحتى قدمتى؟ لأنى فى اعلان نازل انهم طالبين مضيفات والأعلان لحد 3 شهور وياريت لو تعرفى معهد الضيافه فى القاهره قوليلى العنوان وكام شهر الدراسه ووالمصاريف ولو عندى 25 سنة ينفع اقدم فى ولا ايه