[حموده747]

السلام عليكم ورحمة الله وبركاته
كيفكم ياخواني الطيارين والكباتن
بالنسبة للاعلان تبع جردية السعودية الى فهمته انهم اجنحة رابغ عندهم عقد مع الخطوط السعودية وماتنطبق عليهم الشروط ياشباب ترا الكلام دا خاطئ يعني احنا الى باجنحة رابغ متضررين زيكم مافي فرق عنكم ويعني انا بدي افهم من كلام جرية المدينه انو رح يسير تغيير في القرارت بس ياشباب انا نسبتي 75 وتخصصي اداري وبادرس طيران ولسه امكن سنه او سنه وشهرين عبل مااتخرج يعني اذا اتخرجت ان شاء الله رح يقولوى باي باي ولا يحطوني في السري ولا ماني عارف كلامهم لخبطه والله وكيف رابغ عندهم عقد مع السعودية وتنطبق الشروط عليهم ماني فاهم شي والله الى نزل القرارات دي احس انو حط نفسه في متاهه لااول ولا تاني لها نكب نفسه احنا طيارين ونقدر نشوف اي شركة طيران غيرها بس بالاحق خطوطنا السعوديه لانها حامله اسم بدلنا ودا يكفينا وبعدين ابغا افهم يعني الطيارين الاجانب هما احق مننا في العمل في الخطوط السعودية ولا ابناء الوطن والمشكله يقولو الطيارين الغير السعوديين اشتكو منهم في اللغه شفتو كيف الطيارين الاجانب مو السعوديين يعني شي يقهر ويرفع الضغط يعني الى اعرفوا الى مايتكلم لغة انجليزيه يكون جنسيته فلبيني هندي ولا بنقالى ولا اي جنسية تانية وصحيح في بعضهم يكونو ممتازين جدا بس ليش هما يدخلو واحنا نقعد في محلنا ليس مايشيلو القرارات دي ويجربو ابناء الوطن الى احق من الاجنبي ب مليون في الميه وتقولو بطاله طيب انتم غيروا قراراتكم دي وشوفو ابناء الوطن وشوفو كيف يفدوا روحهم وقلبهم وفلوسهم وتعبهم ويدرسو عشان يخدمو بلدهم وفي الاخير تحطو اجانب ولا تنزلو قرارات تعجزيية انا ماني فاهم اصلا ايش المعنى من القرارات دي من حقكم تختبرو الانجليزيه ومن حقكم تزودو ساعات الطيران بس ماتحطمو ابناء الوطن وتدمرو احلامهم ياجماعه يقولو يبغو علمي انا ابغا اعرف ايش دخل العلمي والتخصص في ارواح وسلامة المسافرين يعني بتتوقف على النسبة ولا التخصص انا بادرس طيران ومافي اي معادلات نحلها او مركبات ماهي شغله تعقيديه هيه كلها مسالة قوانين يفهموكم عليها وضغط وغيره مافي معادلات نحلها ولا شي يعني والله شي غريب والمشكله انها الوحيده الى في دول العالم الى طالبه قرارات زي كده طيران الامارات الى افضل منها بمليون مره ماهم طالبين شروط زي كده تجزيه اي نعم صحيح طالبين فيزيا ورياضيات بس كلها الى درسناها في المدرسة مدرسة الطيران او اولى ثانوي ومافي تخصص محدد او نسبة معينه طالبينا اتحاد الامارات . وشركة ناس طالين طيارين سعودين وحتى ناس طلباتهم ماهي زي الخطوط السعودية , لاحول ولا قوى الا بالله . يعني ايش بيستفيدو لما يدمرو احلام ابناء الوطن ليش كده ربنا ماقال كده . نضيع جهدنا وتبعنا وفي الاخير مانتقبل اكيد طبعا رح يكون لهم اثار سلبيه لهم هما اكتر مننا . وانا والله دارس ورح اكمل دراستي الين التخرج ان شاء الله ومافي شي يردني الا لما اكون كابتن على طيارتي المفضله 747 رح اكمل واتعب وماعليه من اي احد . واتمنى كمان الشباب كلهم يعمل زي اصبرو واتكولو على الله والقرارت باذن الله رح يشيلوها ولا يغيروها وانا متاكد كمان انهم رح يغيروها .